202 ಎಸೆತ, 100 ರನ್​ ಬಾರಿಸಿದ KL ರಾಹುಲ್​.. ಕನ್ನಡಿಗನ ಬ್ಯಾಟಿಂಗ್​ಗೆ ಇಂಗ್ಲೆಂಡ್​ ಫುಲ್ ಡಲ್!

ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್​ ತಂಡದ ವಿರುದ್ಧ 2ನೇ ಇನ್ನಿಂಗ್ಸ್​ನಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಅವರು ಭರ್ಜರಿಯಾದ ಸೆಂಚುರಿ ಬಾರಿಸಿದ್ದಾರೆ. ಮೊದಲ ಇನ್ನಿಂಗ್ಸ್​ನಲ್ಲಿ ಕೇಲವ 42 ರನ್​ ಬಾರಿಸಿದ್ದ ಕೆ.ಎಲ್ ರಾಹುಲ್ ಅವರು ಇದೀಗ ಶತಕ ಬಾರಿಸಿ ಬ್ಯಾಟ್ ಎತ್ತಿ ಸಂಭ್ರಮಿಸಿದ್ದಾರೆ.

ಲೀಡ್ಸ್​​​ನ ಹೆಡಿಂಗ್ಲೆ ಕ್ರಿಕೆಟ್ ಮೈದಾನದಲ್ಲಿ​ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದ ಎರಡನೇ ಇನ್ನಿಂಗ್ಸ್​ನಲ್ಲಿ ಕೆ.ಎಲ್​ ರಾಹುಲ್ ಅವರು ಇಂಗ್ಲೆಂಡ್​ ಬೌಲರ್​ಗಳನ್ನ ಚಚ್ಚಿದರು. ಮೈದಾನದ ಮೂಲೆ ಮೂಲೆಗೂ ಬಾಲ್​ಗಳನ್ನು ಹೊಡೆದರು. 3ನೇ ದಿನದಾಟದ ವೇಳೆ ಯಶಸ್ವಿ ಜೈಸ್ವಾಲ್ ಜೊತೆ ಓಪನಿಂಗ್ ಬ್ಯಾಟರ್ ಆಗಿ ಕ್ರೀಸ್​ಗೆ ಕೆ.ಎಲ್​ ರಾಹುಲ್ ಅವರು ಟೆಸ್ಟ್​ನ 4 ದಿನದಾಟದಲ್ಲಿ ಶತಕ ಬಾರಿಸಿದ್ದಾರೆ. 202 ಬಾಲ್​ಗಳನ್ನ ಆಡಿದ ಕೆ.ಎಲ್ ರಾಹುಲ್ ಅವರು ಸಿಕ್ಸರ್​ ಇಲ್ಲದೇ 13 ಅಂದವಾದ ಬೌಂಡರಿಗಳಿಂದ ಹಂಡ್ರೆಡ್​ ಬಾರಿಸಿ ಸಂಭ್ರಮಿಸಿದರು.

ಟಾಸ್ ಸೋತು ಮೊದಲ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್ ಮಾಡಿದ್ದ ಟೀಮ್ ಇಂಡಿಯಾ ಯಶಸ್ವಿ ಜೈಸ್ವಾಲ್, ನಾಯಕ ಗಿಲ್ ಹಾಗೂ ಪಂತ್ ಅವರ ಶತಕದದಿಂದ 471 ರನ್​ಗಳನ್ನು ಕಲೆ ಹಾಕಿ ಆಲೌಟ್ ಆಗಿತ್ತು. ಇದರ ನಂತರ ಬ್ಯಾಟಿಂಗ್ ಮಾಡಿದ್ದ ಇಂಗ್ಲೆಂಡ್ ಟೀಮ್ ಆಲೌಟ್ ಆಗಿ 465 ರನ್​ಗಳನ್ನು ಬಾರಿಸಿತ್ತು. ಇದರಿಂದ ಭಾರತ ಕೇವಲ 6 ರನ್​ಗಳ ಲೀಡ್ ಪಡೆದುಕೊಂಡಿತ್ತು.

ಇದೀಗ ಕನ್ನಡಿನ ಕೆ.ಎಲ್ ರಾಹುಲ್ ಅವರ ಮನಮೋಹಕವಾದ ಶತಕದಿಂದ ಟೀಮ್ ಇಂಡಿಯಾ 250 ರನ್​ಗಳ ಲೀಡ್ ಪಡೆದುಕೊಂಡು ಬ್ಯಾಟಿಂಗ್ ಮಾಡುತ್ತಿದೆ. ಇನ್ನು ಕೆ.ಎಲ್​ ರಾಹುಲ್​ಗೆ ಉತ್ತಮ ಸಾಥ್ ಕೊಟ್ಟಿರುವ ವಿಕೆಟ್​ ಕೀಪರ್ ರಿಷಭ್ ಪಂತ್ ಅವರು 82 ರನ್​ ಗಳಿಸಿದ್ದು ಮತ್ತೆ ಸೆಂಚುರಿ ಸಿಡಿಸುವ ಭರವಸೆಯಲ್ಲಿದ್ದಾರೆ. ಸದ್ಯ ಟೀಮ್ ಇಂಡಿಯಾ 3 ವಿಕೆಟ್​ಗೆ 234 ರನ್​ಗಳನ್ನು ಗಳಿಸಿ ಬ್ಯಾಟಿಂಗ್​ ಮಾಡುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ