ಪಂತ್​​​​​ಗೆ ಎರಡೂ ಕೈಜೋಡಿಸಿ ನಮಸ್ಕರಿಸಿದ ಕನ್ನಡಿಗ KL ರಾಹುಲ್.. ಭಾರೀ ಚರ್ಚೆ ಆಗ್ತಿದೆ ಈ ವಿಡಿಯೋ

ನಿನ್ನೆಯಿಂದ ಭಾರತ ಮತ್ತು ಇಂಗ್ಲೆಂಡ್ ನಡುವೆ ಟೆಸ್ಟ್​ ಪಂದ್ಯ ಶುರುವಾಗಿದೆ. ಲೀಡ್ಸ್​​ನಲ್ಲಿ ನಡೀತಿರೋ ಮೊದಲ ಟೆಸ್ಟ್​ ಮೊದಲ ದಿನ ಟೀಮ್​ ಇಂಡಿಯಾದ ಆರ್ಭಟ ಜೋರಾಗಿ ನಡೆದಿದೆ. ಸದ್ಯ ಭಾರತ ತಂಡ ಮೂರು ವಿಕೆಟ್ ಕಳೆದುಕೊಂಡು 359 ರನ್​ಗಳಿಸಿದೆ. ನಾಯಕ ಶುಬ್ಮನ್ ಗೊಲ್, ಉಪನಾಯಕ ರಿಷಬ್ ಪಂತ್ ಇಂದಿಗೆ ಕ್ರೀಸ್​ ಕಾಯ್ದುಕೊಂಡಿದ್ದಾರೆ.

ಪಂತ್ ಬೊಂಬಾಟ್ ಆಟ

ಹೊಡಿಬಡಿ ದಾಂಡಿಗ, ಬಾಲ್ ಇರೋದೇ ದಂಡಿಸೋಕೆ ಅಂದುಕೊಂಡಿರುವ ರಿಷಬ್ ಪಂತ್, ಡೇರ್​ಡೆವಿಲ್ ಆಟಕ್ಕೆ ಹೆಸರುವಾರಿ. ಆದರೆ ನಿನ್ನೆ ರಿಷಬ್ ಪಂತ್ ತಾಳ್ಮೆಯ ಆಟವನ್ನು ಆಡಿ, ಇಂಗ್ಲೆಂಡ್ ಬೌಲರ್ಸ್​ಗೆ ನೀರು ಕುಡಿಸಿದರು. ಶತಕ ಬಾರಿಸಿದ ಗಿಲ್, ಯಶಸ್ವಿ ಜೈಸ್ವಾಲ್ ಆಟಕ್ಕಿಂತ ಪಂತ್ ಅವರ ಆಟವೇ ಹೆಚ್ಚು ಚರ್ಚೆಯಲ್ಲಿದೆ. ಅದಕ್ಕೆ ಕಾರಣ ಅವರು ನಿನ್ನೆ ಕಟ್ಟಿರುವ ಸೊಗಸಾದ ಇನ್ನಿಂಗ್ಸ್​.

ಇದನ್ನೂ ಓದಿ: ಕಪ್ ಗೆದ್ದ ಬೆನ್ನಲ್ಲೇ ಆರ್​ಸಿಬಿ ಭರ್ಜರಿ ಕಮಾಯಿ.. ಬಿಸಿಸಿಐ ಕೊಟ್ಟಿದ್ದು ನೂರು, ಐನ್ನೂರು ಕೋಟಿ ಅಲ್ಲ..!

KL Rahul is bowing down with both hands to Rishabh Pant 😂😝

- Underrated Bond ❤️ pic.twitter.com/aml7wsL4Ji

— RP17 Gang™ (@RP17Gang) June 20, 2025

ಅಂದ್ಹಾಗೆ ನಿನ್ನೆಯ ಆಟ ದಿನ 85 ಓವರ್​​ಗೆ ಅಂತ್ಯಗೊಂಡಿದೆ. ಈ ಅವಧಿಯಲ್ಲಿ ಪಂತ್ 102 ಬಾಲ್ ಎದುರಿಸಿ 2 ಸಿಕ್ಸರ್, ಆರು ಬೌಂಡರಿಯೊಂದಿಗೆ 65 ರನ್​ಗಳಿಸಿ ನಾಟೌಟ್ ಆಗಿ ಪೆವಿಲಿಯನ್​​ಗೆ ಬಂದರು. ಈ ವೇಳೆ ಕನ್ನಡಿಗ ಕೆ.ಎಲ್.ರಾಹುಲ್ ಅವರು, ಪಂತ್​​ರನ್ನು ಶ್ಲಾಘಿಸಿದರು. ಪಂತ್​ ಎದುರು ಎರಡೂ ಕೈಜೋಡಿಸಿ ನಮಸ್ಕರಿಸಿ ಬೆನ್ನುತ್ತಿಟ್ಟಿದ್ದಾರೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗ್ತಿದೆ.

ಇದನ್ನೂ ಓದಿ: ದೇಶಕ್ಕೆ ಮತ್ತೊಂದು ಟ್ರೋಫಿ ಗೆದ್ದ ನೀರಜ್ ಚೋಪ್ರಾ.. ಪ್ರತಿಷ್ಠಿತ ಪ್ಯಾರಿಸ್ ಡೈಮಂಡ್ ಲೀಗ್​​ನಲ್ಲಿ ಎಸೆದ ದೂರ ಎಷ್ಟು..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ