ಚೆನ್ನೈ ನೆಲದಲ್ಲಿ ಕನ್ನಡಿಗನ ಅಬ್ಬರ.. KL ರಾಹುಲ್ ಅರ್ಧಶತಕ, ಸಿಎಸ್​ಕೆಗೆ ದೊಡ್ಡ ಸವಾಲು

ಡೆಲ್ಲಿ ಕ್ಯಾಪಿಟಲ್ಸ್​ ಟೀಮ್ 184 ರನ್​ಗಳ ದೊಡ್ಡ ಮೊತ್ತದ ಟಾರ್ಗೆಟ್ ಅನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ನೀಡಿದೆ. ಕನ್ನಡಿಗ ಕೆ.ಎಲ್ ರಾಹುಲ್ ಅವರ ಭರ್ಜರಿ ಬ್ಯಾಟಿಂಗ್​ನಿಂದ ಡೆಲ್ಲಿ ಟೀಮ್ ಈ ಗುರಿ ನೀಡಿದೆ.

ಚೆನ್ನೈನ ಎಂ.ಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಡೆಲ್ಲಿ ನಾಯಕ ಅಕ್ಷರ ಪಾಟೀಲ್ ಅವರು ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿದ ಕೆ.ಎಲ್ ರಾಹುಲ್ ಹಾಗೂ ಮೆಕ್‌ಗುರ್ಕ್ ಒಳ್ಳೆಯ ಓಪನಿಂಗ್ ಪಡೆಯಲಿಲ್ಲ. ಮೆಕ್‌ಗುರ್ಕ್ ಡಕೌಟ್ ಆಗಿ ಪೆವಿಲಿಯನ್​​ಗೆ ನಡೆದ್ರೆ, ರಾಹುಲ್​ ಅಬ್ಬರದ ಬ್ಯಾಟಿಂಗ್ ಮುಂದುವರೆಸಿದ್ದರು.

ಇದನ್ನೂ ಓದಿ: IPL ಇತಿಹಾಸದಲ್ಲೇ ಹಾರ್ದಿಕ್ ಪಾಂಡ್ಯ ಬಿಗ್ ರೆಕಾರ್ಡ್.. ವಿಶೇಷ ದಾಖಲೆ ಬರೆದ ಕ್ಯಾಪ್ಟನ್

ಚೆನ್ನೈ ಬೌಲರ್​ಗಳನ್ನ ಕಾಡಿದ ಕನ್ನಡಿಗ, ಕೇವಲ 33 ಎಸೆತಗಳಲ್ಲಿ 2 ಬೌಂಡರಿ, 3 ಸಿಕ್ಸರ್​ಗಳಿಂದ 50 ರನ್​ ಬಾರಿಸಿದರು. ಬ್ಯಾಟಿಂಗ್ ಮುಂದುವರೆಸಿದ ರಾಹುಲ್ 51 ಎಸೆತಗಳಲ್ಲಿ 6 ಫೋರ್, 3 ಸಿಕ್ಸ್​ಗಳಿಂದ 77 ರನ್​ ಗಳಿಸಿ ಡೆಲ್ಲಿಗೆ ಅದ್ಭುತವಾದ ರನ್​ಗಳ ಕೊಡುಗೆ ನೀಡಿದರು. ಇದು ಈ ಐಪಿಎಲ್​ ಟೂರ್ನಿಯಲ್ಲಿ ರಾಹುಲ್ ಅವರ ಮೊದಲ ಹಾಫ್​ಸೆಂಚುರಿ ಆಗಿದೆ.

ಇನ್ನು ಉಳಿದಂತೆ ಡೆಲ್ಲಿ ಕ್ಯಾಪಿಟಲ್ಸ್​ ಪರವಾಗಿ ಪೊರೇಲ್ 33, ನಾಯಕ ಅಕ್ಷರ್ 21, ರಿಜ್ವಿ 20, ಸ್ಟಬ್ಸ್​ 24 ರನ್​ಗಳಿಂದ ಡೆಲ್ಲಿ ದೊಡ್ಡ ಮೊತ್ತದ ಗುರಿಯನ್ನು ಚೆನ್ನೈಗೆ ನೀಡಿದೆ. 20 ಓವರ್​ಗಳಲ್ಲಿ 6 ವಿಕೆಟ್​ಗೆ 184 ರನ್​ಗಳ ಟಾರ್ಗೆಟ್ ಚೆನ್ನೈ ತಂಡದ ಮುಂದಿದೆ. ಚೆನ್ನೈ ಪರವಾಗಿ ಖಲೀಲ್ ಅಹಮದ್ ಮಾತ್ರ 2 ವಿಕೆಟ್ ಪಡೆದ್ರೆ ಉಳಿದ ಮೂವರು ಬೌಲರ್​ಗಳು ತಲಾ ಒಂದೊಂದು ವಿಕೆಟ್ ಪಡೆದುಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ