ಹೃದಯಗೆದ್ದ ಕನ್ನಡಿಗರು.. ಐಪಿಎಲ್​​ನಲ್ಲಿ ಕರ್ನಾಟಕ ಪ್ಲೇಯರ್​​ಗಳದ್ದೇ ಪರಾಕ್ರಮ..!

ಐಪಿಎಲ್​ ಮೆಗಾ ಜಾತ್ರೆಗೆ ತೆರೆಬಿದ್ದಿದೆ. ಕೆಲವೊಂದು ಗೆಲುವುಗಳು ಕೆಲ ಆಟಗಾರರ ಪ್ರದರ್ಶನವನ್ನ ಇನ್ನೂ ಕ್ರಿಕೆಟ್​​ ಲೋಕ ಮೆಲುಕು ಹಾಕ್ತಿದೆ. ಆದ್ರಲ್ಲೂ ಬೊಂಬಾಟ್​ ಪ್ರದರ್ಶನ ನೀಡಿದ ಕರ್ನಾಟಕದ ಕ್ರಿಕೆಟಿಗರು ಅಭಿಮಾನಿಗಳ ಮನ ಗೆದ್ದಿದ್ದಾರೆ. ಮಿಲಿಯನ್​ ಡಾಲರ್​​​ ಟೂರ್ನಿಯಲ್ಲಿ ಕನ್ನಡಿಗರ ಅಬ್ಬರ ಹೇಗಿತ್ತು ಅನ್ನೋ ವಿವರ ಇಲ್ಲಿದೆ.

ಐಪಿಎಲ್​ ಸೀಸನ್​ 18ರಲ್ಲಿ ನಡೆದಿದ್ದು ಕನ್ನಡಿಗರ ಕಾರುಬಾರು. ಬ್ಯಾಟಿಂಗ್​, ಬೌಲಿಂಗ್​ ಎರಡರಲ್ಲೂ ಕರ್ನಾಟಕ ಕ್ರಿಕೆಟರ್ಸ್​ ಕಮಾಲ್​ ಮಾಡಿದ್ರು. ಚಿಂದಿ ಪರ್ಫಾಮೆನ್ಸ್​ ನೀಡಿ ಕ್ರಿಕೆಟ್​​ ಲೋಕ ತಮ್ಮತ್ತ ತಿರುಗಿ ನೋಡುವಂತೆ ಮಾಡಿದ್ರು. ಒಬ್ಬೊಬ್ಬರ ಪ್ರದರ್ಶನವೂ ಅದ್ಭುತ, ಅಮೋಘ..

ಡೆಲ್ಲಿ ಪರ ಕನ್ನಡಿಗ ರಾಹುಲ್​ ರಣಾರ್ಭಟ

ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಪರ ಈ ಸೀಸನ್​ನಲ್ಲಿ ಕನ್ನಡಿಗ ಕೆ.ಎಲ್.ರಾಹುಲ್ ಸಾಲಿಡ್​ ಆಟವಾಡಿದ್ರು. ಬರೋಬ್ಬರಿ 53.90ರ ಸರಾಸರಿಯಲ್ಲಿ ಬ್ಯಾಟ್​ ಬೀಸಿದ ರಾಹುಲ್​ 539 ರನ್​ ರನ್​ ಕೊಳ್ಳೆ ಹೊಡೆದ್ರು. 52 ಬೌಂಡರಿ, 21 ಸಿಕ್ಸರ್​​ ಚಚ್ಚಿದ ರಾಹುಲ್​​ 3 ಹಾಫ್​​ ಸೆಂಚುರಿ ಜೊತೆಗೆ 1 ಶತಕವನ್ನೂ ಸಿಡಿಸಿದ್ರು.

ಇದನ್ನೂ ಓದಿ: ಚಿನ್ನಸ್ವಾಮಿ ಕಾಲ್ತುಳಿತ ಕೇಸ್​.. ಸಿಐಡಿ ತನಿಖೆ ಬೆನ್ನಲ್ಲೇ ಕೆಎಸ್​ಸಿಎ ಕಾರ್ಯದರ್ಶಿ, ಖಜಾಂಚಿ ದಿಢೀರ್ ರಾಜೀನಾಮೆ

ಪರ್ಪಲ್​ ಕ್ಯಾಪ್​​ ಗೆದ್ದ ಪ್ರಸಿದ್ಧ್​​ ಕೃಷ್ಣ..

ಕರ್ನಾಟಕದ ವೇಗಿ ಪ್ರಸಿದ್ಧ್ ಕೃಷ್ಣ ಶೇರವೇಗದ ಬೌಲಿಂಗ್​ನಿಂದ ಈ ಸೀಸನ್​ನಲ್ಲಿ ಇಡೀ ಕ್ರಿಕೆಟ್​ ಲೋಕದ ಗಮನ ಸೆಳೆದ್ರು. ಗುಜರಾತ್​​ ಟೈಟನ್ಸ್​ ಪರ ಟೈಟ್​​ ಸ್ಪೆಲ್​ಗಳನ್ನ ಹಾಕಿದ ಪ್ರಸಿದ್ಧ್​​ ಕೃಷ್ಣ ಬ್ಯಾಟ್ಸ್​​ಮನ್​ಗಳ ಸಖತ್​ ಕಾಟ ಕೊಟ್ರು. ಕೇವಲ 8.27ರ ಎಕಾನಮಿಯಲ್ಲಿ ರನ್​ ಬಿಟ್ಟು ಕೊಟ್ಟ ಪ್ರಸಿದ್ಧ್​, 25 ವಿಕೆಟ್​​ಗಳನ್ನ ಬೇಟೆಯಾಡಿದ್ರು. ಹೈಯೆಸ್ಟ್ ವಿಕೆಟ್​​​ ಟೇಕರ್​ ಆಗಿ ಸೀಸನ್​ ಮುಗಿಸಿದ ಪ್ರಸಿದ್ಧ್​​ ಪರ್ಪಲ್​ ಕ್ಯಾಪ್​ ಗೆದ್ರು.

RCB ಪರ ಕನ್ನಡಿಗ ಪಡಿಕ್ಕಲ್ ಪರಾಕ್ರಮ

ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡದಲ್ಲಿ ಬೆಂಗಳೂರು ಬಾಯ್​ ದೇವದತ್ತ್​ ಪಡಿಕ್ಕಲ್​ ಬೊಂಬಾಟ್​ ಆಟವಾಡಿದ್ರು. ಇಂಪ್ಯಾಕ್ಟ್​ ಪ್ಲೇಯರ್​​ ಆಗಿ ಕಣಕ್ಕಿಳಿಯುತ್ತಿದ್ದ ಪಡಿಕ್ಕಲ್​ ಕನ್ಸಿಸ್ಟೆಂಟ್​ ಆಗಿ ಇಂಪ್ಯಾಕ್ಟ್​​ಫುಲ್​ ಪರ್ಫಾಮೆನ್ಸ್ ನೀಡಿದ್ರು. ಆಡಿದ 10 ಪಂದ್ಯಗಳಿಂದ ತಂಡಕ್ಕೆ 247 ರನ್​ಗಳ ಕಾಣಿಕೆ ನೀಡಿದ್ರು. 150ರ ಸ್ಟ್ರೈಕ್​ರೇಟ್​​ನಲ್ಲಿ ಬ್ಯಾಟ್​ ಬೀಸಿದ ಪಡಿಕ್ಕಲ್​ 21 ಬೌಂಡರಿ, 14 ಸಿಕ್ಸರ್​​ ಬಾರಿಸಿ ಶೈನ್​ ಆದ್ರು.

ಇದನ್ನೂ ಓದಿ: ಕೊಹ್ಲಿಯ ಈ ನಡೆ ವಿರುದ್ಧ ರೊಚ್ಚಿಗೆದ್ದ ಫ್ಯಾನ್ಸ್.. ಘಟನೆ ನಡೆದ 2 ದಿನದಲ್ಲೇ ಇಂಥ ನಿರ್ಧಾರ ಯಾಕೆ?

ಸಿಕ್ಕ ಅವಕಾಶದಲ್ಲಿ ಮಯಾಂಕ್​ ಮಿಂಚು..!

ಪಡಿಕ್ಕಲ್​ ಇಂಜುರಿಯಿಂದಾಗಿ ಅದೃಷ್ಟದ ಅವಕಾಶ ಮಯಾಂಕ್​ ಅಗರ್​ವಾಲ್​ ಕೂಡ ಮಿಂಚಿದ್ರು. 4 ಪಂದ್ಯಗಳಲ್ಲಿ ಬ್ಯಾಟಿಂಗ್​ ಮಾಡೋ ಅವಕಾಶ ಪಡೆದ ಮಯಾಂಕ್​ 148ರ ಸ್ಟ್ರೈಕ್​ರೇಟ್​ನಲ್ಲಿ ರನ್​ಗಳಿಸಿದ್ರು. ಲಕ್ನೋ ವಿರುದ್ಧದ ಮಹತ್ವದ ಪಂದ್ಯದಲ್ಲಿ ಮಯಾಂಕ್ ಕಟ್ಟಿದ ಇನ್ನಿಂಗ್ಸ್​​ ಅವಿಸ್ಮರಣೀಯ ಗೆಲುವಿನಲ್ಲಿ ಮಹತ್ವದ ಪಾತ್ರವಹಿಸಿದ್ರು.

ಪಂಜಾಬ್​ ತಂಡದಲ್ಲಿ ವೈಶಾಕ​ ‘ವಿಜಯ’

ಆಡಿದ್ದು ಕೇವಲ 5 ಪಂದ್ಯವಾದ್ರೂ ಕನ್ನಡಿಗ ವೈಶಾಕ್​ ವಿಜಯ್​​ ಕುಮಾರ್​​ ಈ ಸೀಸನ್​ನಲ್ಲಿ ಎಲ್ಲರ ಗಮನಸೆಳೆದ್ರು. ಮುಂಬೈ ಇಂಡಿಯನ್ಸ್​​ ವಿರುದ್ಧದ ಪಂದ್ಯದಲ್ಲಿ ಕ್ರೂಶಿಯಲ್​ ಟೈಮ್​ನಲ್ಲಿ ಬೌಲಿಂಗ್​ಗೆ ಬಂದ ವೈಶಾಕ್​ ಟೈಟ್​​ ಸ್ಪೆಲ್​ ಹಾಕಿ 2 ವಿಕೆಟ್​ ಬೇಟೆಯಾಡಿಯೂ ಗಮನ ಸೆಳೆದ್ರು. ಆರ್​​ಸಿಬಿ ವಿರುದ್ಧದ ಫೈನಲ್​ ಪಂದ್ಯದಲ್ಲೂ ಒಂದು ವಿಕೆಟ್​ ಉರುಳಿಸಿದ್ರು.
ಈ ಸೀಸನ್​​ ಐಪಿಎಲ್​ನಲ್ಲಿ ಅದ್ಭುತ ಪರ್ಫಾಮೆನ್ಸ್​ ನೀಡಿ ಕಮಾಲ್​ ಮಾಡಿದ ಈ ಕನ್ನಡಿಗರು ಇದೀಗ ಟೀಮ್​ ಇಂಡಿಯಾ ಪರ ಮಿಂಚೋ ಲೆಕ್ಕಾಚಾರದಲ್ಲಿದ್ದಾರೆ. ಕೆ.ಎಲ್. ರಾಹುಲ್, ಪ್ರಸಿದ್ಧ್​​ ಕೃಷ್ಣ ಇಂಗ್ಲೆಂಡ್​​ ಸರಣಿಯನ್ನ ಎದುರು ನೋಡ್ತಿದ್ದಾರೆ. ಪಡಿಕ್ಕಲ್​, ಮಯಾಂಕ್​, ವೈಶಾಕ್​ ಮುಂದಿನ ಸರಣಿಗಳಲ್ಲಿ ಅವಕಾಶದ ನಿರೀಕ್ಷೆಯಲ್ಲಿದ್ದಾರೆ.

ಇದನ್ನೂ ಓದಿ: ದುಬೈನ ಶೇಖ್​​ಗಳಿಗೆ ರಾಜಸ್ಥಾನಿ ಮೇಕೆಗಳು ಅಂದ್ರೆ ಪಂಚಪ್ರಾಣ.. ಲಕ್ಷ ಲಕ್ಷ ಕೊಟ್ಟು ಖರೀದಿಸೋದು ಯಾಕೆ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ