ಕೊಹ್ಲಿ ಸ್ಥಾನ ತುಂಬೋದೇ ಚಿಂತೆ.. ನಾಲ್ವರು ಸ್ಟಾರ್​​ಗಳ ಶಾರ್ಟ್​ಲಿಸ್ಟ್ ಮಾಡಿದ ಮ್ಯಾನೇಜ್ಮೆಂಟ್..!

ಇಂಗ್ಲೆಂಡ್ ಎದುರಿನ 5 ಪಂದ್ಯಗಳ ಟೆಸ್ಟ್​ ಸರಣಿಗೆ ಬೆರಳೆಣಿಕೆ ದಿನಗಳಷ್ಟೇ ಬಾಕಿಯಿದೆ. ಈ ಪ್ರತಿಷ್ಠಿತ ಟೆಸ್ಟ್ ಸರಣಿ ಗೆಲ್ಲೋಕೆ ಟೀಮ್ ಇಂಡಿಯಾ, ಯುವ ಆಟಗಾರರನ್ನೊಳಗೊಂಡ ಬಲಿಷ್ಟ ತಂಡವನ್ನೇ ಕಟ್ಟಿದೆ. ಯುದ್ಧಕ್ಕೆ ಸಿದ್ಧತೆ ನಡೆಸ್ತಿರೋ ಮ್ಯಾನೇಜ್​ಮೆಂಟ್​ಗೆ ಗೊಂದಲವೊಂದು ಬಿಡದೇ ಕಾಡ್ತಿದೆ. 4ನೇ ಸ್ಲಾಟ್​ನಲ್ಲಿ ಆಡೋದ್ಯಾರು ಅನ್ನೋ ಪ್ರಶ್ನೆಗೆ ಪರ್ಫೆಕ್ಟ್​ ಉತ್ತರವೇ ಸಿಗ್ತಿಲ್ಲ.

ಟೆಸ್ಟ್​ ಕ್ರಿಕೆಟ್​ನಲ್ಲಿ ವಿರಾಟ್​​ ಕೊಹ್ಲಿಯ ಯುಗಾಂತ್ಯವಾಗಿದೆ. ಸುದೀರ್ಘ 14 ವರ್ಷಗಳ ಜರ್ನಿಗೆ ಗುಡ್ ಬೈ ಹೇಳಿ ತಿಂಗಳೇ ಕಳೆದಿವೆ. ಈಗ ವಿರಾಟ್ ಅಲಭ್ಯತೆಯಲ್ಲಿ ಮೊದಲ ಟೆಸ್ಟ್​ ಸರಣಿಗೆ ಅಣಿಯಾಗ್ತಿರೋ ಟೀಮ್ ಇಂಡಿಯಾಗೆ ಹೊಸ ತಲೆನೋವು ಶುರುವಾಗಿದೆ. ನಂಬರ್​​ 4 ಸ್ಲಾಟ್​ ಆಡೋದ್ಯಾರು ಎಂಬ ಪ್ರಶ್ನೆಗೆ ಪರ್ಫೆಕ್ಟ್​ ಉತ್ತರವೇ ಸಿಗ್ತಿಲ್ಲ.

ಇದನ್ನೂ ಓದಿ: ಹನಿಮೂನ್​​ಗೆ ಬಂದ ಜೋಡಿ ನಾಪತ್ತೆ ಪ್ರಕರಣಕ್ಕೆ ಟ್ವಿಸ್ಟ್​.. ಭಾರೀ ಸಂಚಲನ ಸೃಷ್ಟಿಸಿದ್ದ ಕೇಸ್​ಗೆ ಪತ್ನಿಯೇ ವಿಲನ್..!

ವಿರಾಟ್​ ಕೊಹ್ಲಿಯ ಟೆಸ್ಟ್​ ನಿವೃತ್ತಿಯೊಂದಿಗೆ ನಂಬರ್​ 4 ಸ್ಲಾಟ್​ ಖಾಲಿಯಾಗಿದೆ. ಸಚಿನ್​ ತೆಂಡುಲ್ಕರ್​ ನಿವೃತ್ತಿಯ ಬಳಿಕ ಆ ಸ್ಥಾನವನ್ನು ಸಮರ್ಥವಾಗಿ ತುಂಬಿದ್ದ ಕೊಹ್ಲಿ, ಟನ್ ಗಟ್ಟಲೇ ರನ್ ಹೊಡೆದಿದ್ರು. ಟೀಮ್ ಇಂಡಿಯಾದ ಬಲವನ್ನೇ ಹೆಚ್ಚಿಸಿದ್ದರು. ಇದೀಗ ವಿರಾಟ್​ ಕೊಹ್ಲಿಯಿಂದ ತೆರವಾದ ಸ್ಥಾನದಲ್ಲಿ ಯಾರನ್ನು ಆಡಿಸೋದು ಎಂಬ ಪ್ರಶ್ನೆ ಟೀಮ್ ಮ್ಯಾನೇಜ್​ಮೆಂಟ್​ಗೆ ಕಾಡ್ತಿದೆ.

ಕಿಂಗ್​​ ಕೊಹ್ಲಿಯ ಸ್ಥಾನಕ್ಕೆ ಉತ್ತರವಾಗ್ತಾರಾ ಪ್ರಿನ್ಸ್​..?

ಕಿಂಗ್ ಕೊಹ್ಲಿಯಿಂದ ತೆರವಾದ ಸ್ಲಾಟ್​ಗೆ ಪ್ರಿನ್ಸ್​ ಶುಭ್​ಮನ್ ಪರ್ಫೆಕ್ಟ್​ ಚಾಯ್ಸ್​. ಯಾಕಂದ್ರೆ, ಟೆಕ್ನಿಕಲಿ ವಿರಾಟ್​ ಕೊಹ್ಲಿಯನ್ನೇ ಹೋಲುವ ಶುಭ್​ಮನ್, ಪ್ರತಿ ಕಂಡೀಷನ್ಸ್​ನ ಅಡ್ಜೆಸ್ಟ್ ಮಾಡಿಕೊಳ್ಳಬಲ್ಲರು. ಆರಂಭದಲ್ಲಿ ಓಪನರ್​ ಆಗಿದ್ದ ಗಿಲ್​, ಈಗ 3ನೇ ಕ್ರಮಾಂಕದಲ್ಲಿ ಆಡ್ತಿದ್ದಾರೆ. ಕೊಹ್ಲಿಯ ಉತ್ತರಾಧಿಕಾರಿ ಎಂದೇ ಬಿಂಬಿತವಾಗಿದ್ದಾರೆ. ಹೀಗಾಗಿ ಶುಭ್​ಮನ್​ನ 4ನೇ ಸ್ಲಾಟ್​ನಲ್ಲಿ ಆಡಿಸೋ ಲೆಕ್ಕಾಚಾರ ಮ್ಯಾನೇಜ್​ಮೆಂಟ್​ ವಲಯದಲ್ಲಿ ನಡೀತಿದೆ. ನಾಯಕನಾಗಿರುವ ಶುಭ್​ಮನ್, 4ನೇ ಕ್ರಮಾಂಕದಲ್ಲಿ ಆಡಿದ್ರೆ ಓತ್ತಡವೂ ಕಡಿಮೆ ಅನ್ನೋ ಲೆಕ್ಕಾಚಾರವೂ ಇದೆ.

ಇದನ್ನೂ ಓದಿ: IPL​-2025 ಮೂಲಕ ಬಿಸಿಸಿಐ ಆದಾಯದಲ್ಲಿ ಭಾರೀ ಏರಿಕೆ.. ಈ ವರ್ಷ ಎಷ್ಟು ಸಾವಿರ ಕೋಟಿ ಗಳಿಸಿದೆ..?

4ನೇ ಕ್ರಮಾಂಕಕ್ಕೆ ‘ಕ್ರೈಸಿಸ್​ ಮ್ಯಾನ್’​ ರಾಹುಲ್..?

ಕೆ.ಎಲ್.ರಾಹುಲ್.. ಟೀಮ್ ಇಂಡಿಯಾದ ಕ್ರೈಸಿಸ್ ಮ್ಯಾನ್. ಟಾಪ್ ಆರ್ಡರ್​​ನಿಂದ ಲೋವರ್ ಆರ್ಡರ್​ವರೆಗೆ ಎಲ್ಲಾ ಸ್ಲಾಟ್​​ನಲ್ಲೂ ಬ್ಯಾಟ್​ ಬೀಸಬಲ್ಲ ಆಪತ್ಭಾಂದವ. ಕಷ್ಟಕರ ಸನ್ನಿವೇಶಗಳಲ್ಲಿ ಜವಾಬ್ದಾರಿಯುತ ಬ್ಯಾಟಿಂಗ್ ನಡೆಸಬಲ್ಲ ಕಲೆಗಾರ. ಇಂಗ್ಲೆಂಡ್​ನಂಥ ಟಫ್ ಕಂಡೀಷನ್ಸ್​ನಲ್ಲಿ ಆಡಿದ ಅನುಭವ ಹೊಂದಿರುವ ಕನ್ನಡಿಗ ರಾಹುಲ್, ಪರಿಸ್ಥಿತಿಗೆ ತಕ್ಕಂತೆ ಆಡಬಲ್ಲರು. 4ನೇ ಕ್ರಮಾಂಕದಲ್ಲಿ ಆಡಲು ರಾಹುಲ್​ ಕೂಡ ಒಳ್ಳೆಯ ಆಯ್ಕೆನೇ.. ಆದ್ರೆ, ಕೆ.ಎಲ್.ರಾಹುಲ್, 4ನೇ ಕ್ರಮಾಂಕಕ್ಕೆ ಬಂದ್ರೆ ಓಪನರ್​​ ಯಾರ್ ಆಗ್ತಾರೆ ಅನ್ನೋ ಇನ್ನೊಂದು ಪ್ರಶ್ನೆ ಉದ್ಭವಾಗುತ್ತೆ.

ಕೊಹ್ಲಿ ಸ್ಥಾನ ತುಂಬ್ತಾರಾ ಕನ್ನಡಿಗ ಕರುಣ್?

ಗಿಲ್​, ರಾಹುಲ್, ನಂಬರ್​​ 4 ಸ್ಲಾಟ್​​ನಲ್ಲಿ ಆಡಲ್ಲ ಎಂದಾದ್ರೆ ಟೀಮ್ ಮ್ಯಾನೇಜ್​​ಮೆಂಟ್​ ಮುಂದಿರುವ ಕೊನೆ ಚಾಯ್ಸ್​ ಮತ್ತೊಬ್ಬ ಕನ್ನಡಿಗ ಕರುಣ್ ನಾಯರ್​. 8 ವರ್ಷಗಳ ಬಳಿಕ ಕಮ್​ಬ್ಯಾಕ್​ ಮಾಡಿರೋ ಕರುಣ್, ಕೂಲ್ ಅಂಡ್ ಕಾಮ್ ಬ್ಯಾಟಿಂಗ್ ನಡೆಸುವಲ್ಲಿ ಎತ್ತಿದೆ ಕೈ. ಟಾಪ್​​-5ನಲ್ಲಿ ಆಡಿದ ಅನುಭವ ಕರುಣ್ ನಾಯರ್​ಗೆ ಇದೆ. ಇಂಗ್ಲೆಂಡ್​ನ ಕೌಂಟಿಯಲ್ಲಿ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ನಡೆಸಿ ಸಕ್ಸಸ್ ಕಂಡಿರುವ ಕರುಣ್, ಸದ್ಯ ಇಂಗ್ಲೆಂಡ್ ಲಯನ್ಸ್ ಎದುರಿನ ಅನಧಿಕೃತ ಟೆಸ್ಟ್​ನಲ್ಲೂ ಒಳ್ಳೆ ಆಟವಾಡಿದ್ದಾರೆ. ಹೀಗಾಗಿ ಕರುಣ್ ನಾಯರ್​​, ವಿರಾಟ್​ ಕೊಹ್ಲಿಯಿಂದ ತೆರವಾದ 4ನೇ ಸ್ಲಾಟ್​ಗೆ ಪರ್ಫೆಕ್ಟ್​ ಚಾಯ್ಸ್ ಅನ್ನೋದು ಹಲವರ ಅಭಿಪ್ರಾಯವಾಗಿದೆ.

ಇದನ್ನೂ ಓದಿ: KL ರಾಹುಲ್, ಕ್ಯಾಪ್ಟನ್​ ಈಶ್ವರನ್ ಭರ್ಜರಿ ಹಾಫ್​​ಸೆಂಚುರಿ.. ಕನ್ನಡಿಗ ಕರುಣ್​ ಔಟ್​!

ಎಡಗೈ ಬ್ಯಾಟ್ಸ್​​ಮನ್​ ಸಾಯಿ ಸುದರ್ಶನ್​ಗೂ 4ನೇ ಕ್ರಮಾಂಕದಲ್ಲಿ ಆಡೋ ಸಾಮರ್ಥ್ಯವಿದೆ. ಡೊಮೆಸ್ಟಿಕ್ ಕ್ರಿಕೆಟ್​ನಲ್ಲಿ 3ನೇ ಕ್ರಮಾಂಕದಲ್ಲಿ ಆಡಿರುವ ಅನುಭವ ಹೊಂದಿರುವ ಸುದರ್ಶನ್​ಗೆ 4ನೇ ಕ್ರಮಾಂಕದಲ್ಲಿ ಆಡೋದು ಹೆಚ್ಚೆನೂ ಡಿಫರೆನ್ಸ್​ ಮಾಡಲ್ಲ. ಕೊಹ್ಲಿ ಸ್ಥಾನವನ್ನ ಸಮರ್ಥವಾಗಿ ತುಂಬ್ತಾರಾ ಅಂದ್ರೆ ಅದಕ್ಕೆ ಉತ್ತರವಿಲ್ಲ.

ಮ್ಯಾನೇಜ್​ಮೆಂಟ್​ ನಾಲ್ವರು ಆಟಗಾರರನ್ನ 4ನೇ ಕ್ರಮಾಂಕಕ್ಕೆ ಶಾರ್ಟ್​ಲಿಸ್ಟ್​ ಮಾಡಿಕೊಂಡಿದೆ. ಇವರ ಪೈಕಿ ಯಾರನ್ನ ಕೊಹ್ಲಿ ಸ್ಥಾನದಲ್ಲಿ ಕಣಕ್ಕಿಳಿಸಬೇಕು ಅನ್ನೋದು ಇನ್ನೂ ಕ್ಲೀಯರ್​ ಆಗಿಲ್ಲ. ಅಂತಿಮವಾಗಿ ಮ್ಯಾನೇಜ್​ಮೆಂಟ್​ ಯಾರನ್ನ ಆಡಿಸುತ್ತೆ.? ಕಾದು ನೋಡೋಣ.

ಇದನ್ನೂ ಓದಿ: KL ರಾಹುಲ್, ಕ್ಯಾಪ್ಟನ್​ ಈಶ್ವರನ್ ಭರ್ಜರಿ ಹಾಫ್​​ಸೆಂಚುರಿ.. ಕನ್ನಡಿಗ ಕರುಣ್​ ಔಟ್​!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ