KL ರಾಹುಲ್ ಸೈಲೆಂಟ್ ಆಟಕ್ಕೆ ಎದುರಾಳಿ ಕಥೆ ಫಿನೀಶ್​.. ಕನ್ನಡಿಗನ ಭಯದಲ್ಲಿ ಕಿವೀಸ್!​

ಯಾವ ಅಬ್ಬರನೂ ಇಲ್ಲ, ಘರ್ಜನೆಯೂ ಇಲ್ಲ. ಸೈಲೆಂಟ್​ ಆಟ, ಎದುರಾಳಿಗಳಿಗೆ ಕಾಟ. ಕನ್ನಡಿಗ ಕೆ.ಎಲ್​ ರಾಹುಲ್​ ಏಕದಿನ ಟೂರ್ನಮೆಂಟ್​ಗಳಲ್ಲಿ ಸೈಲೆಂಟ್​ ಆಟಕ್ಕೆ ಎದುರಾಳಿ ಬೆಸ್ತು ಬಿದ್ದಿದ್ದಾರೆ. ಚಾಂಪಿಯನ್ಸ್​ ಟ್ರೋಫಿ, ವಿಶ್ವಕಪ್​, ಏಷ್ಯಾಕಪ್​ ಟೂರ್ನಿ ಯಾವುದೇ ಇರಲಿ, ರಾಹುಲ್​ ಮಾತಾಡಲ್ಲ.. ಸೈಲೆಂಟ್​ ಸ್ಟಾರ್ ಬ್ಯಾಟ್​ & ಪರ್ಫಾಮೆನ್ಸ್​ ಸೌಂಡ್​ ಮಾಡುತ್ತೆ.

ಚಾಂಪಿಯನ್ಸ್​ ಟ್ರೋಫಿ ಫೈನಲ್​ ಫೈಟ್​​ನ ಫೀವರ್​ ಕ್ರಿಕೆಟ್​ ವಲಯದಲ್ಲಿ ಜೋರಾಗಿದೆ. ಸೂಪರ್​​ ಸಂಡೇ ನಡೆಯೋ ಬ್ಲಾಕ್​ ಬಸ್ಟರ್​​ ಕದನದಲ್ಲಿ ಕಿವೀಸ್​ ಕಿವಿ ಹಿಂಡಿ 2ನೇ ಚಾಂಪಿಯನ್ಸ್​ ಟ್ರೋಫಿ ಗೆಲ್ಲೋ ವಿಶ್ವಾಸ ಟೀಮ್​ ಇಂಡಿಯಾದಲ್ಲಿ ಮನೆ ಮಾಡಿದೆ. ಸಾಲಿಡ್​ ಫಾರ್ಮ್​ನಲ್ಲಿ ಜಬರ್ದಸ್ತ್​ ಆಟವಾಡ್ತಿರೋ ಆಟಗಾರರು ಫೈನಲ್​ ಫೈಟ್​ನಲ್ಲಿ ಘರ್ಜಿಸಲು ಸಿದ್ಧತೆ ನಡೆಸ್ತಿದ್ದಾರೆ. ಟೀಮ್​​ ಇಂಡಿಯನ್ಸ್​ ಆಟಗಾರ ಎದುರಾಳಿ ನ್ಯೂಜಿಲೆಂಡ್​ ಪಾಳಯದಲ್ಲಿ ಈಗಾಗಲೇ ನಡುಕ ಹುಟ್ಟಿಸಿದೆ. ಅದ್ರಲ್ಲೂ ಟೀಮ್​ ಇಂಡಿಯಾ ಸೈಲೆಂಟ್​ ಸ್ಟಾರ್​​, ಕನ್ನಡಿಗ ಕೆ.ಎಲ್​ ರಾಹುಲ್​ ನ್ಯೂಜಿಲೆಂಡ್​ ಪಡೆಯ ಚಿಂತೆ ಹೆಚ್ಚಿಸಿದ್ದಾರೆ.

ರಗಡ್​​​ ಫಾರ್ಮ್​ನಲ್ಲಿ ‘ಸೈಲೆಂಟ್​ ಸ್ಟಾರ್​’ ರಾಹುಲ್​​.!

ಕನ್ನಡಿಗ ಕೆ.ಎಲ್​ ರಾಹುಲ್​ ಟೀಮ್​ ಇಂಡಿಯಾ ಸೈಲೆಂಟ್ ಸ್ಟಾರ್​​. ಟೀಮ್ ಇಂಡಿಯಾ ಚಾಂಪಿಯನ್ಸ್​​ ಟ್ರೋಫಿ ಫೈನಲ್​ ಪ್ರವೇಶದ ಹಿಂದೆ ಕನ್ನಡಿಗನ ಪರಿಶ್ರಮ ಅಪಾರ. ವಿರಾಟ್​ ಕೊಹ್ಲಿ, ಶುಭ್​ಮನ್​ ಗಿಲ್​, ಮೊಹ್ಮದ್​ ಶಮಿ, ರೋಹಿತ್​, ಶ್ರೇಯಸ್​​ ಇವರೆಲ್ಲರ ಹೆಸರು ಚಾಂಪಿಯನ್ಸ್​​ ಟ್ರೋಫಿ ಗೆಲುವಿನಲ್ಲಿ ಸಖತ್​​ ಸದ್ದು ಮಾಡ್ತಿವೆ. ಇದ್ರ ನಡುವೆ ಕನ್ನಡಿಗ ರಾಹುಲ್ ಆಡ್ತಿರೋ ಕ್ಲಾಸಿಕ್​​ ಆಟವೇ ಈ ಟೂರ್ನಿಯಲ್ಲಿ ಮಾತಾಡ್ತಿದೆ. ಸೈಲೆಂಟ್​ ಆಗಿ ತಾನಾಯ್ತು, ತನ್ನ ಆಟವಾಯ್ತು ಅಂತಾ ಆಡ್ತಿರೋ ರಾಹುಲ್​​ ಎದುರಾಳಿಗಳ ಪಾಲಿಗೆ ಸೈಲೆಂಟ್​ ಪ್ಲೇಯರ್​ ಆಗಿ ಬಿಟ್ಟಿದ್ದಾರೆ.

ಆಡಿದ 4 ಪಂದ್ಯಗಳ ಪೈಕಿ 3 ಇನ್ನಿಂಗ್ಸ್​ಗಳಲ್ಲಿ ರಾಹುಲ್​ ಬ್ಯಾಟಿಂಗ್​ ಮಾಡಿದ್ದಾರೆ. 6ನೇ ಕ್ರಮಾಂಕದಲ್ಲಿ ಕಣಕ್ಕಿಳೀತಾ ಇರೋ ರಾಹುಲ್​ ಫಿನಿಶಿಂಗ್​ ರೋಲ್​ನ ಪರ್ಫೆಕ್ಟ್​ ಆಗಿ ಪ್ಲೇ ಮಾಡ್ತಿದ್ದಾರೆ. 106ರ ಸರಾಸರಿಯಲ್ಲಿ ರನ್​ ಕಲೆ ಹಾಕಿರೋದು ರಾಹುಲ್​ ಅದ್ಭುತ ಆಟಕ್ಕೆ ಹಿಡಿದ ಕನ್ನಡಿಯಾಗಿದೆ. ಈ ಅದ್ಭುತ ಆಟವೇ ಕಿವಿಸ್​​ ಸಂಕಟಕ್ಕೆ ಕಾರಣವಾಗಿರೋದು.
​​
ಏಕದಿನ ವಿಶ್ವಕಪ್​ನಲ್ಲೂ ಬೊಂಬಾಟ್​ ಬ್ಯಾಟಿಂಗ್​.!

ಒನ್​ ಡೇ ಫಾರ್ಮೆಟ್​ನ ಬಿಗ್​ ಟೂರ್ನಮೆಂಟ್ ಎಂದ್ರೆ, ಕನ್ನಡಿಗ ರಾಹುಲ್ ಬ್ಯಾಟ್​ ಯಾವಗ್ಲೂ ಸಖತ್​ ಸದ್ದು ಮಾಡುತ್ತೆ. ಸದ್ಯ ಚಾಂಪಿಯನ್ಸ್​​ ಟ್ರೋಫಿಯಲ್ಲಿ ಅದ್ಭುತವಾದ ಆಟವಾಡ್ತಿರೋ ರಾಹುಲ್​, ಏಕದಿನ ವಿಶ್ವಕಪ್​ನಲ್ಲೂ ಬೊಂಬಾಟ್​ ಬ್ಯಾಟಿಂಗ್​ ನಡೆಸಿದ್ರು. 2023ರ ಒನ್​ ಡೇ ವರ್ಲ್ಡ್​ಕಪ್​ನಲ್ಲೂ ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ನಡೆಸಿದ್ದ ಕನ್ನಡಿಗ ಟೀಮ್​ ಇಂಡಿಯಾ ಬಲ ಹೆಚ್ಚಿಸಿದರು. ಅದಕ್ಕೂ ಹಿಂದಿನ 2019ರ ವಿಶ್ವಕಪ್​ನಲ್ಲೂ ತನ್ನ ಆಟದಿಂದಲೇ ಎದುರಾಳಿಗಳ ಕಂಗೆಡಿಸಿದರು.

ODI ವಿಶ್ವಕಪ್ ಟೂರ್ನಿಗಳಲ್ಲಿ ರಾಹುಲ್​

ಏಕದಿನ ವಿಶ್ವಕಪ್​​ ಟೂರ್ನಿಗಳಲ್ಲಿ 19 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿರುವ ಕೆ.ಎಲ್​ ರಾಹುಲ್​ 813 ರನ್​ಗಳಿಸಿದ್ದಾರೆ. 58.07ರ ಸರಾಸರಿಯಲ್ಲಿ ರನ್​ಗಳಿಸಿರುವ ಕನ್ನಡಿಗ 2 ಶತಕ, 4 ಅರ್ಧಶತಕ ಸಿಡಿಸಿ ಮಿಂಚಿದ್ದಾರೆ.

ಏಷ್ಯಾಕಪ್​​ನಲ್ಲೂ ರಾಹುಲ್​ ರೋರಿಂಗ್​ ಪರ್ಫಾಮೆನ್ಸ್​.!

ಏಕದಿನ ಮಾದರಿಯ ಏಷ್ಯಾಕಪ್​ ಟೂರ್ನಿಯಲ್ಲೂ ರಾಹುಲ್​ ಅದ್ಭುತ ಆಟವಾಡಿದ್ದಾರೆ. ಕನ್ಸಿಸ್ಟೆಂಟ್​ ಪರ್ಫಾಮೆನ್ಸ್​ನಿಂದ ಮಿಂಚಿರುವ ಕನ್ನಡಿಗ​ ಬರೋಬ್ಬರಿ 76.33ರ ಸರಾಸರಿಯಲ್ಲಿ ರನ್​ ಕೊಳ್ಳೆ ಹೊಡೆದಿದ್ದಾರೆ.

ಏಷ್ಯಾಕಪ್​ ಟೂರ್ನಿಗಳಲ್ಲಿ ರಾಹುಲ್​

ಒನ್​​ ಡೇ ಫಾರ್ಮೆಟ್​ನ ಏಷ್ಯಾಕಪ್​ ಟೂರ್ನಿಗಳಲ್ಲಿ 4 ಇನ್ನಿಂಗ್ಸ್​ಗಳಲ್ಲಿ 229 ರನ್​ ಕಲೆ ಹಾಕಿರುವ ರಾಹುಲ್​, 76.33ರ ಬೊಂಬಾಟ್​ ಸರಾಸರಿಯನ್ನ ಹೊಂದಿದ್ದಾರೆ. 1 ಶತಕ, 1 ಅರ್ಧಶತಕಗಳಿಸಿ ಮಿಂಚಿದ್ದಾರೆ.

ಇದನ್ನೂ ಓದಿ: ಕಟ್ಟಡ ಕಾರ್ಮಿಕರ ಆಕಸ್ಮಿಕ ಸಾವು, ನೋವುಗಳಿಗೆ ಮಿಡಿದ ಸಿಎಂ; ನಿರೀಕ್ಷೆಗೂ ಮೀರಿದ ಪರಿಹಾರ..

ಚಾಂಪಿಯನ್ಸ್​ ಟ್ರೋಫಿಯಲ್ಲಿ 106, ವಿಶ್ವಕಪ್​ನಲ್ಲಿ 58.07, ಏಷ್ಯಾಕಪ್​ನಲ್ಲಿ 76.33.. ಈ ರನ್​ಗಳಿಕೆಯ ಸರಾಸರಿಯೇ ರಾಹುಲ್​ ಬ್ಯಾಟಿಂಗ್​ ವೈಭವವನ್ನ ಸಾರಿ ಸಾರಿ ಹೇಳ್ತಿದೆ. ಈಗ ಚಾಂಪಿಯನ್ಸ್​ ಟ್ರೋಫಿಯಲ್ಲೀ ಅದೇ ಕನ್ಸಿಸ್ಟೆಂಟ್​ ಆಟವನ್ನ ರಾಹುಲ್​ ಆಡ್ತಿದ್ದಾರೆ. ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಬಿಗ್​ ಸ್ಕೋರ್​ ಕಲೆ ಹಾಕದಿದ್ರೂ, ತನ್ನ ಆಟದಿಂದ ತಂಡವನ್ನಂತೂ ಗೆಲುವಿನ ದಡ ಸೇರಿಸಿದ್ದಾರೆ. ಇನ್​ಫ್ಯಾಕ್ಟ್​​​.. ಟಾಪ್​ ಆರ್ಡರ್​ ಬ್ಯಾಟ್ಸ್​​ಮನ್​ಗಳು ಫಿಯರ್​ಲೆಸ್​ ಆಟ ಆಡ್ತಿರೋದಕ್ಕೂ ರಾಹುಲ್ ಪರೋಕ್ಷ ಕಾರಣವಾಗಿದ್ದಾರೆ. ಕೆಳ ಕ್ರಮಾಂಕದಲ್ಲಿ ರಾಹುಲ್​ ಇರೋದು ಟಾಪ್​ ಆರ್ಡರ್​ ಬ್ಯಾಟರ್​ಗಳ ಆತ್ಮವಿಶ್ವಾಸ ಹೆಚ್ಚಿಸಿದೆ.

ಏಕದಿನ ಟೂರ್ನಮೆಂಟ್​ಗಳ ಟ್ರ್ಯಾಕ್​ ರೆಕಾರ್ಡ್​, ಸದ್ಯದ ಹಾಲಿ ಫಾರ್ಮ್ ಫೈನಲ್​ಗೂ ಮುನ್ನ​​​ ಕಿವೀಸ್​ ಕಂಗೆಡಿಸಿದೆ. ರಾಹುಲ್ ಕಟ್ಟಿ ಹಾಕಲು ತಂತ್ರಗಳನ್ನ ಕಿವೀಸ್​ ಪಡೆ ಹೆಣೆಯೋದಂತೂ ಪಕ್ಕಾ. ನ್ಯೂಜಿಲೆಂಡ್​​ನ ಆ ಟ್ರ್ಯಾಪ್​ಗೆ ರಾಹುಲ್​ ಬೀಳದಿರಲಿ. ಫೈನಲ್ಸ್​​ನಲ್ಲಿ ಕನ್ನಡಿಗ ಮಿಂಚಿನ ಪರ್ಫಾಮೆನ್ಸ್​ ನೀಡಲಿ ಅನ್ನೋದು ಕ್ರಿಕೆಟ್​ ಪ್ರೇಮಿಗಳ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ