ಶುಭ್ಮನ್​​ ಗಿಲ್​​ಗೆ ಶಾಕ್​​; ಕೆ.ಎಲ್​ ರಾಹುಲ್​ಗೆ ಟೀಮ್​ ಇಂಡಿಯಾದಿಂದ ಬಿಗ್​ ಆಫರ್​​!

ಇದೇ ತಿಂಗಳು ಸೆಪ್ಟೆಂಬರ್ 19ನೇ ತಾರೀಕಿನಿಂದ ಟೀಮ್​ ಇಂಡಿಯಾ ಮತ್ತು ಬಾಂಗ್ಲಾದೇಶ ನಡುವಿನ 2 ಪಂದ್ಯಗಳ ಟೆಸ್ಟ್ ಸರಣಿ ಶುರುವಾಗಲಿದೆ. ಈ ಸರಣಿಗಾಗಿ ಬಿಸಿಸಿಐ ಸೆಲೆಕ್ಷನ್​ ಕಮಿಟಿ ಸದ್ಯದಲ್ಲೇ ಬಲಿಷ್ಠ ಟೀಮ್​ ಇಂಡಿಯಾ ಪ್ರಕಟಿಸಲಿದೆ. ಅದಕ್ಕೂ ಮುನ್ನ ಟೀಮ್ ಇಂಡಿಯಾದ ಕೆಲವು ಆಟಗಾರರು ದುಲೀಪ್ ಟ್ರೋಫಿಯ ಭಾಗವಾಗಿದ್ದಾರೆ.

ಟೀಮ್ ಇಂಡಿಯಾ ತಂಡದಲ್ಲಿ ಸ್ಥಾನ ಪಡೆಯಲು ಎಲ್ಲ ಆಟಗಾರರಿಗೂ ಈ ಟೂರ್ನಿ ಅತ್ಯಂತ ಮಹತ್ವದ್ದಾಗಿದೆ. ಆದರೆ, ಭಾರತ ತಂಡದ ಉಪನಾಯಕ ಶುಭ್ಮನ್​ ಗಿಲ್​ ಸೇರಿದಂತೆ ಟೀಮ್ ಇಂಡಿಯಾದ ಕೆಲವು ಯುವ ಸ್ಟಾರ್ ಆಟಗಾರರು ಮೊದಲ ದಿನವೇ ಪ್ಲಾಪ್ ಆಗಿದ್ದಾರೆ.

ಶುಭ್ಮನ್​​ ಗಿಲ್​ ಕಳಪೆ ಆಟ

ಎಂ. ಚಿನ್ನಸ್ವಾಮಿ ಸ್ಟೇಡಿಯಮ್​​ನಲ್ಲಿ ಇಂಡಿಯಾ ಎ ಮತ್ತು ಇಂಡಿಯಾ ಬಿ ನಡುವೆ ದುಲೀಪ್​​ ಟ್ರೋಫಿಯ ಮೊದಲ ಪಂದ್ಯ ನಡೆಯುತ್ತಿದೆ. ಇಂಡಿಯಾ ಬಿ ಇಂಡಿಯಾ ಎ ತಂಡಕ್ಕೆ ಮೊದಲ ಇನ್ನಿಂಗ್ಸ್​ನಲ್ಲಿ 322 ರನ್​ಗಳ ಟಾರ್ಗೆಟ್​ ಕೊಟ್ಟಿದೆ. 322 ರನ್​ಗಳ ಗುರಿ ಬೆನ್ನತ್ತಿದ ಇಂಡಿಯಾ ಎ ತಂಡದ ಪರ ಇನ್ನಿಂಗ್ಸ್​ ಆರಂಭಿಸಿದ ಕ್ಯಾಪ್ಟನ್​ ಶುಭ್ಮನ್​​ ಕೇವಲ 25 ರನ್​ಗಳಿಗೆ ವಿಕೆಟ್​ ಒಪ್ಪಿಸಿದ್ದಾರೆ. ತಾನು ಆಡಿದ 43 ಬಾಲ್​ನಲ್ಲಿ 3 ಫೋರ್​​ ಗಳಿಸಿದ್ದಾರೆ. ಇವರ ಸ್ಟ್ರೈಕ್​ ರೇಟ್​​ 58.14 ಇತ್ತು.
ಗಿಲ್​ ವಿರುದ್ಧ ಫ್ಯಾನ್ಸ್​ ಆಕ್ರೋಶ

ಟೀಮ್​ ಇಂಡಿಯಾದ ಉಪನಾಯಕ ಶುಭ್ಮನ್​ ಗಿಲ್​​. ಇವರು ಭಾರತ ಕ್ರಿಕೆಟ್​ ತಂಡದ ಮುಂದಿನ ಕ್ಯಾಪ್ಟನ್​​​. ದುಲೀಪ್​ ಟ್ರೋಫಿಯಲ್ಲಿ ಇಂಡಿಯಾ ಎ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಒಬ್ಬ ಕ್ಯಾಪ್ಟನ್​ ಆದವನು ಕ್ರೀಸ್​ನಲ್ಲೇ ನಿಂತು ಮ್ಯಾಚ್​ ಗೆಲ್ಲಿಸಬೇಕು. ಅದು ಬೇಜವಾಬ್ದಾರಿಯಿಂದ ಬಾಲ್​ ಬಿಟ್ಟು ವಿಕೆಟ್​ ಒಪ್ಪಿಸುವುದು ಎಷ್ಟು ಸರಿ? ಶೇಮ್​ ಆನ್​ ಯೂ ಗಿಲ್​ ಎಂದು ಆಕ್ರೋಶ ಹೊರಹಾಕಿದ್ದಾರೆ.

ಕೆ.ಎಲ್​ ರಾಹುಲ್​ಗೆ ಕ್ಯಾಪ್ಟನ್ಸಿ ನೀಡಬೇಕು ಎಂದು ಡಿಮ್ಯಾಂಡ್​​

ಗಿಲ್​​ ತಂಡದ ನಾಯಕರಾಗಿ ಕೇವಲ 25 ರನ್​ಗೆ ಔಟ್​ ಆಗಿದ್ದು, ಕನ್ನಡಿಗ ಕೆ.ಎಲ್​ ರಾಹುಲ್​​​ 80ಕ್ಕೂ ಹೆಚ್ಚು ಬಾಲ್​​ ಬ್ಯಾಟ್​ ಬೀಸಿ ತಾಳ್ಮೆಯಿಂದಲೇ ಆಟ ಆಡುತ್ತಿದ್ದಾರೆ. ಇನ್ನೂ ಕ್ರೀಸ್​ನಲ್ಲೇ ಇದ್ದು, ತಂಡಕ್ಕೆ ನೆರವಾಗುತ್ತಿದ್ದಾರೆ. ಕೆ.ಎಲ್​ ರಾಹುಲ್​​ 3 ಫೋರ್​ ಸಮೇತ 20 ರನ್​​ ಚಚ್ಚಿ ನಾಳೆ ಬ್ಯಾಟಿಂಗ್​ ಮುಂದುವರಿಸಲಿದ್ದಾರೆ. ಹಾಗಾಗಿ ಗಿಲ್​ ಬದಲಿಗೆ ಕೆ.ಎಲ್​ ರಾಹುಲ್​ ಕ್ಯಾಪ್ಟನ್ಸಿ ನೀಡಬೇಕು ಅನ್ನೋ ಒತ್ತಾಯ ಕೇಳಿ ಬಂದಿದೆ. ಒಂದು ವೇಳೆ ದುಲೀಪ್​ ಟ್ರೋಫಿಯಲ್ಲಿ ಕೆ.ಎಲ್​ ರಾಹುಲ್​​ ಅದ್ಭುತ ಪ್ರದರ್ಶನ ನೀಡಿದ್ರೆ, ಇವರಿಗೆ ಏಕದಿನ ಮತ್ತು ಟೆಸ್ಟ್​ ಕ್ಯಾಪ್ಟನ್​ ಆಗೋ ಅವಕಾಶಗಳು ಇವೆ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ:‘ನಾಚಿಕೆ ಆಗಬೇಕು ನಿನಗೆ’- ಶುಭ್ಮನ್​ ಗಿಲ್​ ವಿರುದ್ಧ ಬಹಿರಂಗ ಆಕ್ರೋಶ; ಕಾರಣವೇನು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್