ರೋಹಿತ್​ ಬಳಿಕ KL​ ರಾಹುಲ್​ಗೆ ಟೆಸ್ಟ್​​ ಕ್ಯಾಪ್ಟನ್ಸಿ; ಕನ್ನಡಿಗನಿಗೆ ಟೀಮ್​ ಇಂಡಿಯಾದಿಂದ ಬಿಗ್​ ಆಫರ್​

ಬಾಂಗ್ಲಾದೇಶದ ವಿರುದ್ಧದ 2 ಪಂದ್ಯಗಳ ಟೆಸ್ಟ್​​ ಸರಣಿ ನಂತರ ರೆಡ್​ ಬಾಲ್​ ಕ್ರಿಕೆಟ್​ ಕ್ಯಾಪ್ಟನ್ಸಿಗೆ ರೋಹಿತ್​ ಶರ್ಮಾ ವಿದಾಯ ಹೇಳುವ ಸಾಧ್ಯತೆ ಇದೆ. ಹೀಗಾಗಿ ರೋಹಿತ್​ ನಂತರ ಟೀಮ್ ಇಂಡಿಯಾದ ಟೆಸ್ಟ್ ನಾಯಕತ್ವ ಯಾರಿಗೆ ನೀಡಬೇಕು ಅನ್ನುವುದರ ಬಗ್ಗೆ ವ್ಯಾಪಕ ಚರ್ಚೆ ನಡೆಯುತ್ತಿದೆ. ರೋಹಿತ್​ ಜಾಗಕ್ಕೆ ಯಾರು ಬರಬಹುದು? ಅನ್ನೋ ಕುತೂಹಲ ಎದ್ದಿದೆ. ಟೆಸ್ಟ್ ನಾಯಕತ್ವಕ್ಕೆ ಕೆ.ಎಲ್​ ರಾಹುಲ್​​, ರಿಷಭ್​ ಪಂತ್​ ಹೆಸರು ಕೇಳಿ ಬಂದಿದೆ.

ಇದೇ ತಿಂಗಳು 19ನೇ ತಾರೀಕಿನಿಂದ ನಡೆಯಲಿರೋ ಬಾಂಗ್ಲಾ ವಿರುದ್ಧ ಸೀರೀಸ್​ಗೆ ಟೀಮ್​ ಇಂಡಿಯಾ ಉಪನಾಯಕ ಯಾರು ಎಂದು ಅನೌನ್ಸ್ ಮಾಡಿಲ್ಲ. ಶುಭ್ಮನ್​ ಗಿಲ್​ ಅವರನ್ನು ಈಗಾಗಲೇ ಸೀಮಿತ ಓವರ್ಗಳ ಎರಡೂ ಆವೃತ್ತಿಗಳಿಗೆ ಉಪನಾಯಕ ಎಂದು ಘೋಷಿಸಲಾಗಿದೆ. ಆದರೆ ಸದ್ಯದ ಸ್ಥಿತಿ ಮತ್ತು ಭವಿಷ್ಯದ ದೃಷ್ಟಿಯಿಂದ ಕೆ.ಎಲ್​ ರಾಹುಲ್​ ಅವರನ್ನೇ ಟೆಸ್ಟ್ ಕ್ಯಾಪ್ಟನ್ ಮಾಡುವ ನಿರ್ಧಾರ ಬಿಸಿಸಿಐ ತೆಗೆದುಕೊಳ್ಳುವ ಸಾಧ್ಯತೆ ಇದೆ. ಇದಕ್ಕೆ ಕಾರಣ ಕೆ.ಎಲ್​ ರಾಹುಲ್​ ಟೆಸ್ಟ್​ ಕ್ಯಾಪ್ಟನ್ಸಿಗೆ ಉತ್ತಮ ಆಯ್ಕೆ.

ಇಂಡಿಯನ್ ಪ್ರಿಮೀಯರ್ ಲೀಗ್​ನಲ್ಲಿ ನಾಯಕತ್ವ ವಹಿಸಿರುವ ಅನುಭವ ಕನ್ನಡಿಗನಿಗಿದೆ. ಈಗಾಗಲೇ ಕೆ.ಎಲ್​ ರಾಹುಲ್​ ನಾಯಕತ್ವದ ಗುಣಗಳನ್ನು ಖುದ್ದು ರೋಹಿತ್​ ಶರ್ಮಾ ಅವರೇ ಶ್ಲಾಘಿಸಿದ್ದಾರೆ. ಹಾಗಾಗಿ ರೋಹಿತ್​ ಕ್ಯಾಪ್ಟನ್​ ಆದಲ್ಲಿ ಕೊಹ್ಲಿ ಮತ್ತು ರೋಹಿತ್ ಮಾರ್ಗದರ್ಶನವಂತೂ ಇದ್ದೇ ಇರುತ್ತದೆ.

ಯಾರು ಕೆ.ಎಲ್​ ರಾಹುಲ್​​?

ಕೆ.ಎಲ್​ ರಾಹುಲ್​ ಆಕ್ರಮಣಕಾರಿ ಮನೋಭಾವ ಹುಡುಗ ಆದ್ರೂ ತಾಳ್ಮೆ ಹೆಚ್ಚು. ಟೆಸ್ಟ್​ನಲ್ಲಿ ಸತತವಾಗಿ ಉತ್ತಮ ಪ್ರದರ್ಶನ ನೀಡಿರೋ ಕೆ.ಎಲ್​ ರಾಹುಲ್​ ಕ್ಲಾಸ್​​ ಮತ್ತು ತಾಳ್ಮೆಯಾಟಕ್ಕೆ ಸಾಕ್ಷಿ. ಈ ಹುಡುಗನಲ್ಲಿ ಕೊಹ್ಲಿಯಂತೆ ಛಲವಿದೆ, ಟೀಮಿನ ಶ್ರೇಯಸ್ಸಿಗಾಗಿ ಶ್ರಮಿಸುವ ಬದ್ಧತೆಯಿದೆ. ಐಪಿಎಲ್​ನಲ್ಲಿ ಪಂಜಾಬ್​​, ಲಕ್ನೋ ತಂಡವನ್ನು ಮುನ್ನಡೆಸಿದ ಅನುಭವ ಇದೆ.

ಇದನ್ನೂ ಓದಿ: IPL 2025: ಆರ್​​ಸಿಬಿ ತಂಡದಿಂದ ಮಹತ್ವದ ನಿರ್ಧಾರ; ಬೆಂಗಳೂರು ತಂಡದ ಕ್ಯಾಪ್ಟನ್​ ಇವರೇ!

ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ