ತಂಡದಲ್ಲಿ ಕೊಹ್ಲಿಯೊಂದು ತೀರ.. ರೋಹಿತ್ ಒಂದು ತೀರ! ವಯಸ್ಸಾಂದಂತೆ ಯಾಕೆ ಹೀಗೆ..?

ಕ್ರಿಕೆಟ್​​​ ಎಂಬ ಜಂಟಲ್​​ಮನ್ ಗೇಮ್​ನಲ್ಲಿ ವಯಸ್ಸಾದ್ರೆ ಕಥೆ ಮುಗೀತು ಅಂತಾ ಎಲ್ರೂ ಹೇಳ್ತಾರೆ. ಆದ್ರೆ, ಹಿಟ್​ಮ್ಯಾನ್ ರೋಹಿತ್​ ಶರ್ಮಾ ವಿಚಾರದಲ್ಲಿ ಈ ಮಾತು ಅಕ್ಷರಶಃ ಸುಳ್ಳಾಗಿದೆ. ವಯಸ್ಸಾದಂತೆ ಹಿಟ್​​ಮ್ಯಾನ್​ ಆರ್ಭಟ ಜೋರಾಗ್ತಿದೆ. ಆದ್ರೆ, ಆರಂಭದಲ್ಲಿ ಅಬ್ಬರಿಸಿ ಬೊಬ್ಬಿರಿತಾ ಇದ್ದ ಕಿಂಗ್​ ಕೊಹ್ಲಿ, ಈಗ ಫುಲ್​ ಸೈಲೆಂಟ್​ ಆಗಿದ್ದಾರೆ.

ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ  ಟೀಮ್ ಇಂಡಿಯಾದ ಜೋಡೆತ್ತು. ಒಬ್ಬರು ವಿಶ್ವ ಕ್ರಿಕೆಟ್​ನ ಹಿಟ್​ಮ್ಯಾನ್​. ಮತ್ತೊಬ್ಬರು ವಿಶ್ವ ಕ್ರಿಕೆಟ್​ನ ಕಿಂಗ್. ಇವರಿಬ್ಬರ ಬ್ಯಾಟಿಂಗ್ ಶೈಲಿ, ವ್ಯಕ್ತಿತ್ವ ವಿಭಿನ್ನವಾಗಿದ್ದರೂ, ಅಂಗಳದಲ್ಲಿ ತಂಡದ ಗೆಲುವಿಗಾಗಿ ವೀರ ಸೈನಿಕರಂತೆ ಹೋರಾಡ್ತಾರೆ. ಜೊತೆಯಾಗಿ ಅದೆಷ್ಟೋ ಮ್ಯಾಚ್​ಗಳನ್ನು ಗೆಲ್ಲಿಸಿದ್ದಾರೆ. ರನ್​ ಸುನಾಮಿಯನ್ನೇ ಸೃಷ್ಟಿಸಿದ್ದಾರೆ. ಒಡಿಐ ಕ್ರಿಕೆಟ್​ನ ಲೆಜೆಂಡರಿ ಕ್ರಿಕೆಟರ್​ಗಳಾಗಿ ಬೆಳದು ನಿಂತಿದ್ದಾರೆ.

ರೋಹಿತ್ ಶರ್ಮಾ, ವಿರಾಟ್​ ಕೊಹ್ಲಿಯದ್ದೀಗ ಕವಲುದಾರಿ..!
ರೋಹಿತ್​, ವಿರಾಟ್​ ಇವರಿಬ್ಬರು ಗೆಲುವಿಗಾಗಿ ಹೋರಾಡೋದೆ ಇವರಿಬ್ಬರ ಗುರಿ. ಟೀಮ್​ ಇಂಡಿಯಾಗೆ ಕಾಲಿಟ್ಟ ದಿನದಿಂದ ಈವರೆಗೆ ಇದನ್ನೇ ಮಾಡಿದ್ದಾರೆ. ಆದ್ರೀಗ ಇವರ ಏಕದಿನ ಕ್ರಿಕೆಟ್ ಕರಿಯರ್, ನೀನೊಂದು ತೀರ, ನಾನೊಂದು ತೀರ ಎಂಬಂತಾಗಿದೆ. ಇಬ್ಬರೂ ಭಿನ್ನ ದಾರಿಯಲ್ಲಿ ಸಾಗ್ತಿದ್ದಾರೆ. 30ರ ಗಡಿ ದಾಟಿದ ಬಳಿಕ ಇಬ್ಬರ ಆಟ ಫುಲ್​ ಚೇಂಜ್​ ಆಗಿದ್ದಾರೆ. ವಯಸ್ಸಾದಂತೆ ಹಿಟ್​ಮ್ಯಾನ್​ ಮತ್ತಷ್ಟು ವೈಲೆಂಟ್​ ಆಗ್ತಿದ್ರೆ, ಕಿಂಗ್​ ಸೈಲೆಂಟ್​ ಆಗ್ತಿದ್ದಾರೆ.

ರೋಹಿತ್ ಪಾಲಿಗೆ ವಯಸ್ಸು ಜಸ್ಟ್ ನಂಬರ್..!
ಕ್ರಿಕೆಟ್​ ಎಂಬ ಜಂಟಲ್​ಮನ್ ಗೇಮ್​ನಲ್ಲಿ 35ರ ನಂತರ, ಏಕದಿನ ಕ್ರಿಕೆಟ್ ಆಡೋಕೆ ಅನ್​ಫಿಟ್ ಅನ್ನೋ ಮಾತಿದೆ. ಆದ್ರೆ, 37ರ ರೋಹಿತ್​ ಶರ್ಮಾಗೆ ವಯಸ್ಸು ಅನ್ನೋದು ಜಸ್ಟ್​ ನಂಬರ್. 37ರ ವಯಸ್ಸಿನಲ್ಲೂ ಚಿರ ಯುವಕನಂತೆ ಹಿಟ್​ಮ್ಯಾನ್ ಬ್ಯಾಟ್ ಬೀಸ್ತಿದ್ದಾರೆ. ಇದು ಇಂಗ್ಲೆಂಡ್ ಎದುರು ಸಿಡಿಗುಂಡಿನಂತೆ ರೋಹಿತ್, ಆರ್ಭಟಿಸಿದ ಶತಕ ನೋಡಿ ಹೇಳ್ತಿರುವ ಮಾತಲ್ಲ. 30ರ ಗಡಿ ದಾಟಿದ ನಂತರ ರೋಹಿತ್ ಬ್ಯಾಟಿಂಗ್ ಹೇಳ್ತಿರುವ ಕಥೆ. ಈ ಕಥೆ ನಿಮ್ಗೆ ಅರ್ಥವಾಗಬೇಕಾದ್ರೆ, ಮೊದಲು 30ರ ಒಳಗಿನ ರೋಹಿತ್ ಹಾಗೂ 30ರ ನಂತರದ ಬ್ಯಾಟಿಂಗ್ ಕಥೆ ಕೇಳಬೇಕು.

ಇದನ್ನೂ ಓದಿ:ಟೀಂ ಇಂಡಿಯಾಗೆ ದೊಡ್ಡ ಆಘಾತ; ಚಾಂಪಿಯನ್ಸ್ ಟ್ರೋಫಿಯಿಂದ ಬುಮ್ರಾ ಮಿಸ್​..!

2007ರಿಂದ 2017ರ ತನಕ ಬರೋಬ್ಬರಿ 153 ಪಂದ್ಯಗಳಲ್ಲಿ ಬ್ಯಾಟ್ ಬೀಸಿದ ರೋಹಿತ್, 41.37ರ ಬ್ಯಾಟಿಂಗ್ ಆ್ಯವರೇಜ್​ನಲ್ಲಿ 5131 ರನ್ ಗಳಿಸಿದ್ರು. ಈ ಪೈಕಿ 10 ಶತಕ, 29 ಅರ್ಧಶತಕ ದಾಖಲಿಸಿದ್ರು. 30 ವರ್ಷದ ಬಳಿಕ ಅಂದ್ರೆ, 2017ರ ಏಪ್ರಿಲ್ 30ರ ಬಳಿಕ ರೋಹಿತ್, 114 ಪಂದ್ಯಗಳನ್ನಾಡಿದ್ದಾರೆ. 59.15ರ ಬ್ಯಾಟಿಂಗ್ ಆ್ಯವರೇಜ್​ನಲ್ಲಿ 5856 ರನ್​​ ಗಳಿಸಿದ್ದಾರೆ. ಈ ಪೈಕಿ 28 ಅರ್ಧಶತಕ, 22 ​​​​​​​​​​ಶತಕ ಸಿಡಿಸಿದ್ದಾರೆ. ರೋಹಿತ್ ಶರ್ಮಾರ ಈ ಬ್ಯಾಟಿಂಗ್ ಕಥೆ. ಹಿಟ್​ಮ್ಯಾನ್​ ಪಾಲಿಗೆ ಏಜ್ ಅನ್ನೋದು ಜಸ್ಟ್ ನಂಬರ್ ಅನ್ನೋದನ್ನ ಮಾತ್ರ ಹೇಳ್ತಿಲ್ಲ. ಟೀಮ್​ ಇಂಡಿಯಾ ಗೆಲುವಿನಲ್ಲಿ ರೋಹಿತ್ ಪಾತ್ರದ ಬಗ್ಗೆಯೂ ಹೇಳ್ತಿದೆ.

ಕೊಹ್ಲಿಗೇ ಅಲ್ಲ.. ಕೊಹ್ಲಿ ಬ್ಯಾಟ್​​ಗೂ ಆಯ್ತಾ ವಯಸ್ಸು.?

37 ವರ್ಷದ ರೋಹಿತ್, ಅಬ್ಬರಿಸುತ್ತಿದ್ದರೆ. ಇತ್ತ ವಿರಾಟ್ ಮಾತ್ರ ಫುಲ್ ಸೈಲೆಂಟ್ ಆಗಿದ್ದಾರೆ. 30ರ ನಂತರದ ವಿರಾಟ್​ ಬ್ಯಾಟಿಂಗ್​ ಕಥೆ. ಕೊಹ್ಲಿಗೇ ಅಲ್ಲ. ಕೊಹ್ಲಿಯ ಬ್ಯಾಟ್​ಗೂ ವಯಸ್ಸಾಗಿದೆ ಅನ್ನೋದನ್ನ ಹೇಳ್ತಿದೆ. 30 ವರ್ಷ ಗಡಿ ದಾಟಿದ ನಂತರ ಕೊಹ್ಲಿ ಆಟದಲ್ಲಿ ಖದರ್ ಮಾಯವಾಗಿದೆ.

2018 ನವೆಂಬರ್​ 5ರ ಬಳಿಕ 80 ಪಂದ್ಯಗಳನ್ನಾಡಿರುವ ವಿರಾಟ್, 53.31ರ ಬ್ಯಾಟಿಂಗ್ ಅವರೇಜ್​ನಲ್ಲಿ 3679 ರನ್ ಗಳಿಸಿದ್ದಾರೆ. 24 ಅರ್ಧಶತಕ, 12 ಶತಕ ದಾಖಲಿಸಿರುವ ಕೊಹ್ಲಿ, 95.36ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಆದ್ರೆ, 2018ರ ನವೆಂಬರ್​ಗೂ ಮುನ್ನ ಏಕದಿನ ಕ್ರಿಕೆಟ್​ನಲ್ಲಿ 60ರ ಬ್ಯಾಟಿಂಗ್ ಅವರೇಜ್​ನಲ್ಲಿ ಬ್ಯಾಟ್ ಬೀಸಿದ್ರು. ಆದ್ರೀಗ, ವಿರಾಟ್ ಕೊಹ್ಲಿ, ಬ್ಯಾಟಿಂಗ್​ ಖದರ್ ಕುಸಿದಿದೆ. ಕೊಹ್ಲಿ ಬ್ಯಾಡ್ ಫಾರ್ಮ್​ ಸುಳಿಗೆ ಸಿಲುಕಿ ಒದ್ದಾಡ್ತಿದ್ದಾರೆ.

ಇದನ್ನೂ ಓದಿ:ಟೀಮ್​ ಇಂಡಿಯಾದಲ್ಲಿ ಮೇಜರ್​ ಸರ್ಜರಿ; ಸ್ಟಾರ್​ ಆಟಗಾರರೇ ಔಟ್

ಮಹತ್ವದ ಚಾಂಪಿಯನ್ಸ್​ ಟ್ರೋಫಿ ಟೂರ್ನಿ ಟೀಮ್​ ಇಂಡಿಯಾ ಮುಂದಿದೆ. ಇಂಗ್ಲೆಂಡ್​​ ಎದುರು ರೋಹಿತ್​ ಶರ್ಮಾ ಘರ್ಜಿಸಿರೋದು ಫ್ಯಾನ್ಸ್​ಗೆ​​ ಖುಷಿ ತಂದಿದೆ. ಆದ್ರೆ, ವಿರಾಟ್​ ಕೊಹ್ಲಿಯ ಬ್ಯಾಡ್​ ಫಾರ್ಮ್​ ಚಿಂತೆ ಹೆಚ್ಚಿಸಿದೆ. ಇಂದಿನ ಕೊನೆಯ ಏಕದಿನದಲ್ಲಿ ಕೊಹ್ಲಿ ಫಾರ್ಮ್​ ಕಂಡು ಕೊಂಡು ಹಳೆ ಖದರ್​ಗೆ ಮರಳಿದ್ರೆ, ಟೀಮ್​ ಇಂಡಿಯಾ ಫ್ಯಾನ್ಸ್​ಗೆ ಅದಕ್ಕಿಂದ ಗುಡ್​ನ್ಯೂಸ್​ ಮತ್ತೊಂದಿಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ