ಬಿಸಿಸಿಐನಿಂದ ಮಹತ್ವದ ನಿರ್ಧಾರ; ಟೀಮ್​ ಇಂಡಿಯಾಗೆ ಮತ್ತೆ ಕೊಹ್ಲಿ ಕ್ಯಾಪ್ಟನ್!

ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್​ ಸೀರೀಸ್​​ನಲ್ಲಿ ರನ್​​ ಬರ ಎದುರುಸುತ್ತಿರೋ ಟೀಮ್​ ಇಂಡಿಯಾ ಕ್ಯಾಪ್ಟನ್​​ ರೋಹಿತ್​ ಶರ್ಮಾ ಕೊನೆಯ ಟೆಸ್ಟ್​ನಿಂದ ಹಿಂದೆ ಸರಿದಿದ್ದಾರೆ. ಇದರ ಪರಿಣಾಮ ಟೀಮ್​ ಇಂಡಿಯಾ ಮುನ್ನಡೆಸುವ ಜವಾಬ್ದಾರಿ ಬುಮ್ರಾ ಹೆಗಲ ಮೇಲಿದೆ.

ಇದುವರೆಗೂ ಟೀಮ್​ ಇಂಡಿಯಾ ಸ್ಟಾರ್​ ವೇಗಿ 5 ಪಂದ್ಯಗಳಲ್ಲಿ ಕ್ಯಾಪ್ಟನ್ಸಿ ಮಾಡಿದ್ದಾರೆ. ಈ ಸರಣಿಯ ಮೊದಲ ಪಂದ್ಯದಲ್ಲಿ ಬುಮ್ರಾ ನಾಯಕತ್ವದಲ್ಲಿ ಟೀಮ್​ ಇಂಡಿಯಾ ಗೆಲುವಿನ ದಡ ಸೇರಿತ್ತು. ಹೀಗಾಗಿ ರೋಹಿತ್​​ ಕೊನೆಯ ಟೆಸ್ಟ್​ನಿಂದ ದೂರ ಉಳಿದಿದ್ದು, ಬುಮ್ರಾ ಹೆಗಲಿಗೆ ನಾಯಕತ್ವದ ಹೊಣೆ ನೀಡಲಾಗಿದೆ. ಆದರೀಗ, ಬುಮ್ರಾ ಗಾಯಕ್ಕೆ ತುತ್ತಾಗಿ ಮೈದಾನದಿಂದ ಹೊರ ನಡೆದಿದ್ದಾರೆ. ಇವರ ಬದಲಿಗೆ ಟೀಮ್​ ಇಂಡಿಯಾ ನಾಯಕತ್ವವನ್ನು ಸ್ಟಾರ್​​ ಆಟಗಾರ ಕೊಹ್ಲಿ ವಹಿಸಿಕೊಂಡಿದ್ದಾರೆ.

ಭರ್ಜರಿ ಪಾರ್ಮ್‌ನಲ್ಲಿರೋ ಬುಮ್ರಾ ಬೌಲಿಂಗ್​ ಮಾತ್ರವಲ್ಲ ನಾಯಕತ್ವದಲ್ಲೂ ಸ್ಥಿರ ಪ್ರದರ್ಶನ ನೀಡುತ್ತಿದ್ದಾರೆ. ಬುಮ್ರಾ ಬಾರ್ಡರ್​​ ಗವಾಸ್ಕರ್​ ಟ್ರೋಫಿ ಸರಣಿಯಲ್ಲಿ 32 ವಿಕೆಟ್​ ಪಡೆದಿದ್ದಾರೆ. ಕ್ಯಾಪ್ಟನ್​ ರೋಹಿತ್​ ಶರ್ಮಾ ಅನುಪಸ್ಥಿತಿಯಲ್ಲಿ ಬುಮ್ರಾ ಭಾರತ ತಂಡವನ್ನು ಮುನ್ನಡೆಸುತ್ತಿದ್ದರು. ಈಗ ಇವರು 2ನೇ ಇನ್ನಿಂಗ್ಸ್​ಗೆ ಕಮ್​ಬ್ಯಾಕ್​ ಮಾಡೋದು ಅನುಮಾನ ಎಂದು ಬಿಸಿಸಿಐ ಅಧಿಕಾರಿಗಳು ತಿಳಿಸಿದ್ದಾರೆ.

ಕೊಹ್ಲಿಗೆ ಟೀಮ್​ ಇಂಡಿಯಾ ಕ್ಯಾಪ್ಟನ್ಸಿ

ವಿರಾಟ್​ ಕೊಹ್ಲಿ ಟೀಮ್​ ಇಂಡಿಯಾದ ಅತ್ಯಂತ ಯಶಸ್ವಿ ಟೆಸ್ಟ್​ ಕ್ಯಾಪ್ಟನ್​​. ಇವರು 2 ವರ್ಷಗಳ ಹಿಂದೆ ಟೀಮ್​ ಇಂಡಿಯಾ ಟೆಸ್ಟ್ ಕ್ಯಾಪ್ಟನ್ಸಿಗೆ ದಿಢೀರ್​ ನಿವೃತ್ತಿ ಘೋಷಿಸಿ ಅಚ್ಚರಿ ಮೂಡಿಸಿದ್ದರು. ಈಗ ಬುಮ್ರಾ ಅನುಪಸ್ಥಿಯಲ್ಲಿ ಕೊಹ್ಲಿ ಟೀಮ್​ ಇಂಡಿಯಾವನ್ನು ಮುನ್ನಡೆಸುವ ಅವಕಾಶ ಸಿಕ್ಕಿದೆ. ಇವರು ಭಾರತ ತಂಡದ ಸ್ಯಾಂಡ್​ ಇನ್​​ ಕ್ಯಾಪ್ಟನ್​ ಆಗಿದ್ದು, ಫ್ಯಾನ್ಸ್​​ಗೆ ಭರ್ಜರಿ ಗುಡ್​ನ್ಯೂಸ್​ ಸಿಕ್ಕಿದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾಗೆ ಶಾಕ್​ ಮೇಲೆ ಶಾಕ್​ ಕೊಟ್ಟ ಬುಮ್ರಾ; ಭಾರತದ ಮುಂದಿನ ನಡೆಯೇನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ