Kohli vs Bumrah ಕಾಳಗ ನೋಡೋದೇ ಥ್ರಿಲ್ಲಿಂಗ್.. ಬುಮ್ರಾಗೆ ಕೊಹ್ಲಿ ಎಷ್ಟು ಬಾರಿ ಔಟ್ ಆಗಿದ್ದಾರೆ..?

ಮುಂಬೈ ಇಂಡಿಯನ್ಸ್​ಗೆ ಜಸ್​ಪ್ರಿತ್ ಬುಮ್ರಾ ಕಂಬ್ಯಾಕ್ ಮಾಡಿದ್ದಾರೆ. ಇಂದು ನಡೆಯಲಿರುವ RCB ವಿರುದ್ಧದ ಪಂದ್ಯದಲ್ಲಿ ಆಡಲಿದ್ದಾರೆ. ಸಹಜವಾಗಿಯೇ ಆರ್​ಸಿಬಿ ಕ್ಯಾಂಪ್​ನಲ್ಲಿ ಗೇಮ್​ಪ್ಲಾನ್ ಚೆಂಚ್ ಆಗಿದೆ.

ಗಾಯದ ನಂತರ ತಂಡಕ್ಕೆ ಮರಳಿರುವ ಬುಮ್ರಾ ಅವರನ್ನು ಕೊಹ್ಲಿ ಎದುರಿಸಲಿದ್ದಾರೆ. ಐಪಿಎಲ್‌ನಲ್ಲಿ ಕೊಹ್ಲಿಯನ್ನು ಬುಮ್ರಾ ಈಗಾಗಲೇ 5 ಬಾರಿ ಔಟ್ ಮಾಡಿದ್ದಾರೆ. ಕೊಹ್ಲಿ ಮತ್ತು ಬುಮ್ರಾ ಐಪಿಎಲ್‌ನ ಅತ್ಯುತ್ತಮ ಆಟಗಾರರು. ಪಂದ್ಯದಲ್ಲಿ ಇಬ್ಬರ ನಡುವೆ ಕಠಿಣ ಪೈಪೋಟಿ ಇರುತ್ತದೆ. ಬುಮ್ರಾ 16 ಇನ್ನಿಂಗ್ಸ್‌ಗಳಲ್ಲಿ ಕೊಹ್ಲಿಯನ್ನು 5 ಬಾರಿ ಪೆವಿಲಿಯನ್‌ಗೆ ಕಳುಹಿಸಿದ್ದಾರೆ.

ಕೊಹ್ಲಿ ಬುಮ್ರಾ ಅವರ 95 ಎಸೆತಗಳನ್ನು ಎದುರಿಸಿದ್ದಾರೆ. 147.36 ಸ್ಟ್ರೈಕ್ ರೇಟ್‌ನಲ್ಲಿ 140 ರನ್ ಗಳಿಸಿದ್ದಾರೆ. 15 ಬೌಂಡರಿ, 5 ಸಿಕ್ಸರ್‌ ಇದರಲ್ಲಿ ಸೇರಿವೆ. ಆದಾಗ್ಯೂ ಅವರ ಸರಾಸರಿ ಕೇವಲ 28 ರನ್ ಆಗಿದೆ.

ಇದನ್ನೂ ಓದಿ: ಮುಂಬೈನಲ್ಲಿ ದೈತ್ಯ ಬ್ಯಾಟಿಂಗ್ ಪಡೆ.. MI ವಿರುದ್ಧ 3 ಅಸ್ತ್ರ ಪ್ರಯೋಗಿಸಲು ರಜತ್ ಪ್ಲಾನ್..!

ಬೆನ್ನಿನ ಗಾಯದಿಂದಾಗಿ ಬುಮ್ರಾ ದೀರ್ಘಕಾಲದವರೆಗೆ ಕ್ರಿಕೆಟ್ ಮೈದಾನದಿಂದ ದೂರವಿದ್ದರು. 2025ರ ಚಾಂಪಿಯನ್ಸ್ ಟ್ರೋಫಿಯಿಂದಲೂ ಹೊರಗುಳಿದಿದ್ದರು. ಕೆಲವು ದಿನಗಳ ಹಿಂದೆ ಮುಂಬೈ ತಂಡವನ್ನು ಸೇರಿಕೊಂಡಿದ್ದರು. ಆದರೆ ಫಿಟ್ನೆಸ್​​ ವಿಭಾಗದಿಂದ ಬುಮ್ರಾಗೆ ಕ್ಲಿಯರೆನ್ಸ್ ಸಿಕ್ಕಿರಲಿಲ್ಲ.

ಆರ್‌ಸಿಬಿ ಪಂದ್ಯಕ್ಕೂ ಮುನ್ನ ನೆಟ್ಸ್‌ನಲ್ಲಿ ಬೆವರು ಸುರಿಸಿದ್ದಾರೆ. ಬುಮ್ರಾಗೆ ಈ ಋತುವಿನ ಮೊದಲ ಪಂದ್ಯವಾಗಿದೆ. ಕೊಹ್ಲಿ ಈ ಋತುವಿನಲ್ಲಿ ಮೂರು ಪಂದ್ಯಗಳನ್ನು ಆಡಿದ್ದಾರೆ. 3 ಪಂದ್ಯಗಳಲ್ಲಿ 97 ರನ್ ಗಳಿಸಿದ್ದಾರೆ. ಇದರಲ್ಲಿ ಅರ್ಧಶತಕವೂ ಸೇರಿದೆ.

ಇದನ್ನೂ ಓದಿ: ರಾಜ್ಯದಲ್ಲಿ 1 ವಾರ ಪೂರ್ವ ಮುಂಗಾರು ಮಳೆಯ ಅಬ್ಬರ.. ಯಾವ ಜಿಲ್ಲೆಯಲ್ಲಿ ಹೆಚ್ಚು ಮಳೆ? ಎಷ್ಟು ದಿನ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್