IPL ಕದನದಲ್ಲಿ ಅಭಿಮಾನಿಗಳಿಗೆ ಭಾವುಕ ಕ್ಷಣ.. ಕೊಹ್ಲಿ-ಧೋನಿ ಕೊನೆಯ ಬಾರಿಗೆ ಮುಖಾಮುಖಿ..?

ಇಂದು ನಡೀತಿರೋ ಪಂದ್ಯ ಚೆನ್ನೈ vs ಬೆಂಗಳೂರು ದಂಗಲ್​ ಅಲ್ವೇ ಅಲ್ಲ. ಇದು ಕೊಹ್ಲಿ vs ಧೋನಿ ನಡುವಿನ ಫೈಟ್​ ಆಗಿ ಮಾರ್ಪಟ್ಟಿದೆ. ಚಿನ್ನಸ್ವಾಮಿ ಸ್ಟೇಡಿಯಂ ಇವತ್ತು ಕಿಕ್ಕಿರಿದು ತುಂಬೋದು ಪಕ್ಕಾ. ಗುರು-ಶಿಷ್ಯರ ನಡುವಿನ ಕಾಳಗದ ಕಿಚ್ಚು ಅಷ್ಟರಮಟ್ಟಿಗೆ ಕ್ರಿಕೆಟ್​ ಲೋಕವನ್ನೇ ಆವರಿಸಿಬಿಟ್ಟಿದೆ. ಕೊಹ್ಲಿ.. ಕೊಹ್ಲಿ.. ಧೋನಿ.. ಧೋನಿ.. ಈ ಎರಡೇ ಹೆಸರುಗಳು ಇವತ್ತು ಚಿನ್ನಸ್ವಾಮಿ ಅಂಗಳದಲ್ಲಿ ಮಾರ್ದನಿಸಲಿದೆ.

ಇದನ್ನು ಓದಿ: ಪ್ರಸಿದ್ಧ ಕೃಷ್ಣ ಅದ್ಭುತ ಸ್ಪೆಲ್.. ಗೆಲುವಿನೊಂದಿಗೆ SRH ಮನೆಗೆ ಕಳುಹಿಸಿದ ಗಿಲ್ ಪಡೆ..!

ಕೊನೆಯ ಕದನ?

ಚಿನ್ನಸ್ವಾಮಿ ಅಂಗಳದಲ್ಲಿ ನಡೆಯೋ ಇಂದಿನ ಪಂದ್ಯದ ಸೆಂಟರ್​ ಆಫ್​ ಅಟ್ರಾಕ್ಷನ್​ ಇಬ್ಬರೇ. ಎಲ್ಲರ ದೃಷ್ಟಿ ನೆಟ್ಟಿರೋದು ಕಿಂಗ್​ ಕೊಹ್ಲಿ ಹಾಗೂ ಕೂಲ್​​​ ಧೋನಿ ಮೇಲೆ. ರಣಕಣದಲ್ಲಿ ಇಬ್ಬರು ರಣಕಲಿಗಳ ಜಿದ್ದಾಜಿದ್ದಿನ ಹೋರಾಟ ನೋಡಲು ಇಡೀ ಕ್ರಿಕೆಟ್ ಲೋಕ ಕಾದು ಕುಳಿತಿದೆ. ಬಹುತೇಕ ಇದೇ ಪಂದ್ಯ ಕೊಹ್ಲಿ - ಧೋನಿ ಮುಖಾಮುಖಿಯಾಗೋ ಕೊನೆಯ ಪಂದ್ಯವಾಗೋ ಸಾಧ್ಯತೆಯಿದೆ. ಈಗಾಗಲೇ ಧೋನಿ ನಿವೃತ್ತಿಯ ಹಿಂಟ್​ ಕೊಟ್ಟಿದ್ದು, ಇಂದಿನ ಪಂದ್ಯವೇ ಚಿನ್ನಸ್ವಾಮಿಯಲ್ಲಿ ಧೋನಿ ಆಡೋ ಕೊನೆಯ ಪಂದ್ಯವಾದ್ರೂ ಅಚ್ಚರಿ ಪಡಬೇಕಿಲ್ಲ.

ಫ್ಯಾನ್ಸ್​ಗೆ ಕಾದಿದೆ ಸ್ಪೆಷಲ್​ ಎಂಟರ್​​ಟೈನ್​ಮೆಂಟ್

ಇಂದಿನ ಪಂದ್ಯ CSK vs RCB ನಡುವಿನ ಪಂದ್ಯ ಅನ್ನೋದಕ್ಕಿಂತ ಇದು ಧೋನಿ vs ಕೊಹ್ಲಿ ನಡುವಿನ ಕಾಳಗ ಎಂದೇ ಬಿಂಬಿತವಾಗಿದೆ. ಧೋನಿ-ಕೊಹ್ಲಿ ​​ಎದುರುಬದುರು ಆಗ್ತಿರೋದ್ರ ಕ್ರೇಜ್​ ನೆಕ್ಸ್ಟ್​​ ಲೆವೆಲ್​ನಲ್ಲಿದೆ. ​MS ಧೋನಿ-ವಿರಾಟ್​ ಕೊಹ್ಲಿ ಐಪಿಎಲ್​​ನಲ್ಲಿ ಯಾವತ್ತೇ ಮುಖಾಮುಖಿಯಾದ್ರೂ, ಫ್ಯಾನ್ಸ್​ಗೆ ಫುಲ್​ ಮೀಲ್ಸ್​ ಫಿಕ್ಸ್​. ಜಿದ್ದಿಗೆ ಬಿದ್ದವರಂತೆ ಹೋರಾಡೋದ್ರಲ್ಲಿ ಇಬ್ಬರನ್ನ ಮೀರಿಸೋರಿಲ್ಲ. ಬಾಲರ್​​ಗಳನ್ನು ನಿರ್ಧಯವಾಗಿ ದಂಡಿಸಿ, ರನ್​ ಭರಾಟೆ ನಡೆಸೋದ್ರಲ್ಲಂತೂ ಇಬ್ಬರೂ ನಿಸ್ಸೀಮರು. ಫ್ಯಾನ್ಸ್​ ಅಂತದ್ದೇ ಒಂದು ಜಿದ್ದಾಜಿದ್ದಿನ ಕಾಳಗದ ನಿರೀಕ್ಷೆಯಲ್ಲಿದ್ದಾರೆ.

ಇದನ್ನು ಓದಿ: ಸಿಎಸ್​ಕೆ ವಿರುದ್ಧದ ಪಂದ್ಯಕ್ಕೆ ಮಳೆಯ ಆತಂಕ.. ಹವಾಮಾನ ಇಲಾಖೆ ಏನು ಹೇಳಿದೆ..?

ಕೂಲ್​ ಅಂಡ್ ಕಾಮ್​ ಧೋನಿ, ಅಗ್ರೆಸ್ಸಿವ್ ಕೊಹ್ಲಿ

ಪಂದ್ಯದ ನಡುವೆ ಎಷ್ಟೇ ಒತ್ತಡವಿರಲಿ ಧೋನಿ ವ್ಯಕ್ತಿತ್ವ ಬದಲಾಗಲ್ಲ. ಕೂಲ್​ ಅಂಡ್ ಕಾಮ್​ ಆಗಿಯೇ ಎಂತಾ ಪ್ರೆಶರ್​ ಇದ್ರೂ ಹ್ಯಾಂಡಲ್​ ಮಾಡ್ತಾರೆ. ​​ ಕೊಹ್ಲಿಯದ್ದು ತದ್ವಿರುದ್ಧ ಅವತಾರ. ಫೀಲ್ಡ್​​ಗಿಳಿದ್ರೆ ಸಾಕು ಅಗ್ರೆಸ್ಸೀವ್​ ಅವತಾರದಲ್ಲಿ ಮಿಂಚು ಹರಿಸ್ತಾರೆ. ಅಪ್ಪಿತಪ್ಪಿ ಯಾರಾದ್ರೂ ಕೆಣಕಿದ್ರೆ, ಉಗ್ರರೂಪವನ್ನೇ ತಾಳ್ತಾರೆ. ಈ ಆ್ಯಕ್ಷನ್​-ರಿಯಾಕ್ಷನ್​​ಗಳು ಪಂದ್ಯಕ್ಕೇ ಟ್ವಿಸ್ಟ್​ ಕೊಟ್ಟು ಬಿಡ್ತವೆ.

ಕೊಹ್ಲಿಯ ಕ್ಲಾಸ್​​ ಆಟಕ್ಕೆ ಚೆನ್ನೈ ಬೆಚ್ಚಿ ಬೀಳುತ್ತಾ?

ಆರ್​​ಸಿಬಿಯ ಹೋಮ್​​ಗ್ರೌಂಡ್​​ ಚಿನ್ನಸ್ವಾಮಿಯಲ್ಲಿ ಆಡ್ತಿರೋದ್ರಿಂದ ಕೊಹ್ಲಿಯ ಆರ್ಭಟವೇ ಚೆನ್ನೈಗಿರೋ ಮೊದಲ ಥ್ರೆಟ್​. ಈ ಸೀಸನ್​ನ ಐಪಿಎಲ್​ನಲ್ಲಿ ಬೊಂಬಾಟ್​ ಪರ್ಫಾಮೆನ್ಸ್​ ನೀಡ್ತಾ ಇರೋ ವಿರಾಟ್​​ ಕೊಹ್ಲಿ ರನ್​ ಕೊಳ್ಳೆ ಹೋಡಿತಿದ್ದಾರೆ. ಕ್ಲಾಸ್​ ಆಟದಿಂದ ಮಾಸ್​​ ಮನರಂಜನೆ ನೀಡ್ತಿರೋ ವಿರಾಟ್​ ಕೊಹ್ಲಿ ಸಾಲಿಡ್​​​ ಟಚ್​ನಲ್ಲಿದ್ದಾರೆ. ಚಿನ್ನಸ್ವಾಮಿ ಅಂಗಳದಲ್ಲಿ ನಡೆದ ಕೊನೆಯ ಪಂದ್ಯದಲ್ಲಿ ಭರ್ಜರಿ ಆಟವಾಡಿರೋ ವಿರಾಟ್​ ಇಂದು ಆತ್ಮವಿಶ್ವಾಸದಲ್ಲಿ ಕಣಕ್ಕಿಳಿಯಲಿದ್ದಾರೆ.

ಇದನ್ನೂ ಓದಿ: ಪ್ರಸಿದ್ಧ ಕೃಷ್ಣ ಅದ್ಭುತ ಸ್ಪೆಲ್.. ಗೆಲುವಿನೊಂದಿಗೆ SRH ಮನೆಗೆ ಕಳುಹಿಸಿದ ಗಿಲ್ ಪಡೆ..!

ಸೈಲೆಂಟಾಗೇ ಶಾಕ್​ ಕೊಡ್ತಾರಾ ಕೂಲ್​ ಧೋನಿ..?

ಪ್ಲೇ ಆಫ್​​ ದೃಷ್ಟಿಯಿಂದ ಇಂದಿನ ಪಂದ್ಯ ಆರ್​​ಸಿಬಿ ಪಾಲಿಗೆ ಮೋಸ್ಟ್​ ಇಂಪಾರ್ಟೆಂಟ್​​. ಎಲಿಮಿನೇಟ್​ ಆಗಿರೋ ಚೆನ್ನೈ ಈ ಪಂದ್ಯದಲ್ಲಿ ಕಳೆದುಕೊಳ್ಳೋದು ಏನೋ ಇಲ್ಲ. ಒಂದು ವೇಳೆ ಚೆನ್ನೈ ಗೆದ್ರೆ ಆರ್​​ಸಿಬಿಗೇ ಡ್ಯಾಮೇಜ್​. ಈ ಸೀಸನ್​ನಲ್ಲಿ ಮಾಹಿಯ ಮೋಡಿ ನಡೆದಿಲ್ಲ ಹಾಗಂತ ಕಡೆಗಣಿಸುವಂತಿಲ್ಲ. ವಿಕೆಟ್​ ಹಿಂದೆ ನಿಂತು ಸೈಲೆಂಟಾಗೆ ರಣತಂತ್ರ ರೂಪಿಸೋ ಮಾಹಿ, ಎದುರಾಳಿಗೆ ಶಾಕ್​ ಕೊಡೋದ್ರಲ್ಲಿ ಎತ್ತಿದ ಕೈ. ಡೆತ್​ ಓವರ್​​ಗಳಲ್ಲಿ ಬ್ಯಾಟಿಂಗ್​ಗಿಳಿದ್ರಂತೂ ಅಬ್ಬರಿಸಿ ಬಿಡ್ತಾರೆ. ಮಿಸ್ಟರ್​ ಕೂಲ್​​ ಇದ್ದಷ್ಟು ಹೊತ್ತು, ಆರ್​​ಸಿಬಿಗೆ ಕಂಟಕ ತಪ್ಪಿದ್ದಲ್ಲ.

ಧೋನಿ vs ಕೊಹ್ಲಿ.. ಈ ಇಬ್ಬರಲ್ಲಿ ಯಾರು ಬೆಸ್ಟ್​ ಎಂಬ ಪ್ರಶ್ನೆ ಬಹುಕಾಲದ್ದು. ಈ ಪ್ರಶ್ನೆಗೆ ಪಕ್ಕಾ ಉತ್ತರ ಇನ್ನೂ ಸಿಕ್ಕಿಲ್ಲ. ಪರ್ಫೆಕ್ಟ್​ ಉತ್ತರ ಸಿಗೋದೂ ಇಲ್ಲ ಬಿಡಿ. ಈ ಚರ್ಚೆ ಆಗಾಗ ನಡೀತಾಲೆ ಇರುತ್ತೆ. ಇದೀಗ ಬೆಂಗಳೂರು - ಚೆನ್ನೈ ನಡುವೆ ಡು ಆರ್​ ಡೈ ಕದನಕ್ಕೆ ಕೌಂಟ್​​ಡೌನ್​​ ಶುರು ಆಗ್ತಿದ್ದಂತೆ ಮತ್ತೆ ಇದೇ ಚರ್ಚೆ ನಡೀತಿದೆ. ನೆಚ್ಚಿನ ಆಟಗಾರನ ಪರ ಫ್ಯಾನ್ಸ್​ ಬ್ಯಾಟ್​ ಬೀಸ್ತಿದ್ದಾರೆ.

ಇದನ್ನೂ ಓದಿ: ಅಂಪೈರ್​ ಜೊತೆ ಆಕ್ರೋಶಗೊಂಡು ಅಭಿಷೇಕ್ ಶರ್ಮಾ ಕಾಲಿಗೆ ಒದ್ದ ಗಿಲ್ VIDEO

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್