ಕರ್ನಾಟಕ ಸರ್ಕಾರ; ಮೋಟಾರು ವಾಹನ ನಿರೀಕ್ಷಕರ ಹುದ್ದೆಗೆ ಮತ್ತೆ ಅರ್ಜಿ ಆಹ್ವಾನ

ಸಾರಿಗೆ ಇಲಾಖೆಯ ಮೋಟಾರು ವಾಹನ ನಿರೀಕ್ಷಕರ ಹುದ್ದೆಗಳನ್ನು ಭರ್ತಿ ಮಾಡಲು ಕರ್ನಾಟಕ ಲೋಕಸೇವಾ ಆಯೋಗ (ಕೆಪಿಎಸ್​ಸಿ) ಅರ್ಜಿಗಳನ್ನು ಆಹ್ವಾನ ಮಾಡಿತ್ತು. ಸದ್ಯ ಇದೀಗ ಈ ಕೆಲಸಗಳಿಗೆ ವಯೋಮಿತಿಯನ್ನು ಹೆಚ್ಚಿಸಿ ಅರ್ಜಿ ಸಲ್ಲಿಕೆ ಮಾಡಲು ಮತ್ತೆ ಅವಕಾಶ ನೀಡಿದೆ. ಹೀಗಾಗಿ ಈ ಹಿಂದೆ ಅರ್ಜಿ ಸಲ್ಲಿಕೆ ಮಾಡದೇ ಇರುವವರು, ಶುಲ್ಕ ಪಾವತಿಗೆ ಸಮಯ ಸಿಗದವರು ಈ ಉದ್ಯೋಗಗಳಿಗೆ ಅರ್ಜಿ ಸಲ್ಲಿಕೆ ಮಾಡಬಹುದು.

ಕೆಪಿಎಸ್​ಸಿ ಅರ್ಜಿ ಲಿಂಕ್‌ ಅನ್ನು ರಿಲೀಸ್ ಮಾಡಿದ್ದು ಅರ್ಹತೆ ಇರುವವರು, ಆಸಕ್ತರು ಆನ್‌ಲೈನ್‌ ಮೂಲಕ ಅಪ್ಲೇ ಮಾಡಿ. ಈ ಹಿಂದೆ ಹಲವು ಕಾರಣಗಳಿಂದ ಅರ್ಜಿ ಹಾಕದವರಿಗೆ ಇದೊಂದು ಸುವರ್ಣಾವಕಾಶ ಎನ್ನಬಹುದು. ಮೋಟಾರು ವಾಹನ ನಿರೀಕ್ಷಕರ ಹುದ್ದೆಗಳನ್ನ ಈ ವರ್ಷದ ಮಾರ್ಚ್‌ ನಲ್ಲೇ ಇಲಾಖೆ ಅಧಿಸೂಚನೆ ಹೊರಡಿಸಿತ್ತು. ಅರ್ಜಿ ಕೂಡ ಸ್ವೀಕಾರ ಮಾಡಿತ್ತು. ಆದರೆ ಈಗ ಸೆಪ್ಟೆಂಬರ್ 10 ರ ಆದೇಶದ ಪ್ರಕಾರ ಗರಿಷ್ಠ 3 ವರ್ಷ ವಯೋಮಿತಿ ಹೆಚ್ಚಿಸಿ, ಮತ್ತೆ ಅಪ್ಲೇ ಮಾಡಲು ಅವಕಾಶ ನೀಡಿದೆ.

ಉದ್ಯೋಗದ ಹೆಸರು ಹಾಗೂ ಎಷ್ಟು ಹುದ್ದೆಗಳು
ಮೋಟಾರು ವಾಹನ ನಿರೀಕ್ಷಕರು- 70
ಮೋಟಾರು ವಾಹನ ನಿರೀಕ್ಷಕರು- 06 (ಹೈದರಾಬಾದ್ ಕರ್ನಾಟಕ)

ಇದನ್ನೂ ಓದಿ:ಕಲ್ಯಾಣ ಕರ್ನಾಟಕ ಭಾಗದವರಿಗೆ ಉದ್ಯೋಗಾವಕಾಶ.. ಅರ್ಜಿ ಆಹ್ವಾನಿಸಿದ ಕರ್ನಾಟಕ ಲೋಕಾಯುಕ್ತ

ವಯಸ್ಸಿನ ಮಿತಿ ಏನಿದೆ?
18 ವರ್ಷದಿಂದ 43 ವರ್ಷಗಳು

ವಯೋಮಿತಿ ಸಡಿಲಿಕೆ

• ಎಸ್‌ಸಿ, ಎಸ್‌ಟಿ, ಪ್ರವರ್ಗ-1 ಅಭ್ಯರ್ಥಿಗಳಿಗೆ 40 ರಿಂದ 43 ವರ್ಷ
• ಸಾಮಾನ್ಯ ಅರ್ಹತೆ ಅಭ್ಯರ್ಥಿಗಳಿಗೆ 35 ರಿಂದ ಗರಿಷ್ಠ 38 ವರ್ಷ
• ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ ಗರಿಷ್ಠ 38 ರಿಂದ 41 ವರ್ಷ

ಮಾಸಿಕ ಸಂಭಾವನೆ
33,450 ರಿಂದ 62,600 ರೂಪಾಯಿ

ವಿದ್ಯಾರ್ಹತೆ
ಎಸ್​ಎಸ್​ಎಲ್​ಸಿ, ಬಿಇ, ಬಿಟೆಕ್ (ಆಟೋಮೊಬೈಲ್‌, ಮೆಕ್ಯಾನಿಕಲ್),
ಚಾಲನ ಪರವಾನಗಿ ಹೊಂದಿರಬೇಕು
ದೈಹಿಕವಾಗಿ ಸದೃಢವಾಗಿರಬೇಕು

ಅರ್ಜಿ ಶುಲ್ಕ ಎಷ್ಟು..?

• ಸಾಮಾನ್ಯ ವರ್ಗದ ಅಭ್ಯರ್ಥಿಗಳು- 600 ರೂಪಾಯಿಗಳು
• ಇತರೆ ಹಿಂದುಳಿದ ವರ್ಗದ ಅಭ್ಯರ್ಥಿಗಳು- 300 ರೂಪಾಯಿ
• ಎಸ್​​ಎಸಿ, ಎಸ್​​ಟಿ, ಪ್ರವರ್ಗ-1 ಅಭ್ಯರ್ಥಿಗಳು- ಶುಲ್ಕ ವಿನಾಯಿತಿ
• ಮಾಜಿ ಸೈನಿಕರಿಗೆ- 50 ರೂಪಾಯಿಗಳು

ಈ ದಿನಾಂಕ ನೆನಪಿಡಿ

• ಅರ್ಜಿ ಆರಂಭದ ದಿನಾಂಕ- 05 ನವೆಂಬರ್ 2024
• ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ- 20 ನವೆಂಬರ್ 2024
• ಶುಲ್ಕ ಪಾವತಿಗೆ ಕೊನೆ ದಿನಾಂಕ- 20 ನವೆಂಬರ್ 2024

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ