ಊರಲ್ಲಿ ವೈಲೆಂಟ್, ಮನೆಯಲ್ಲಿ ಸೈಲೆಂಟ್; ಬೆಂಗಳೂರಲ್ಲಿ ಈತ ಆಟಕ್ಕುಂಟು ಲೆಕ್ಕಕ್ಕಿಲ್ಲ..!

ಹೋಮ್​ಗ್ರೌಂಡ್ ಅಂದ್ರೆ ಹೋಮ್​​ ಟೀಮ್​ಗೆ ಅಡ್ವಾಂಟೇಜ್​. ಹೊರಗಡೆ ಸೈಲೆಂಟ್ ಆಗಿರೋ ಆಟಗಾರರು ಕೂಡ ತವರಿನಲ್ಲಿ ದರ್ಬಾರ್ ನಡೆಸ್ತಾರೆ. ಗೇಮ್ ಚೇಂಜರ್​ಗಳಾಗಿ ಬದಲಾಗಿ ಬಿಡ್ತಾರೆ. ನಮ್ಮ ಆರ್​​ಸಿಬಿಯ ಕೃನಾಲ್ ಪಾಂಡ್ಯ ಹಾಗಲ್ಲ. ಹೋಮ್​ನಲ್ಲಿ ಸೈಲೆಂಟ್​​, ತವರಿನಾಚೆ ಫುಲ್​ ವೈಲೆಂಟ್​.

ಪಾಂಡ್ಯ ಫುಲ್​ ಸೈಲೆಂಟ್​..!

ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನ ಆರ್​ಸಿಬಿಯ ಹೋಮ್ ಗ್ರೌಂಡ್​. ಎಲ್ಲಾ ತಂಡಗಳಿಗೂ ಹೋಮ್​ ಅಡ್ವಾಂಟೇಜ್​ ಬಹುಪಾಲು ವರ್ಕ್ ಆಗುತ್ತೆ. ಗೆಲುವಿಗೆ ಸಾಥ್​ ಕೂಡ ನೀಡುತ್ತೆ. ಇನ್​​ಫ್ಯಾಕ್ಟ್ ತವರಿನಲ್ಲಿ ಹೋಮ್ ಟೀಮ್ ಪ್ಲೇಯರ್ಸ್ ವಿಜೃಂಭಿಸ್ತಾರೆ. ಈ ವಿಚಾರದಲ್ಲಿ ಆರ್​ಸಿಬಿ ಟೀಮ್​ ಹಾಗೂ ಕೃನಾಲ್ ಪಾಂಡ್ಯ ಕಥೆ ಉಲ್ಟಾ. ತವರಿನಲ್ಲಿ ಆರ್​​ಸಿಬಿ ಸತತ ಸೋಲು ಕಾಣ್ತಿದ್ರೆ, ಕೃನಾಲ್​ ಫ್ಲಾಪ್​ ಆಗ್ತಿದ್ದಾರೆ.

ಇದನ್ನೂ ಓದಿ: ಹೊಸ ತಿರುವು ಪಡೆದುಕೊಂಡ ರಿಕ್ಕಿ ರೈ ಕೇಸ್​.. ದಾಳಿಗೆ ಸಂಬಂಧಿಸಿ ಓರ್ವ ವಶಕ್ಕೆ.. ಯಾರು ಆತ..?

ಚಿನ್ನಸ್ವಾಮಿ ಮೈದಾನದಲ್ಲಿ ಆರ್​ಸಿಬಿ ಈ ಸೀಸನ್​ನಲ್ಲಿ ಮೂರು ಮ್ಯಾಚ್ ಆಡಿದೆ. ಈ ಮೂರೂ ಪಂದ್ಯಗಳಲ್ಲಿ ಸೋತಿದೆ. ಈ ಪಂದ್ಯಗಳಲ್ಲಿ ಕೃನಾಲ್ ಪಾಂಡ್ಯ ಅಟ್ಟರ್​ ಫ್ಲಾಫ್ ಆಗಿದ್ದಾರೆ. ಗುಜರಾತ್ ಟೈಟನ್ಸ್​, ಡೆಲ್ಲಿ ಕ್ಯಾಪಿಟಲ್ಸ್​, ಪಂಜಾಬ್ ಕಿಂಗ್ಸ್​ ಎದುರು ದಾರಾಳವಾಗಿ ರನ್ ನೀಡಿದ್ದಾರೆ. ಒಂದು ಲೆಕ್ಕಾಚಾರದಲ್ಲಿ ಆರ್​ಸಿಬಿ ಸೋಲಿಗೆ ಕಾರಣನೂ ಆಗಿದ್ದಾರೆ.

ಚಿನ್ನಸ್ವಾಮಿ ಮೈದಾನದಲ್ಲಿ ಕೃನಾಲ್

ಚಿನ್ನಸ್ವಾಮಿ ಮೈದಾನದಲ್ಲಿ ಆಡಿದ 3 ಪಂದ್ಯಗಳಿಂದ 6 ಓವರ್​​ ಬೌಲಿಂಗ್ ಮಾಡಿರೋ ಕೃನಾಲ್ ಪಾಂಡ್ಯ ಒಂದೇ ಒಂದು ವಿಕೆಟ್​ ಬೇಟೆಯಾಡುವಲ್ಲಿ ವಿಫಲರಾಗಿದ್ದಾರೆ. ವಿಕೆಟ್ ಲೆಸ್ ಆಗಿರೋ ಕೃನಾಲ್​​ 63 ರನ್ ನೀಡಿದ್ದಾರೆ. 10.50ರ ಏಕಾನಮಿಯಲ್ಲಿ ರನ್ ಬಿಟ್ಟುಕೊಟ್ಟಿದ್ದಾರೆ.

ತವರಿನ ಆಚೆ ಪಾಂಡ್ಯ ಪವರ್

ಪಂಜಾಬ್ ಕಿಂಗ್ಸ್ ಎದುರು ಆರ್​ಸಿಬಿ ಭರ್ಜರಿ ಗೆಲುವು ಸಾಧಿಸಿದೆ. ಈ ಗೆಲುವಿನ ಆಲ್​​ರೌಂಡರ್​ ಕೃನಾಲ್​ ಪಾಂಡ್ಯ ಪಾತ್ರ ಮಹತ್ವದ್ದು. ಪಂಜಾಬ್ ಕಿಂಗ್ಸ್​ ಪರ ಘರ್ಜಿಸ್ತಿದ್ದ ಆರಂಭಿಕರಿಗೆ ಪಂಚ್ ನೀಡಿದ್ದೆ ಕೃನಾಲ್ ಪಾಂಡ್ಯ. ಸ್ಪೋಟಕ ಬ್ಯಾಟಿಂಗ್ ನಡೆಸ್ತಿದ್ದ ಪ್ರಿಯಾಂಶ್ ಆರ್ಯ, ಪ್ರಬ್ ಸಿಮ್ರಾನ್ ಸಿಂಗ್​​ ಅಪಾಯಕಾರಿಯಾಗೋ ಮುನ್ಸೂಚನೆ ನೀಡಿದ್ರು. ಆಗ ಬೌಲಿಂಗ್​ಗೆ ಬಂದ ಕೃನಾಲ್​ ಪಾಂಡ್ಯ ಸರಿಯಾದ ಪಂಚ್​​ ಕೊಟ್ರು.

ಇದನ್ನೂ ಓದಿ: ಆರ್​ಸಿಬಿ ಟಾರ್ಗೆಟ್​ ಪ್ಲೇ-ಆಫ್.. ಮುಂದಿನ ಪಂದ್ಯ ಬೆಂಗಳೂರಲ್ಲಿ, ಯಾವಾಗ ನಡೆಯುತ್ತೆ..?

ಪಂಜಾಬ್​ ವಿರುದ್ಧ ಪಂದ್ಯ ಮಾತ್ರವಲ್ಲ, ಚಿನ್ನಸ್ವಾಮಿಯಲ್ಲಿ ಸಕ್ಸಸ್ ಕಾಣದ ಈ ಬರೋಡ ಸ್ಟಾರ್​, ಮನೆ ಅಂಗಳದ ಹೊರಗೆ ಆಡಿದ ಎಲ್ಲಾ ಪಂದ್ಯಗಳಲ್ಲಿ ಸಾಲಿಡ್ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಈಡನ್​ ಗಾರ್ಡನ್ಸ್​ನಲ್ಲಿ ಕೊಲ್ಕತ್ತಾ ಎದುರು ಆಡಿದ್ದ ಮೊದಲ ಪಂದ್ಯದಲ್ಲೇ ಕೃನಾಲ್​​ 3 ವಿಕೆಟ್ ಬೇಟೆಯಾಡಿ ಮ್ಯಾಚ್ ವಿನ್ನರ್ ಆಗಿ ಮೆರೆದಾಡಿದ್ರು.

ಆ ಬಳಿಕ ಚೆನ್ನೈನಲ್ಲಿ ಸಿಎಸ್​​ಕೆ ಎದುರು ಡಿಸೆಂಟ್ ಆಟವನ್ನಾಡಿದ್ದರು. ವಾಂಖೆಡೆಯಲ್ಲಿ ದುಬಾರಿಯಾದ್ರೂ ಪ್ರಮುಖ 4 ವಿಕೆಟ್ ಬೇಟೆಯಾಡಿ ತಂಡದ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದ್ರು. ಜೈಪುರದಲ್ಲಿ ರಾಜಸ್ಥಾನ್ ಎದುರು ಎಕಾಮಿಕಲ್ ಸ್ಪೆಲ್ ಹಾಕಿ ಮಿಂಚಿದ್ರು.

ತವರಿನಾಚೆ ಕೃನಾಲ್ ಪ್ರದರ್ಶನ

ತವರಿನಾಚೆ ಹೊರಗೆ 5 ಪಂದ್ಯಗಳನ್ನಾಡಿರುವ ಕೃನಾಲ್, 18 ಓವರ್​ ಬೌಲಿಂಗ್​ ಮಾಡಿ 10 ವಿಕೆಟ್ ಬೇಟೆಯಾಡಿದ್ದಾರೆ. 8.55ರ ಏಕಾನಮಿಯಲ್ಲಿ 154 ರನ್ ನೀಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್