15 ಕಿ.ಮೀ ಚೇಸಿಂಗ್‌.. ಜೀವ ಪಣಕ್ಕಿಟ್ಟು ಟ್ರಕ್ ಚಾಲಕನ ಪ್ರಾಣ ಉಳಿಸಿದ ಲೇಡಿ ಸಿಂಗಂ; ವಿಡಿಯೋ ಇಲ್ಲಿದೆ!

ಇವರ ಹೆಸರು ಶಿಮ್ಲಾ ಜಾಟ್. ರಿಯಲ್‌ ಲೇಡಿ ಸಿಂಗಂ.. ತನ್ನ ಪ್ರಾಣವನ್ನೇ ಪಣಕ್ಕಿಟ್ಟು ಟ್ರಕ್ ಚಾಲಕನ ಜೀವ ಉಳಿಸಿದ ಸಿಂಹಿಣಿ. ರಾಜಸ್ಥಾನದ ಜೋಧಪುರದಲ್ಲಿ ಚಲಿಸುತ್ತಿದ್ದ ಟ್ರಕ್​ ಒಂದಕ್ಕೆ ಏಕಾಏಕಿ ಬೆಂಕಿ ಕಾಣಿಸಿಕೊಂಡಿತ್ತು. ತಕ್ಷಣವೇ ಲೇಡಿ ಪೊಲೀಸ್ ಕಾರ್ಯಾಚರಣೆಗಿಳಿದ ಈ ವಿಡಿಯೋ ನೋಡುಗರ ಜುಮ್ಮೆನ್ನಿಸುವಂತೆ ಮಾಡಿದೆ.

ರಸ್ತೆಯಲ್ಲಿ ಟ್ರಕ್​ ಒಂದಕ್ಕೆ ಬೆಂಕಿ ಬಿದ್ದಾಗ ಜೋಧಪುರನ ಈ ಲೇಡಿ ಸಿಂಗಂ ಎಂಟ್ರಿ ಕೊಟ್ಟಿದ್ರು. ಪೊಲೀಸ್ ಆಫೀಸರ್‌ ಮೊದಲು ಆ ಟ್ರಕ್​ನ್ನು ಸಿಟಿಯಿಂದ ಆಚೆ ಕರ್ಕೊಂಡು ಹೋಗಿದ್ರು. ಆ ಟೈಮ್​ನಲ್ಲಿ ಟ್ರಕ್ ಅಕ್ಷರಶಃ ಧಗ ಧಗಿಸ್ತಿತ್ತು. ಸಮಯ ಪ್ರಜ್ಞೆ ಮೆರೆದ ಲೇಡಿ ಪೊಲೀಸ್ ಹೊತ್ತಿ ಉರಿಯುತ್ತಿದ್ದ ಟ್ರಕ್​ನ್ನ ಸೀದಾ ಅಗ್ನಿಶಾಮಕದ ಬಳಿ ಕರ್ಕೊಂಡು ಬಂದಿದ್ರು. ಈ ಟೈಮ್​ನಲ್ಲಿ ಟ್ರಕ್ ಡ್ರೈವರ್ ಸಾಹಸ ಕೂಡ ಮೆಚ್ಚಲೇಬೇಕು. ಉರಿಯುತ್ತಿದ್ದ ಟ್ರಕ್​ನ್ನ ಚಲಾಯಿಸಿಕೊಂಡು ಬಂದಿದ್ದ.

15 ಕಿಲೋ ಮೀಟರ್​ ತನಕ ಉರಿಯುತ್ತಿದ್ದ ಟ್ರಕ್​ ಅನ್ನು​ ಬೆನ್ನಟ್ಟಿ ಬಂದ ಲೇಡಿ ಪೊಲೀಸ್‌ ಚಾಲಕನ ಜೀವ ಉಳಿಸಿದ್ದಾರೆ. ಈ ಲೇಡಿ ಪೊಲೀಸ್ ಜಾಗದಲ್ಲಿ ಬೇರೆ ಯಾರಿದ್ರೂ ಬಹುಶಃ ಈ ಗಟ್ಟಿತನ ತೋರಿಸುತ್ತಾ ಇರಲಿಲ್ಲ. ಆದ್ರೆ ಎಸ್​ಐ ಶಿಮ್ಲಾ ಜಾಟ್ ಮಾತ್ರ ಪ್ರಾಣದ ಹಂಗು ಬಿಟ್ಟು ಚಾಲಕ ಜೀವ ಉಳಿಸಿದ್ದಾರೆ.

ಇದನ್ನೂ ಓದಿ: ಟ್ರಾಫಿಕ್​ ಸಿಗ್ನಲ್​ನಲ್ಲಿ ಹೆಂಡತಿ ಮಾಡಿದ ರೀಲ್ಸ್​ನಿಂದ ಪೊಲೀಸಪ್ಪನ ಉದ್ಯೋಗವೇ ಹೋಯಿತು! 

जाबांज मैडम pic.twitter.com/x7C0VcHUQF

— नरेश दाधीच (@NDadhica)

जाबांज मैडम pic.twitter.com/x7C0VcHUQF

— नरेश दाधीच (@NDadhica) March 25, 2025

">March 25, 2025

ಬರೋಬ್ಬರಿ 15 ಕಿಲೋ ಮೀಟರ್ ತನಕ ಉರಿಯುತ್ತಿದ್ದ ಟ್ರಕ್​ನ್ನ ಫಾಲೋವ್ ಮಾಡಿ ಸರ್ವೀಸ್​​ ಸ್ಟೇಷನ್​ ಬಳಿ ತಂದಿದ್ದಾರೆ. ಬಳಿಕ ತಾವೇ ಟ್ರಕ್ ಹತ್ತಿ ಬೆಂಕಿ ನಂದಿಸೋ ಕೆಲಸ ಮಾಡಿದ್ದಾರೆ. ಈ ಮಹಿಳಾ ಪೊಲೀಸ್ ಹೋರಾಟಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ