BIGG BOSS ಡೋರ್ ಉಡೀಸ್ ಮಾಡ್ತೀನಿ ಎಂದಿದ್ದ ಜಗದೀಶ್​​.. ಕಿಚ್ಚನ ಮಾತಿಗೆ ಫುಲ್ ಸೈಲೆಂಟ್!

ಕನ್ನಡದ ಬಿಗ್​ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್​ 11 ಗ್ರ್ಯಾಂಡ್​ ಆಗಿ ಓಪನಿಂಗ್ ಕಂಡಿದೆ. ಬಿಗ್​ಬಾಸ್​ ಮನೆಗೆ ಒಟ್ಟು 17 ಸ್ಪರ್ಧಿಗಳು ಎಂಟ್ರಿ ಕೊಟ್ಟಿದ್ದಾರೆ. ಬಿಗ್​ಬಾಸ್​ಗೆ ಬಂದ ಮೊದಲ ವಾರವೇ ಸ್ಪರ್ಧಿಗಳ ನಡುವೆ ವೈಮನಸ್ಸು ಮೂಡಿತ್ತು. ಆದರೆ ಈ ಎಲ್ಲ ಸ್ಪರ್ಧಿಗಳ ಮಧ್ಯೆ ಲಾಯರ್​ ಜಗದೀಶ್​ ಅವರು ಮಾತ್ರ ತುಂಬಾ ಹೈಲೈಟ್​ ಆಗಿದ್ದರು.

ಇದನ್ನೂ ಓದಿ:BBK11: ಬಿಗ್ ಬಾಸ್‌ಗೆ ಸವಾಲು.. ಲಾಯರ್ ಜಗದೀಶ್‌ಗೆ ಕಿಚ್ಚ ಸುದೀಪ್ ಕೊಟ್ರು ಸಖತ್‌ ಮಾಂಜಾ!

ಅದರಲ್ಲೂ ಲಾಯರ್​ ಜಗದೀಶ್​​ ಉಗ್ರ ಪ್ರತಾಪ ತೋರಿಸಿದ್ದರು. ಬಿಗ್​ ಬಾಸ್​ ಮನೆಯಲ್ಲಿ ಸ್ಪರ್ಧಿಗಳ ನಡುವಿನ ಜಗಳದಿಂದ ಕೆಂಡಾಮಂಡಲರಾದ ಅವರು ಕೊನೆಗೆ ಬಿಗ್​ ಬಾಸ್​ಗೇ ಅವಾಜ್​ ಹಾಕಿದ್ದರು. ಬಿಗ್​ ಬಾಸ್​​ಗೂ ಅವಾಜ್​ ಹಾಕಿದ ಜಗದೀಶ್​, ನಾನು ಈ ಪ್ರೋಗ್ರಾಂ ಹಾಳು ಮಾಡದಿದ್ದರೆ ನನ್ನ ಹೆಸರು ಜಗದೀಶ್​ ಅಲ್ಲ ಎಂದಿದ್ದರು. ಯಾವನು ಕಾಲು ಇಡಬಾರದು ಇಲ್ಲಿ. ಮನಸ್ಸು ಮಾಡಿದ್ರೆ ನಾನು ಹೆಲಿಕಾಪ್ಟರ್​ ತರಿಸುತ್ತೇನೆ. ಈ ಡೋರನ್ನೇ ಉಡಾಯಿಸಿ ಬಿಡುತ್ತೇನೆ. ನನ್ನನ್ನು ಎದುರಾಕಿಕೊಂಡು ಕರ್ನಾಟಕದಲ್ಲಿ ಬಿಗ್​ ಬಾಸ್​ ಓಡಿಸುತ್ತೀರಾ? ಓಡ್ಸಿ ಎಂದು ಅವಾಜ್​ ಹಾಕಿದ್ದರು.

ಆದರೆ ನಿನ್ನೆ ನಡೆದ ಎಪಿಸೋಡ್​ನಲ್ಲಿ ಕಿಚ್ಚ ಸುದೀಪ್​ ಮುಂದೆ ತುಂಬಾ ಸೈಲೆಂಟ್​ ಆಗಿದ್ದರು ಲಾಯರ್ ಜಗದೀಶ್​. ಹೌದು, ನನ್ನಿಂದ ತಪ್ಪಾಗಿದೆ. ಎಲ್ಲರೂ ನನಗೆ ತಮಾಷೆ ಮಾಡುತ್ತಿದ್ದರು. ಹೀಗಾಗಿ ನಾನು ಬಿಗ್​ಬಾಸ್​ ನಿಯಮವನ್ನು ಬ್ರೇಕ್ ಮಾಡಿದೆ. ಕೋಪದಲ್ಲಿ ನಾನು ಬಿಗ್​ಬಾಸ್​ ಡೋರ್​ ಅನ್ನು ಹಾಳು ಮಾಡ್ತೀನಿ ಅಂತ ಹೇಳ್ದೆ ಅಂತ ಒಪ್ಪಿಕೊಂಡಿದ್ದಾರೆ. ಹೀಗಾಗಿ ಕಿಚ್ಚ ಸುದೀಪ್ ಅವರು ಕೂಡ ನಗು ನಗುತ್ತಲೇ ಲಾಯರ್​ ಜಗದೀಶ್​ಗೆ ಟಾಂಗ್​ ಕೊಟ್ಟಿದ್ದಾರೆ. ನಿಮ್ಮ ಅಪ್ಪನಾಣೆಗೆ ಬಿಗ್​ಬಾಸ್​ ಅನ್ನು ಹಾಳು ಮಾಡೋದಕ್ಕೆ ಆಗೋದಿಲ್ಲ ಅಂತ ಖಡಕ್​ ಎಚ್ಚರಿಕೆ ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ