ದೀರ್ಘಕಾಲದಿಂದ ಕರುಳಿನ ಕ್ಯಾನ್ಸರ್​ನಿಂದ ಬಳಲುತ್ತಿದ್ದ ಕ್ರಿಕೆಟರ್

ಲೆಜೆಂಡರಿ ಕ್ರಿಕೆಟರ್ ನಿಧನಕ್ಕೆ ದುಃಖತಪ್ತರಾದ ಸಹ ಆಟಗಾರರು

ಅಧಿಕೃತ​ ಎಕ್ಸ್​ನಲ್ಲಿ ಫೋಟೋ ಶೇರ್ ಮಾಡಿ ಕ್ರಿಕೆಟರ್ಸ್​ ಸಂತಾಪ

ಜಿಂಬಾಬ್ವೆಯ ಲೆಜೆಂಡರಿ ಕ್ರಿಕೆಟರ್​ ಹಾಗೂ ಬಾಂಗ್ಲಾ ತಂಡದ ಕೋಚ್​ ಆಗಿ ಕಾರ್ಯನಿರ್ವಹಿಸಿದ್ದ ಹೀತ್ ಸ್ಟ್ರೀಕ್ (49) ನಿಧನ ಹೊಂದಿದ್ದಾರೆ. ದೀರ್ಘಕಾಲದಿಂದ ಕರುಳಿನ ಕ್ಯಾನ್ಸರ್​ನಿಂದ ಬಳುತ್ತಿದ್ದ ಕ್ರಿಕೆಟರ್ ದಕ್ಷಿಣ ಆಫ್ರಿಕಾದ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಇಂದು ನಿಧನ ಹೊಂದಿದ್ದಾರೆ ಎಂದು ಹೇಳಲಾಗಿದೆ.

ಹೀತ್ ಸ್ಟ್ರೀಕ್ ಸಾವಿನಿಂದ ಅವರ ಕುಟುಂಬ ದುಃಖದಲ್ಲಿ ಮುಳುಗಿದ್ದು, ಸಹ ಆಟಗಾರರು ಕೂಡ ಈ ಬಗ್ಗೆ ದುಃಖತಪ್ತರಾಗಿದ್ದಾರೆ. ಅಲ್ಲದೇ ಭಾರತದ ಕ್ರಿಕೆಟರ್ಸ್ ಆದ ವಿವಿಎಸ್ ಲಕ್ಷ್ಮಣ್, ರವಿಚಂದ್ರನ್​ ಅಶ್ವಿನ್, ದೊಡ್ಡ ಗಣೇಶ್ ಸೇರಿದಂತೆ ಇನ್ನು ಹಲವರು ತಮ್ಮ ಅಧಿಕೃತ​ ಎಕ್ಸ್​ನಲ್ಲಿ ಫೋಟೋ ಶೇರ್ ಮಾಡಿ ಸಂತಾಪ ಸೂಚಿಸಿದ್ದಾರೆ.

Sad to hear about the passing away of Heath Streak. Heartfelt Condolences to his family , friends and fans of @ZimCricketv 🙏🏼 pic.twitter.com/rFcUjS53jq

— VVS Laxman (@VVSLaxman281) August 23, 2023

Heath Streak is no more. Sad!! Really sad. #RIP

— Ashwin 🇮🇳 (@ashwinravi99) August 23, 2023

ಜಿಂಬಾಬ್ವೆಯ ಲೆಜೆಂಡರಿ ಹೀತ್ ಸ್ಟ್ರೀಕ್ 65 ಟೆಸ್ಟ್​, 189 ಏಕದಿನ ಮ್ಯಾಚ್​ಗಳನ್ನು ಆಡಿದ್ದು ಒಟ್ಟು 4,933 ರನ್​ಗಳನ್ನು ಗಳಿಸಿದ್ದರು. ಅಲ್ಲದೇ ಉತ್ತಮ ಆಲ್​ರೌಂಡರ್ ಆದ ಇವರು ಎಲ್ಲ ವಿಧದ ಕ್ರಿಕೆಟ್​ನಲ್ಲಿ 455 ವಿಕೆಟ್​ಗಳನ್ನು ಉರುಳಿಸಿದ್ದರು. ಇಲ್ಲಿವರೆಗೆ ಇವರ ರೆಕಾರ್ಡ್ ಅನ್ನು ಜಿಂಬಾಬ್ವೆ ಪ್ಲೇಯರ್ಸ್​ ಯಾರೂ ಕೂಡ ಬ್ರೇಕ್​ ಮಾಡಿಲ್ಲ. ಅಂದರೆ ಇವರು ಜಿಂಬಾಬ್ವೆ ಪರ ಏಕದಿನದಲ್ಲಿ 2,943 ರನ್​ ಹಾಗೂ 239 ವಿಕೆಟ್​ಗಳನ್ನು ಕಬಳಿಸಿದ್ದಾರೆ. ಅಲ್ಲದೇ ಟೆಸ್ಟ್​ನಲ್ಲಿ 1,990 ರನ್​ ಕಲೆ ಹಾಕಿದ್ದು 216 ವಿಕೆಟ್​ಗಳನ್ನು ಗಳಿಸಿದ್ದರು. ಇನ್ನು ಟೆಸ್ಟ್​ನಲ್ಲಿ 127 ರನ್​ ಬಾರಿಸಿರುವುದು ವೈಯಕ್ತಿಕ ಅತಿ ಹೆಚ್ಚು ರನ್ ಆದ್ರೆ, ಏಕದಿನದಲ್ಲಿ 79 ರನ್​ ವೈಯಕ್ತಿಕ ಗರಿಷ್ಠ ರನ್ ಆಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ