2025ರ ಐಪಿಎಲ್​ಗೆ 5 ತಂಡಗಳ ನಾಯಕರ ಹೆಸ್ರು ಫೈನಲ್​​; RCB ಕ್ಯಾಪ್ಟನ್​ ಇವರೇ!

ಇತ್ತೀಚೆಗಷ್ಟೇ ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್ ಐಪಿಎಲ್​​ ಹರಾಜು ಮುಗಿದಿದೆ. ಮುಂದಿನ ಸೀಸನ್​ ಶುರುವಾಗಲು ಇನ್ನೇನು ಕೇವಲ 3 ತಿಂಗಳು ಮಾತ್ರ ಬಾಕಿ ಇದೆ. 2025ರ ಮಾರ್ಚ್ 14 ರಿಂದ ಪ್ರಾರಂಭವಾಗಲಿರೋ ಈ ಟೂರ್ನಿಯ ಫೈನಲ್​ ಪಂದ್ಯವೂ ಮೇ 25ರಂದು ನಡೆಯಲಿದೆ.

ಕಳೆದ ಸೀಸನ್​​ನಲ್ಲಿ ಎಲ್ಲಾ 10 ತಂಡಗಳು ಒಟ್ಟು 74 ಪಂದ್ಯಗಳು ಆಡಿದ್ದವು. ಈ ಬಾರಿ ಕೂಡ ನಾಕೌಟ್​​ ಹಂತದಲ್ಲಿ ಒಂದು ತಂಡಕ್ಕೆ 14 ಪಂದ್ಯಗಳಂತೆ ಎಲ್ಲಾ ಟೀಮ್​ಗಳಿಗೂ ಒಟ್ಟು 74 ಪಂದ್ಯಗಳು ನಡೆಯಲಿವೆ. ಹರಾಜಿಗೆ ಮುಗಿದ ಬೆನ್ನಲ್ಲೇ ಐದು ತಂಡಗಳು ಈಗಾಗಲೇ ನಾಯಕರ ಹೆಸರು ಫೈನಲ್​​ ಮಾಡಿವೆ. ಕೆಕೆಆರ್​​, ಆರ್​​ಸಿಬಿ ಸೇರಿದಂತೆ ಇನ್ನುಳಿದ ತಂಡಗಳು ಹೊಸ ಕ್ಯಾಪ್ಟನ್​ ಹುಡುಕಾಟದಲ್ಲಿವೆ.

ಸಂಜು ಸ್ಯಾಮ್ಸನ್

ಸಂಜು ಸ್ಯಾಮ್ಸನ್ ನಾಯಕತ್ವದಲ್ಲಿ ರಾಜಸ್ಥಾನ್ ರಾಯಲ್ಸ್ 2022ರಲ್ಲಿ ರನ್ನರ್ ಅಪ್ ಆಗಿತ್ತು. ಕಳೆದ ಐಪಿಎಲ್​ನಲ್ಲೂ ಮೂರನೇ ಸ್ಥಾನದಲ್ಲೇ ಇತ್ತು. ಪ್ರಸ್ತುತ ಟಿ20 ಕ್ರಿಕೆಟ್‌ನಲ್ಲಿ ಸ್ಯಾಮ್ಸನ್ ಅದ್ಭುತ ಫಾರ್ಮ್‌ನಲ್ಲಿದ್ದು, ಇವರೇ ಆರ್​ಆರ್​ ತಂಡದ ಕ್ಯಾಪ್ಟನ್​​.

ಪ್ಯಾಟ್ ಕಮಿನ್ಸ್‌

2021 ರಿಂದ 2023 ರವರೆಗಿನ ಮೂರು ಸೀಸನ್​ಗಳಲ್ಲೂ ಸನ್​ರೈಸರ್ಸ್​ ಹೈದರಾಬಾದ್​ ತಂಡ ಪ್ಲೇ ಆಫ್​ಗೆ ಹೋಗುವಲ್ಲಿ ವಿಫಲವಾಗಿತ್ತು. ಕಳೆದ ಬಾರಿ ಪ್ಯಾಟ್ ಕಮಿನ್ಸ್‌ ನಾಯಕತ್ವದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ಫೈನಲ್ ತಲುಪಿತ್ತು. ಆದರೆ ಕೆಕೆಆರ್​​ ವಿರುದ್ಧ ಫೈನಲ್​ ಪಂದ್ಯದಲ್ಲಿ ಸೋತಿತ್ತು. 2025ರ ಐಪಿಎಲ್​ನಲ್ಲೂ ಹೈದರಾಬಾದ್​​ ತಂಡವನ್ನು ಪ್ಯಾಟ್​ ಕಮಿನ್ಸ್​​ ಮುನ್ನಡೆಸಲಿದ್ದಾರೆ.

ರುತುರಾಜ್ ಗಾಯಕ್ವಾಡ್

ಕಳೆದ ಸೀಸನ್​ನಲ್ಲಿ ರುತುರಾಜ್​ ಗಾಯಕ್ವಾಡ್​ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವನ್ನು ಲೀಡ್​ ಮಾಡಿದ್ರು. ಇವರ ಕ್ಯಾಪ್ಟನ್ಸಿಯಲ್ಲಿ ಚೆನ್ನೈ ಪ್ಲೇ ಆಫ್​​ ತನಕ ಹೋಗಿತ್ತು. ಐಪಿಎಲ್ 2025ರಲ್ಲಿ ಗಾಯಕ್ವಾಡ್ ಮತ್ತೊಮ್ಮೆ ಸಿಎಸ್‌ಕೆ ಲೀಡ್​ ಮಾಡಲಿದ್ದಾರೆ.

ಶುಭ್ಮನ್​ ಗಿಲ್

2024ರ ಸೀಸನ್​ನಲ್ಲಿ ಹಾರ್ದಿಕ್​ ಪಾಂಡ್ಯ ತೊರೆದ ನಂತರ ಗುಜರಾತ್ ಟೈಟನ್ಸ್ ನಾಯಕನಾಗಿ ಶುಭ್ಮನ್​​ ಗಿಲ್​ ನೇಮಕಗೊಂಡಿದ್ದರು. ಮ್ಯಾನೇಜ್ಮೆಂಟ್​ ಗಿಲ್​ ಮೇಲೆ ಭಾರೀ ನಿರೀಕ್ಷೆ ಇಟ್ಟಿತ್ತು. ಹಾರ್ದಿಕ್ ಪಾಂಡ್ಯ ಕ್ಯಾಪ್ಟನ್ಸಿಯಲ್ಲಿ 2 ಸಲ ಫೈನಲ್ ತಲುಪಿತ್ತು. ಆದರೆ, ಕಳೆದ ಸೀಸನ್​ನಲ್ಲಿ ಗುಜರಾತ್​​ ಗಿಲ್​ ನಾಯಕತ್ವದಲ್ಲಿ ಕೇವಲ 5 ಪಂದ್ಯ ಮಾತ್ರ ಗೆದ್ದಿತ್ತು. ಈ ಬಾರಿ ಚಾಂಪಿಯನ್​ ಮಾಡೋ ನಿರೀಕ್ಷೆಯಲ್ಲಿ ಗಿಲ್​ ಇದ್ದಾರೆ.

ಹಾರ್ದಿಕ್ ಪಾಂಡ್ಯ

ಐಪಿಎಲ್ 2024ರಲ್ಲಿ ಮುಂಬೈ ಕೇವಲ 4 ಗೆಲುವುಗಳೊಂದಿಗೆ ಅಂಕಪಟ್ಟಿಯ ಕೊನೆಯ ಸ್ಥಾನದಲ್ಲಿತ್ತು. ಈ ಸಲವೂ ಹಾರ್ದಿಕ್ ಮುಂಬೈ ತಂಡದ ನಾಯಕರಾಗಲಿದ್ದು, 6ನೇ ಬಾರಿಗೆ ಚಾಂಪಿಯನ್ ಮಾಡುವ ಕನಸು ಕಾಣುತ್ತಿದ್ದಾರೆ.

ಆರ್​​ಸಿಬಿ ಸೇರಿ ಉಳಿದ ತಂಡಗಳ ಕಥೆಯೇನು?

ಇನ್ನುಳಿದ ಐದು ತಂಡಗಳು ನಾಯಕನ ಹುಡುಕಾಟದಲ್ಲಿವೆ. ಕೆಕೆಆರ್​ ರಹಾನೆ, ಆರ್​​ಸಿಬಿ ಕೊಹ್ಲಿ, ಡೆಲ್ಲಿ ಕ್ಯಾಪಿಟಲ್ಸ್ ಕೆ.ಎಲ್​ ರಾಹುಲ್​​, ಲಕ್ನೋ ಸೂಪರ್ ಜೈಂಟ್ಸ್ ಪಂತ್​​ ಮತ್ತು ಪಂಜಾಬ್ ಕಿಂಗ್ಸ್​ ಶ್ರೇಯಸ್​ ಅಯ್ಯರ್​ಗೆ ಮಣೆ ಹಾಕುವ ಸಾಧ್ಯತೆ ಇದೆ.

ಇದನ್ನೂ ಓದಿ:ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ