VIDEO: ಆಪರೇಷನ್ ಸಿಂಧೂರ್​​ಗೆ ಬೆಂಗಳೂರು ಕನೆಕ್ಷನ್.. ಉಗ್ರರ ನೆಲೆ ಧ್ವಂಸ ಮಾಡಿದ್ದು ಕರ್ನಾಟಕದ ಡ್ರೋಣ್!

ಆಪರೇಷನ್ ಸಿಂಧೂರ ಮೂಲಕ ಭಾರತ ಪಹಲ್ಗಾಮ್ ದಾಳಿಯ ಪ್ರತೀಕಾರ ತೀರಿಸಿಕೊಂಡಿದೆ. ಪಾಕಿಸ್ತಾನ ಮತ್ತು ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿದ್ದ ಭಯೋತ್ಪಾದಕರ ನೆಲೆಗಳ ಮೇಲೆ ಕ್ಷಿಪಣಿ ದಾಳಿ ಮಾಡಿ ಭಾರತೀಯ ಸೇನೆ ಧ್ವಂಸ ಮಾಡಿದೆ.

ಈ ವಿಶೇಷ ಕಾರ್ಯಾಚರಣೆಯನ್ನು ಭೂಸೇನೆ ಮತ್ತು ವಾಯು ಸೇನೆಗಳು ಜಂಟಿಯಾಗಿ ನಡೆಸಿದವು. 25 ನಿಮಿಷಗಳ ಕಾಲ ನಡೆದ ರೋಚಕ ದಾಳಿಯಲ್ಲಿ 9 ಉಗ್ರರ ಪ್ರಮುಖ ಅಡಗುತಾಣಗಳನ್ನು ಉಡಾಯಿಸಿದ್ದು, ಅಲ್ಲದೇ 21 ಉಗ್ರರ ನೆಲೆಗಳ ಮೇಲೂ ಭೀಕರ ದಾಳಿ ಆಗಿದೆ. ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ನಿಡಿರುವ ಮಾಹಿತಿ ಪ್ರಕಾರ ಸುಮಾರು 100ಕ್ಕೂ ಹೆಚ್ಚು ಉಗ್ರರು ಜೀವಬಿಟ್ಟಿದ್ದಾರೆ.

ಇದನ್ನೂ ಓದಿ: ಎಲ್ಲಾ ಪೀಸ್ ಪೀಸ್..​! ಮುರಿದುಬಿದ್ದ ಭಯದ ಮನೆಗಳು.. ಎಲ್ಲೆಲ್ಲೂ ಸ್ಮಶಾನ ಗಾಬರಿ..!

ಅಂದ್ಹಾಗೆ ಸೇನೆಯು.. ಉಗ್ರರ ನೆಲೆ ಮೇಲೆ ಬಂಕರ್ ನಾಶ ಮಾಡುವ ಸ್ಕ್ಯಾಲ್ಪ್ ಮಿಸೈಲ್, ಹ್ಯಾಮರ್ ಬಾಂಬ್ ಹಾಗೂ ಆ್ಯಂಟಿ ಟೆರರ್ ಡ್ರೋಣ್ (ಕಮಿಕಝ ಆತ್ಮಾಹುತಿ ಡ್ರೋಣ್: Kamikaze drone) ಬಳಸಿದೆ. ವಿಶೇಷ ಅಂದರೆ ಈ ದೇಸಿ ಸೂಸೈಡ್ ಡ್ರೋಣ್ ಮೇಡ್ ಇನ್ ಬೆಂಗಳೂರು. ದೇಸಿ ಸೂಸೈಡ್​ ಡ್ರೋಣ್​ಗಳ ಮೂಲಕವೂ ಉಗ್ರರ ಮೇಲೆ ದಾಳಿ ಆಗಿದೆ. 5 ಕೆಜಿ ವಾರ್‌ ಹೆಡ್ ಹೊತ್ತೊಯ್ಯುವ ಸಾಮರ್ಥ್ಯವನ್ನು ಇವು ಹೊಂದಿವೆ. 2021ರಲ್ಲಿ ಭಾರತದ ಸೇನೆಗೆ 100 ಆ್ಯಂಟಿ ಟೆರರ್ ಡ್ರೋಣ್​ಗಳನ್ನು ಸೇರ್ಪಡೆ ಮಾಡಲಾಗಿದೆ.

ಇದನ್ನೂ ಓದಿ: ಕರ್ನಾಟಕದ ಸೊಸೆಗೆ ನಾಟಿ ಕೋಳಿ, ರೊಟ್ಟಿ ಅಂದರೆ ಬಹಳ ಇಷ್ಟ; ಖುರೇಷಿ ಬಗ್ಗೆ ಮಾವ ಹೆಮ್ಮೆಯ ಮಾತು..

ಇದೊಂದು ರೀತಿಯ ಹಾರಾಡುವ ಆತ್ಮಾಹುತಿ ಡ್ರೋಣ್ ಬಾಂಬ್ ಆಗಿದೆ. ಇವುಗಳನ್ನು ಕಣ್ಗಾವಲು ಮತ್ತು ದಾಳಿಯನ್ನು ಗುರುತಿಸಲು ಗುರಿ ನಿರ್ದೇಶಿತ ದಾಳಿಗಳ ಮೇಲೆ ಬಳಸಲಾಗುತ್ತದೆ. ಇದೊಂದು ಅತ್ಯಾಧುನಿಕ ಮಾನವರಹಿತ ಅಸ್ತ್ರ. ಶತ್ರುಗಳ ಕ್ಷೇತ್ರದಲ್ಲಿ ಸುತ್ತಾಡುವ ಈ ಡ್ರೋಣ್, ತನ್ನ ಗುರಿ ತಲುಪುತ್ತಿದ್ದಂತೆಯೇ ಆತ್ಮಾಹುತಿ ಮಾಡಿಕೊಳ್ಳುತ್ತದೆ. ಇದು ಬರೋಬ್ಬರಿ ಸಾವಿರ ಕಿಲೋ ಮೀಟರ್ ದೂರ ಹಾರುವ ಸಾಮರ್ಥ್ಯವನ್ನು ಹೊಂದಿದೆ.

Bengaluru made suicide drones destroyed terror hubs in Pakistan.#OperationSindoorpic.twitter.com/bbZFU4KqSO

— P C Mohan (@PCMohanMP)

Bengaluru made suicide drones destroyed terror hubs in Pakistan.#OperationSindoorpic.twitter.com/bbZFU4KqSO

— P C Mohan (@PCMohanMP) May 8, 2025

">May 8, 2025

ರಷ್ಯಾ-ಉಕ್ರೇನ್ ಹಾಗೂ ಇಸ್ರೇಲ್ ಮತ್ತು ಹಮಾಸ್ ಯುದ್ಧದಲ್ಲಿ ಸಂದರ್ಭದಲ್ಲಿ ಈ ಅಸ್ತ್ರವನ್ನು ಹೆಚ್ಚಾಗಿ ಪ್ರಯೋಗಿಸಲಾಗಿದೆ. ಭಾರತದ ಬೆಂಗಳೂರಿನಲ್ಲೂ ಈ ಡ್ರೋಣ್ ಉತ್ಪಾದಿಸುವ ಘಟಕ ಇದೆ. ಬೆಂಗಳೂರಿನಲ್ಲಿ ಖಾಸಗಿ ಕಂಪನಿಯೊಂದು ಇಸ್ರೇಲ್ ಸಂಸ್ಥೆಯ ಜೊತೆಗೂಡಿ Kamikaze drone ಅಭಿವೃದ್ಧಿಪಡಿಸುತ್ತಿದೆ. ಇಲ್ಲಿ ಇಸ್ರೇಲ್ ಸಂಸ್ಥೆ ಕೈಜೋಡಿಸಿದ್ದರೂ, ಸಂಪೂರ್ಣವಾಗಿ ದೇಸಿಯವಾಗಿ ತಯಾರಿಸಲಾಗುತ್ತಿದೆ.

ಇದನ್ನೂ ಓದಿ: ಸಿಂಧೂರಕ್ಕೆ ಉದುರಿಬಿದ್ದ ಪಾಕಿಸ್ತಾನ.. ಸಚಿವ ಜಮೀರ್​​ ಅಹ್ಮದ್​ರಿಂದ ಮಹತ್ವದ ಆದೇಶ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ