ಟೈಟನ್ಸ್​ IPL ಟಾಪ್​- 2 ಆಸೆ ನೆರವೇರುತ್ತಾ..? ಮಾರ್ಷ್​ ಶತಕ, ಪೂರಾನ್ ಅರ್ಧಶತಕ, ಲಕ್ನೋಗೆ ಜಯ​

ಕಳೆದ ಪಂದ್ಯದಲ್ಲಿ ಸೋಲುಂಡಿದ್ದ ರಿಷಭ್ ಪಂತ್ ನೇತೃತ್ವದ ಲಕ್ನೋ ಟೀಮ್ ಗುಜರಾತ್ ಟೈಟನ್ಸ್​ ವಿರುದ್ಧ ಗೆಲುವು ಸಾಧಿಸಿದೆ. ಲಕ್ನೋ ತಂಡಕ್ಕೆ ಈ ಗೆಲುವು ಸಮಾಧಾನಕರ ತಂದರೂ ಐಪಿಎಲ್ ಪ್ಲೇ ಆಫ್​ ದೃಷ್ಟಿಯಿಂದ ಯಾವುದೇ ಉಪಯೋಗವಿಲ್ಲ.

ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಕ್ಯಾಪ್ಟನ್​ ಶುಭ್​ಮನ್ ಗಿಲ್ ಅವರು ಬೌಲಿಂಗ್ ಆಯ್ಕೆ ಮಾಡಿದರು. ಇದರಿಂದ ಮೊದಲ ಬ್ಯಾಟಿಂಗ್ ಮಾಡಿದ ಲಕ್ನೋ ತಂಡದ ಓಪನರ್ಸ್​ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. ಆರಂಭಿಕರಾಗಿ ಅಖಾಡಕ್ಕೆ ಇಳಿದ ಮಿಚೆಲ್ ಮಾರ್ಷ್​​ ಭರ್ಜರಿ ಶತಕ ಬಾರಿಸಿದರು.

ಮಾರ್ಕರಮ್ (36) ಔಟ್​ ಆದ ಬಳಿಕ ಕ್ರೀಸ್​ಗೆ ಬಂದ ನಿಕೋಲಸ್ ಪೂರನ್ ಜೊತೆ ಇನ್ನಿಂಗ್ಸ್​ ಕಟ್ಟಿದ ಮಿಚೆಲ್ ಮಾರ್ಷ್​​ ಕೇವಲ 64 ಬಾಲ್​ಗಳಲ್ಲಿ 10 ಬೌಂಡರಿ ಹಾಗೂ 8 ಸಿಕ್ಸರ್​ಗಳಿಂದ 117 ರನ್​ ಚಚ್ಚಿದರು. ಈ ವೇಳೆ ಸೆಂಚುರಿ ಸಿಡಿಸಿ ಆಡುತ್ತಿದ್ದ ಮಾರ್ಷ್​ ಆರ್ಷದ್​ ಖಾನ್ ಬೌಲಿಂಗ್​ನಲ್ಲಿ ಕ್ಯಾಚ್ ಔಟ್ ಆದರು. ಇನ್ನೊಂದರೆ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ ನಿಕೋಲಸ್ ಪೂರನ್, ಗುಜರಾತ್ ಬೌಲರ್​ಗಳಿಗೆ ಚಳಿ ಬಿಡಿಸಿದರು.

ಇದನ್ನೂ ಓದಿ:ವಿದ್ಯಾರ್ಥಿಗಳಿಗೆ ಟ್ರಂಪ್ ಸರ್ಕಾರ ಬಿಗ್ ಶಾಕ್.. ಈ ಪ್ರತಿಷ್ಠಿತ ವಿಶ್ವವಿದ್ಯಾಲಯದ ಅಡ್ಮಿಷನ್​ಗೆ ಬ್ರೇಕ್​!

ನಿಕೋಲಸ್ ಪೂರನ್ ಕಡಿಮೆ ಎಸೆತಗಳಲ್ಲಿ ಹಾಫ್​ ಸೆಂಚುರಿ ಬಾರಿಸಿದ್ದರಿಂದ ತಂಡದ ಮೊತ್ತ ದೊಡ್ಡದು ಆಯಿತು ಎಂದು ಹೇಳಬಹುದು. ತಂಡದಲ್ಲಿ ಕೇವಲ 27 ಎಸೆತಗಳನ್ನು ಎದುರಿಸಿದ ಪೂರನ್ 4 ಬೌಂಡರಿ ಹಾಗೂ 5 ಮುಗಿಲೆತ್ತರದ ಸಿಕ್ಸರ್​ಗಳಿಂದ 56 ರನ್​ ಚಚ್ಚಿದರು. ಇದರಿಂದ ಲಕ್ನೋ ತಂಡ 20 ಓವರ್​ಗಳಲ್ಲಿ ಕೇವಲ 2 ವಿಕೆಟ್​ 235 ರನ್​ಗಳ ಬೃಹತ್ ಟಾರ್ಗೆಟ್ ನೀಡಿತು.

ಈ ಗುರಿ ಹಿಂದೆ ಬಿದ್ದ ಗುಜರಾತ್ ಓಪನರ್ಸ್ ಬೇಗನೆ ಪೆವಿಲಿಯನ್ ಸೇರಿದರು. ಸಾಯಿ ಸುದರ್ಶನ್ 21, ಗಿಲ್ 35 ರನ್​. ಇದರಿಂದ ಗುಜರಾತ್ ಮೆಲ್ಲಗೆ ನೆಲಕಚ್ಚಲು ಆರಂಭಿಸಿತು. ಆದರೆ ಕೊನೆವರೆಗೂ ಪೈಪೋಟಿ ನೀಡಿದ್ದು ಮೆಚ್ಚಲೇಬೇಕು. ಜೋಶ್ ಬಟ್ಲರ್​ 33, ರುದರ್​ಫೋರ್ಡ್​ 38 ಹಾಗೂ ಶಾರುಕ್ ಖಾನ್ 57 ಭರ್ಜರಿ ಬ್ಯಾಟಿಂಗ್ ಮಾಡಿದರು. ಉಳಿದವರು 5 ರನ್​ಗಳ ಗಡಿ ಕೂಡ ದಾಟಲಿಲ್ಲ ಇದರಿಂದ ಗುಜರಾತ್ 9 ವಿಕೆಟ್​ಗೆ 202 ರನ್ ಮಾತ್ರ ಗಳಿಸಿ ಸೋಲೋಪ್ಪಿಕೊಂಡಿತು. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ