ಬ್ಯಾಟಿಂಗ್​ನಲ್ಲಿ ಮತ್ತೆ ಕೈಕೊಟ್ಟ ರಿಷಭ್​ ಪಂತ್​.. ಸಾಧಾರಣ ಮೊತ್ತದ ಗುರಿ ನೀಡಿದ ಲಕ್ನೋ

ಆಯುಷ್ ಬದೋನಿ ಹಾಗೂ ಐಡೆನ್ ಮಾರ್ಕ್ರಾಮ್ ಅವರ ಅರ್ಧಶತಕದ ನೆರವಿನಿಂದ ಲಕ್ನೋ ಸೂಪರ್ ಜೈಂಟ್ಸ್, ರಾಜಸ್ಥಾನ್ ರಾಯಲ್ಸ್​​ಗೆ 181 ರನ್​ಗಳ ಗುರಿ ನೀಡಿದೆ.

ಜೈಪುರದ ಸವಾಯಿ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಲಕ್ನೋ ತಂಡದ ಕ್ಯಾಪ್ಟನ್ ರಿಷಭ್ ಪಂತ್ ಟಾಸ್ ಗೆದ್ದುಕೊಂಡು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ತಂಡದ ಪರ ಆರಂಭಿಕರಾಗಿ ಕಣಕ್ಕೆ ಇಳಿದ ಮಿಚೆಲ್ ಮಾರ್ಷ್​ ಹಾಗೂ ಐಡೆನ್ ಮಾರ್ಕ್ರಾಮ್ ಆರಂಭದಲ್ಲೇ ಆಘಾತಕ್ಕೆ ಒಳಗಾದರು. ಮಿಚೆಲ್ ಮಾರ್ಷ್ ಕೇವಲ 4 ರನ್​ಗೆ ಕ್ಯಾಚ್ ನೀಡಿ ಹೊರ ನಡೆದರು.

ಇನ್ನೊಂದೆಡೆ ಬ್ಯಾಟಿಂಗ್ ಮುಂದುವರೆಸಿದ್ದ ಮಾರ್ಕ್ರಾಮ್ ತಂಡವನ್ನು ಮೇಲೆತ್ತುವಲ್ಲಿ ಪ್ರಮುಖ ಪಾತ್ರವಹಿಸಿದರು. 45 ಎಸೆತದಲ್ಲಿ 5 ಬೌಂಡರಿ, 3 ಸಿಕ್ಸರ್​ನಿಂದ 66 ರನ್​ ಗಳಿಸಿ ರಿಯಾನ್​ ಪರಾಗ್​ಗೆ ಕ್ಯಾಚ್ ಕೊಟ್ಟರು. ಕಳೆದ ಪಂದ್ಯಗಳಲ್ಲಿ ಅಬ್ಬರಿಸಿದ್ದ ಪೂರನ್ ಈ ಪಂದ್ಯದಲ್ಲಿ 11 ರನ್​ಗೆ ಎಲ್​ಬಿ ಬಲೆಗೆ ಬಿದ್ದರು.

ಇದನ್ನೂ ಓದಿ:IPL ಪಾಯಿಂಟ್​ ಟೇಬಲ್​ನಲ್ಲಿ ಭಾರೀ ಬದಲಾವಣೆ.. ಗುಜರಾತ್​ಗೆ ಗೆಲುವು, ಕುಸಿದ ಡೆಲ್ಲಿ

ಈ ಪಂದ್ಯದಲ್ಲಿ ಆದರೂ ಬ್ಯಾಟಿಂಗ್ ಮಾಡುತ್ತಾರೆ ಎಂದು ರಿಷಭ್ ಪಂತ್ ಮೇಲೆ ಭರವಸೆ ಇಡಲಾಗಿತ್ತು. ಆದರೆ ಭರವಸೆಗೆ ತಣ್ಣೀರು ಎರೆಚಿರುವ ಪಂತ್ 9 ಬಾಲ್​​ಗಳಲ್ಲಿ ಕೇವಲ 3 ರನ್​ಗೆ ಕ್ಯಾಚ್​ ಕೊಟ್ಟಿದ್ದಾರೆ. ಆಯುಷ್ ಬದೋನಿ ತಂಡಕ್ಕೆ ಅತ್ಯುತ್ತಮ ರನ್​ಗಳ ಕೊಡುಗೆ ನೀಡಿದರು ಎನ್ನಬಹುದು. ಸಂಕಷ್ಟದಲ್ಲಿದ್ದ ಟೀಮ್​ಗೆ ಆಶ್ರಯವಾದರು.

ಆಯುಷ್ ಬದೋನಿ ಕೇವಲ 34 ಎಸೆತದಲ್ಲಿ 5 ಬೌಂಡರಿ 1 ಸಿಕ್ಸರ್​​​ನಿಂದ ಅರ್ಧಶತಕ ಬಾರಿಸಿದರು. ಅಬ್ದುಲ್ ಸಮದ್ 10 ಎಸೆತದಲ್ಲಿ 4 ಸಿಕ್ಸರ್​​ಗಳಿಂದ 30 ರನ್​ಗಳ ಕಾಣಿಕೆ ನೀಡಿದರು. ಇದರಿಂದ ಲಕ್ನೋ ಟೀಮ್ 20 ಓವರ್​​​ಗಳಲ್ಲಿ 5 ವಿಕೆಟ್​ಗೆ 180 ರನ್​ಗಳ ಗುರಿ ನೀಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ