ಪಾಂಡ್ಯಗೆ ಟಕ್ಕರ್ ಕೊಟ್ಟ ರಿಷಭ್​ ಪಂತ್.. ರೋಚಕ ಗೆಲುವು ಪಡೆದ ಲಕ್ನೋ ಟೀಮ್

2025ರ ಐಪಿಎಲ್​ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ವಿರುದ್ಧ ಲಕ್ನೋ ಸೂಪರ್ ಜೈಂಟ್ಸ್​ ಭರ್ಜರಿ ಗೆಲವು ಪಡೆದಿದೆ. 12 ರನ್​ಗಳ ಅಂತದಿಂದ ಕ್ನೋ ಸೂಪರ್ ಜೈಂಟ್ಸ್ ರೋಚಕ ಗೆಲುವು ಪಡೆಯಿತು.

ಲಕ್ನೋದ ಏಕನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ತಂಡದ ಕ್ಯಾಪ್ಟನ್ ಪಾಂಡ್ಯ ಟಾಸ್ ಗೆದ್ದು, ಲಕ್ನೋ ಟೀಮ್ ಅನ್ನು ಬ್ಯಾಟಿಂಗ್​ಗೆ ಆಹ್ವಾನ ಮಾಡಿದರು. ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿದ ಮಿಚೆಲ್ ಮಾರ್ಷ್​ ಹಾಗೂ ಐಡೆನ್ ಮಾರ್ಕರಮ್ ಉತ್ತಮ ಆರಂಭ ಪಡೆದುಕೊಂಡರು. ಮಿಚೆಲ್ ಮಾರ್ಷ್ ಕೇವಲ 31 ಎಸೆತಗಳಲ್ಲಿ 60 ರನ್​ ಗಳಿಸಿ ಔಟ್ ಆದ್ರೆ, ಮಾರ್ಕರಮ್ 53 ರನ್​ಗಳನ್ನ ಬಾರಿಸಿದರು. ಈ ಮೂಲಕ ಓಪನರ್ ಇಬ್ಬರು ಅರ್ಧ ಶತಕ ಸಿಡಿಸಿದರು.

ಇವರ ನಂತರ ಬಂದ ನಿಕೋಲಸ್ ಪೂರನ್ ಕೇವಲ 12 ರನ್​ಗೆ ಪಾಂಡ್ಯ ಬೌಲಿಂಗ್​ನಲ್ಲಿ ಕ್ಯಾಚ್​ ಕೊಟ್ಟು ಹೋದರು. ಲಕ್ನೋ ತಂಡದ ಕ್ಯಾಪ್ಟನ್ ರಿಷಭ್ ಪಂತ್ ಮತ್ತೆ ವಿಫಲ ಬ್ಯಾಟಿಂಗ್​ನಿಂದ 2 ರನ್​ಗೆ ಔಟ್ ಆದರು. ಆಯುಷ್ಯ ಬದೊನಿ 30 ಹಾಗೂ ಮಿಲ್ಲರ್ 27 ಕೆಲ ಸಮಯ ಮುಂಬೈ ಬೌಲರ್​ಗಳನ್ನ ಕಾಡಿದರು. ಹೀಗಾಗಿ ಲಕ್ನೋ 20 ಓವರ್​ಗಳಲ್ಲಿ 8 ವಿಕೆಟ್​ಗೆ 204 ರನ್​ಗಳ ಟಾರ್ಗೆಟ್ ಅನ್ನು ನೀಡಿತ್ತು.

ಇದನ್ನೂ ಓದಿ: 4, 4, 4, 4, 4, 4, 4, 6, 6; ಮುಂಬೈ ಬೌಲರ್​ಗಳನ್ನ ಚಚ್ಚಿದ ಓಪನರ್​ ಮಿಚೆಲ್ ಮಾರ್ಷ್, ಅರ್ಧ ಶತಕ

ಈ ಗುರಿ ಬೆನ್ನು ಹತ್ತಿದ್ದ ಮುಂಬೈ ಆರಂಭದಲ್ಲೇ ದೊಡ್ಡ ನಷ್ಟ ಅನುಭವಿಸಿತು. ಓಪನರ್ಸ್​ ವಿಲ್ ಜಾಕ್ಸ್​ 05, ರಾಯನ್ 10 ರನ್​ಗೆ ವಿಕೆಟ್ ಕಳೆದುಕೊಂಡರು. 3ನೇ ಕ್ರಮಾಂಕದಲ್ಲಿ ಕಣಕ್ಕೆ ಬಂದ ನಮನ್ ಧೀರ್ ಭರ್ಜರಿ ಬ್ಯಾಟಿಂಗ್ ಮಾಡಿ ಕೇವಲ 24 ಬಾಲ್​ಗಳಲ್ಲಿ 4 ಫೋರ್, 3 ಭರ್ಜರಿ ಸಿಕ್ಸರ್​ನಿಂದ 46 ರನ್​ಗಳಿಸಿ ಔಟ್ ಆದರು. ಕೊಂಚದರಲ್ಲೇ ಅರ್ಧ ಶತಕ ಮಿಸ್ ಮಾಡಿಕೊಂಡರು.

ಸೂರ್ಯಕುಮಾರ್ ಮುಂಬೈಗೆ ಉತ್ತಮ ರನ್​ಗಳ ಹೊಳೆ ಹರಿಸಿದರು. ಎಂದಿನಂತೆ ತಮ್ಮ ಸ್ಫೋಟಕ ಬ್ಯಾಟಿಂಗ್​​ನಿಂದ 31 ಬಾಲ್​​ಗಳಲ್ಲಿ 1 ಸಿಕ್ಸ್​, 7 ಅದ್ಭುತವಾದ ಬೌಂಡರಿಯಿಂದ ಹಾಫ್​ಸೆಂಚುರಿ ಬಾರಿಸಿದರು. ಹಾಗೇ ಬ್ಯಾಟಿಂಗ್ ಮುಂದುವರೆಸಿದ ಸೂರ್ಯ 67 ರನ್​ಗಳಿಂದ ಆಡುವಾಗ ಬಿಗ್ ಶಾಟ್​​ ಹೊಡೆದು ಬೌಂಡರಿ ಲೈನ್​ ಬಳಿ ಕ್ಯಾಚ್​ ನೀಡಿದರು. ಸೂರ್ಯಗೆ ತಿಲಕ್ ವರ್ಮಾ ಉತ್ತಮ ಸಾಥ್ ನೀಡಿದರು. ಆದರೆ 25 ರನ್​ ಗಳಿಸಿದಾಗ ರಿಟೈರ್ಡ್ ಕೊಟ್ಟು ಪೆವಿಲಿಯನ್​ಗೆ ನಡೆದರು.

ಕೊನೆಯಲ್ಲಿ ಹಾರ್ದಿಕ್ ಪಾಂಡ್ಯ ಬಿರುಸಿನ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. 16 ಬಾಲ್​ಗಳಲ್ಲಿ 28 ರನ್​ ಗಳಿಸಿದರು. 20 ಓವರ್​ಗಳಲ್ಲಿ ಮುಂಬೈ ಇಂಡಿಯನ್ಸ್​  5 ವಿಕೆಟ್​​ಗಳನ್ನು ಕಳೆದುಕೊಂಡು 191 ರನ್​ಗಳನ್ನು ಗಳಿಸಿತು. ಕೇವಲ 12 ರನ್​ಗಳಿಂದ ಮಾತ್ರ ಹಾರ್ದಿಕ್ ಪಾಂಡ್ಯ ಪಡೆ ಸೋಲೋಪ್ಪಿಕೊಂಡಿತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ