ತವರಿನಲ್ಲಿ ಹೈದ್ರಾಬಾದ್​ಗೆ ಭಾರೀ ಮುಖಭಂಗ.. ರಿಷಭ್ ಪಂತ್ ಮುಂದೆ ತಲೆ ಬಾಗಿದ ಕಮಿನ್ಸ್​

ತವರಿನ ಮೈದಾನದಲ್ಲಿ ನಡೆದ ಐಪಿಎಲ್​ನ 7ನೇ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​ ಜೊತೆ ಸನ್​ರೈಸರ್ಸ್​ ಹೈದ್ರಾಬಾದ್ ಟೀಮ್ ಸೋಲೊಪ್ಪಿಕೊಂಡಿದೆ.

ಹೈದರಾಬಾದ್​ನ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೋ ಕ್ಯಾಪ್ಟನ್​ ರಿಷಭ್ ಪಂತ್ ಅವರು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ನಿಯಮದಂತೆ ಬ್ಯಾಟಿಂಗ್ ಮಾಡಲು ಕ್ರೀಸ್​ಗೆ ಆಗಮಿಸಿದ ಹೈದ್ರಾಬಾದ್ ಓಪನರ್ಸ್​ ಅಭಿಷೇಕ್ ಶರ್ಮಾ ಹಾಗೂ ಟ್ರಾವಿಸ್​ ಹೆಡ್​ ಉತ್ತಮ ಆರಂಭ ಪಡೆಯಲಿಲ್ಲ. ​ಅಭಿಷೇಕ್ ಶರ್ಮಾ 6 ರನ್​ ಗಳಿಸಿ ಆಡುವಾಗ ಪೂರನ್​ಗೆ ಕ್ಯಾಚ್ ನೀಡಿದರು.

ಮಧ್ಯಮ ಕ್ರಮಾಂಕದಲ್ಲಿ ಉತ್ತಮ ಬ್ಯಾಟಿಂಗ್ ಮಾಡಿದ ನಿತೀಶ್ ಕುಮಾರ್ 32, ಕ್ಲಾಸೆನ್ 26, ಅಂಕಿತ್ 36, ನಾಯಕ ಕಮಿನ್ಸ್​ 18 ರನ್​ಗಳ ನೆರವಿನಿಂದ ಹೈದ್ರಾಬಾದ್ 190 ರನ್​ ಗುರಿ ನೀಡಿತ್ತು. ಇನ್ನು ಲಕ್ನೋ ಪರ ಬಿರುಸಿನ ಬೌಲಿಂಗ್ ನಡೆಸಿ ಎದುರಾಳಿಗಳನ್ನು ಕಟ್ಟಿ ಹಾಕುವಲ್ಲಿ ಬೌಲರ್​ಗಳು ಯಶಸ್ವಿಯಾದರು. ಶಾರ್ದುಲ್​ ಠಾಕೂರ್ ಅವರ ಬೌಲಿಂಗ್ ಪರಾಕ್ರಮದ ಮುಂದೆ ಅಭಿಷೇಕ್ ಶರ್ಮಾ, ಕಿಶನ್, ಮನೋಹರ, ಶಮಿ ವಿಕೆಟ್ ಒಪ್ಪಿಸಿದರು.

191 ರನ್​ಗಳ ಟಾರ್ಗೆಟ್ ಅನ್ನು ಬೆನ್ನು ಹತ್ತಿದ್ದ ಲಕ್ನೋ 5 ವಿಕೆಟ್​ಗಳಿಂದ ಅಮೋಘ ಗೆಲುವು ಪಡೆದಿದೆ. ಲಕ್ನೋ ಪರ ಬ್ಯಾಟಿಂಗ್​ಗೆ ಇಳಿದ ಮಿಚೆಲ್ ಮಾರ್ಷ್​ ಹಾಗೂ ಮಾರ್ಕರಮ್​ ಅಂತಹ ಆರಂಭ ಏನು ಪಡೆಯಲಿಲ್ಲ. ಮಾರ್ಕರಮ್ ಕೇವಲ 1 ರನ್​ಗೆ ಔಟ್ ಆಗಿ ಪೆವಿಲಿಯನ್​ಗೆ ನಡೆದರು. ಇವರ ಬಳಿಕ ಕ್ರೀಸ್​ಗೆ ಆಗಮಿಸಿದ ನಿಕೋಲಸ್ ಪೂರನ್, ಮಿಚೆಲ್ ಮಾರ್ಷ್​ಗೆ ಜೊತೆಯಾದರು. ಅಬ್ಬರದ ಬ್ಯಾಟಿಂಗ್​ಗೆ ಮುಂದಾದ ಪೂರನ್, ಮಿಚೆಲ್ ಮಾರ್ಷ್ ಬೌಲರ್​ಗಳ ಮೇಲೆ ಎರಗಿದರು.

ಇದನ್ನೂ ಓದಿ: 6, 6, 6, 6, 6, 6; ಸಿಡಿಲಬ್ಬರದ ಬ್ಯಾಟಿಂಗ್.. ಕೇವಲ 18 ಬಾಲ್​ಗೆ ಅರ್ಧಶತಕ ಸಿಡಿಸಿದ ಪೂರನ್

ನಿಕೋಲಸ್ ಪೂರನ್ ಅವರು ಕೇವಲ 18 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 5 ಭರ್ಜರಿ ಸಿಕ್ಸರ್​ ಸಮೇತ ಅರ್ಧ ಶತಕ ಪೂರೈಸಿದರು. ಹಾಫ್​ ಸೆಂಚುರಿ ಬಳಿಕವೂ ಬ್ಯಾಟಿಂಗ್ ಮುಂದುವರೆಸಿದ ಪೂರಾನ್, ಕೇವಲ 26 ಎಸೆತಗಳಲ್ಲಿ 6 ಬೌಂಡರಿ, 6 ಅಮೋಘವಾದ ಸಿಕ್ಸರ್​ನಿಂದ 70 ರನ್​ ಗಳಿಸಿ ಆಡುವಾಗ ಎಲ್​ಬಿಗೆ ಬಲಿಯಾದರು. ಇನ್ನು ಮಾರ್ಷ್​ ಹಾಫ್​ಸೆಂಚುರಿ ಬಾರಿಸಿದರು. 16.1 ಓವರ್​ನಲ್ಲಿ 5 ವಿಕೆಟ್​ ನಷ್ಟಕ್ಕೆ 193 ರನ್​ ಗಳಿಸುವ ಮೂಲಕ ಲಕ್ನೋ ಗೆಲುವು ಪಡೆಯಿತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ