ಐಷಾರಾಮಿ ಹೋಟೆಲ್​ ಮೇಲೆ ದಾಳಿ, ನಿರ್ಮಾಪಕರು ಅರೆಸ್ಟ್

ವೇಶ್ಯಾವಾಟಿಕೆ ದಂಧೆಯಲ್ಲಿ ತೊಡಗಿದ್ದವರ ಕಂಡು ಶಾಕ್

ಸಿನಿಮಾ, ಧಾರವಾಹಿ, ವೆಬ್​​ ಸಿರೀಸ್​ ನಟಿಯರ ಬಳಕೆ

ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಬಾಯಂದರ್​ನಲ್ಲಿ ನಡೆಯುತ್ತಿದ್ದ ಐಷಾರಾಮಿ ಸೆಕ್ಸ್ ರಾಕೆಟ್​ ದಂಧೆಯನ್ನು ಪೊಲೀಸರು ಬೇಧಿಸಿದ್ದಾರೆ. ಜೊತೆಗೆ ಹೆಣ್ಮಕ್ಕಳನ್ನು ಮಾಂಸ ದಂಧೆಯ ಜಾಲಕ್ಕೆ ಬೀಳಿಸುತ್ತಿದ್ದ ಇಬ್ಬರು ನಿರ್ಮಾಪಕರನ್ನು ಪೊಲೀಸರು ಬಂಧಿಸಿದ್ದಾರೆ.

ಸೆಕ್ಸ್ ದಂಧೆಯಲ್ಲಿ ಹೈ-ಪ್ರೊಫೈಲ್..!
ಅಂದ್ಹಾಗೆ ಇದು ಸಣ್ಣ ಪುಟ್ಟ ಸೆಕ್ಸ್ ರಾಕೆಟ್​ ದಂಧೆಯಲ್ಲ. ಟಿವಿ ನಟಿಯರು, ಬಾಲಿವುಡ್ ಸಿನಿಮಾ ನಟಿಯರು, ವೆಬ್​​ ಸರಣಿಯ ಕಲಾವಿದರು ವೇಶ್ಯಾವಾಟಿಕೆಯಲ್ಲಿ ತೊಡಗಿರೋದು ಬೆಳಕಿಗೆ ಬಂದಿದೆ. ಪೊಲೀಸ್ ಇನ್ಸ್​​ಪೆಕ್ಟರ್​​ ಸಮೀರಾ ಅಹಿರಾ ನೀಡಿರುವ ಮಾಹಿತಿ ಪ್ರಕಾರ, ಖಚಿತ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ನಡೆಸಿದ್ದರು. ಐಷಾರಾಮಿ ಹೋಟೆಲ್​​ನಲ್ಲಿ ವೇಶ್ಯಾವಾಟಿಕೆ ನಡೆಯುತ್ತಿರೋದು ಗೊತ್ತಾಗಿದೆ ಎಂದು ತಿಳಿಸಿದ್ದಾರೆ.

ಇಬ್ಬರು ಅರೆಸ್ಟ್..!
ಪ್ರಕರಣ ಸಂಬಂಧ ಐಷಾರಾಮಿ ಹೋಟೆಲ್​​ನಲ್ಲಿ ಇಬ್ಬರು ನಿರ್ಮಾಪಕರು ಸಿಕ್ಕಿಬಿದ್ದಿದ್ದಾರೆ. ರತ್ನಮಯ್ಯ ನರಂಕತೇಲು ಹಾಗೂ ಚಂದ್ರಹಾಸ್ ಅಲಿಯಾಸ್ ಮೈಕೆಲ್ ಡೇವಿಡ್​ ಎಂಬುವವರನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ಮಾತ್ರವಲ್ಲ ಇವರ ವಿರುದ್ಧ ಐಪಿಸಿ ಸೆಕ್ಷನ್ 370 (2) (3) ಮತ್ತು ಅನೈತಿಕ ಕಳ್ಳಸಾಗಣೆ ಅಡಿಯಲ್ಲಿ ಕೇಸ್ ದಾಖಲಿಸಿಕೊಂಡಿದ್ದಾರೆ.

ಹೇಗೆ ಬಲೆಗೆ ಬೀಳಿಸುತ್ತಿದ್ದರು..?
ಹೈ-ಪ್ರೊಫೈಲ್ ಕೇಸ್ ಆಗಿರೋ ಹಿನ್ನೆಲೆಯಲ್ಲಿ ವೇಶ್ಯಾವಾಟಿಕೆಯಲ್ಲಿ ದೊಡ್ಡ ದೊಡ್ಡ ಕುಳಗಳು ಭಾಗಿಯಾಗಿರುವ ಶಂಕೆ ಇದೆ. ಸಿನಿಮಾ, ಧಾರಾವಾಹಿ, ವೆಬ್​ ಸಿರೀಸ್​​ಗಳಲ್ಲಿ ಕಲಾವಿದರಾಗಿರುವ ಹೆಣ್ಮಕ್ಕಳಿಗೆ ಹಣದ ಆಸೆ ಹುಟ್ಟಿಸುತ್ತಿದ್ದರು. ಸಿನಿಮಾ, ಧಾರಾವಾಹಿಗಳಲ್ಲಿ ಚಾನ್ಸ್ ಕೊಡಿಸುತ್ತೇವೆ ಎಂದೇಳಿ ಮೊದಲು ಬುಟ್ಟಿಗೆ ಹಾಕಿಕೊಳ್ಳುತ್ತಿದ್ದರು. ಲಕ್ಷ ಲಕ್ಷ ಹಣ ನೀಡುವ ಆಸೆ ಹುಟ್ಟಿಸಿ ಕೊನೆಗೆ ವೇಶ್ಯಾವಾಟಿಕೆಯಲ್ಲಿ ಭಾಗಿಯಾಗುವಂತೆ ಸಲಹೆ ನೀಡುತ್ತಿದ್ದರು ಎನ್ನಲಾಗಿದೆ.

ಕೋವಿಡ್ -19 ಆರಂಭವಾದ ಬಳಿಕ ಇಂಥ ಪ್ರಕರಣಗಳು ಮುಂಬೈನಲ್ಲಿ ಹೆಚ್ಚುತ್ತಿವೆ. ಸಿನಿಮಾ ಜಗತ್ತು ಡಿಮ್ಯಾಂಡ್ ಕಳೆದುಕೊಂಡ ನಂತರ ಕೆಲವು ನಟಿಯರು ವೇಶ್ಯಾವಾಟಿಕೆಯಲ್ಲಿ ಭಾಗಿಯಾಗುತ್ತಿರುವ ಪ್ರಕರಣ ಹೆಚ್ಚುತ್ತಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಕಳೆದ ನವೆಂಬರ್​ನಲ್ಲೂ ಕೂಡ ಮಹಾರಾಷ್ಟ್ರ ಪೊಲೀಸರು ವೇಶ್ಯಾವಾಟಿಕೆ ಅಡ್ಡೆ ಮೇಲೆ ದಾಳಿ ಮಾಡಿ ಹೆಣ್ಮಕ್ಕಳನ್ನು ರಕ್ಷಣೆ ಮಾಡಿದ್ದರು. ಇದು ದೇಶದಾದ್ಯಂತ ಭಾರೀ ಸುದ್ದಿಯಾಗಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ