ಬಾಹ್ಯಾಕಾಶದಲ್ಲೂ ಮಹಾಕುಂಭ ಹೀಗೆಯೇ ಕಾಣುತ್ತದೆ.. ಅದ್ಭುತ ಫೋಟೋ ಹಂಚಿಕೊಂಡ ISRO

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಪ್ರಯಾಗರಾಜ್​ನ ತ್ರಿವೇಣಿ ಸಂಗಮದಲ್ಲಿ ನಡೆಯುತ್ತಿರುವ ಮಹಾಕುಂಭಕ್ಕೆ ಸಂಬಂಧಿಸಿದ ಫೋಟೋಗಳನ್ನು ರಿಲೀಸ್ ಮಾಡಿದೆ. ಉಪಗ್ರಹದ ಮೂಲಕ ತೆಗೆದ ಟೆಂಟ್ ಸಿಟಿ ಫೋಟೋಗಳಾಗಿವೆ.

ಆ ಫೋಟೋಗಳು ಮಹಾಕುಂಭದ ವೈಭವದ ನೋಟವನ್ನು ಹೇಳುತ್ತಿವೆ. ಮಹಾಕುಂಭದಲ್ಲಿ ಪವಿತ್ರ ಸ್ನಾನ ಮಾಡಲು ಕೋಟಿಗಟ್ಟಲೇ ಜನರು ಪ್ರಪಂಚದಾದ್ಯಂತ ಬರುತ್ತಿದ್ದಾರೆ. ಈ ಮಹಾಕುಂಭವು ಪ್ರತಿ 12 ವರ್ಷಗಳಿಗೊಮ್ಮೆ ನಡೆಯುವ ಪ್ರಮುಖ ಧಾರ್ಮಿಕ ಕಾರ್ಯಕ್ರಮವಾಗಿದೆ. ಜನವರಿ 13 ರಿಂದ ಪ್ರಯಾಗ್‌ರಾಜ್‌ನಲ್ಲಿ ಆಯೋಜಿಸಲಾಗಿದ್ದು, ಫೆಬ್ರವರಿ 26 ರವರೆಗೆ 45 ದಿನಗಳ ಕಾಲ ನಡೆಯಲಿದೆ. ಇಲ್ಲಿಯವರೆಗೆ 8 ಕೋಟಿಗೂ ಹೆಚ್ಚು ಯಾತ್ರಿಕರು ಪವಿತ್ರ ಸ್ನಾನ ಮಾಡಿದ್ದಾರೆ.

ಇದನ್ನೂ ಓದಿ: ವೈರಲ್ ಹುಡುಗಿಯ ಬಡತನದ ಬದುಕು.. ಒಂದೇ ಕೋಣೆಯ ಮನೆ.. ಹೇಗಿದೆ ಜೀವನ..?

ಇಸ್ರೋ ತೆಗೆದ ಫೋಟೋ..

ತ್ರಿವೇಣಿ ಸಂಗಮ ಬಳಿ ಕುಂಭಕ್ಕಾಗಿ ನಿರ್ಮಿಸಲಾಗಿರುವ ಬೃಹತ್ ಮೂಲಸೌಕರ್ಯಗಳನ್ನು ಫೋಟೋಗಳು ತೋರಿಸುತ್ತಿವೆ. ಈ ಚಿತ್ರಗಳನ್ನು EOS-04 (RISAT-1A) 'C' ಬ್ಯಾಂಡ್ ಮೈಕ್ರೋವೇವ್ ಉಪಗ್ರಹದಿಂದ ತೆಗೆಯಲಾಗಿದೆ. ಅಂದ್ಹಾಗೆ ಈ ಸರಣಿ ಫೋಟೋಗಳು 15 ಸೆಪ್ಟೆಂಬರ್ 2023 ಮತ್ತು 29 ಡಿಸೆಂಬರ್ 2024 ರ ಅವಧಿಯಲ್ಲಿ ತೆಗೆಯಲಾಗಿದೆ ಎಂದು ಇಸ್ರೋ ಹೇಳಿದೆ. ಮತ್ತೊಂದು ಸರಣಿ ಫೋಟೋದಲ್ಲಿ 2024, ಡಿಸೆಂಬರ್ 22 ಮತ್ತು ಜನವರಿ 10, 2025ರಲ್ಲಿ ತೆಗೆದ ಫೋಟೋ ಕೂಡ ಇದೆ.

ಉಪಗ್ರಹ ಚಿತ್ರಗಳು ಭಾರತದ ಪಗೋಡಾ ಪಾರ್ಕ್‌ ತೋರಿಸುತ್ತವೆ. ಅದು ಬರೋಬ್ಬರಿ 12 ಎಕರೆ ಜಾಗದಲ್ಲಿ ಟೆಂಟ್ ವಿನ್ಯಾಸಗೊಳಿಸಲಾಗಿದೆ. ಭಾರತದ ಅತ್ಯಾಧುನಿಕ ಆಪ್ಟಿಕಲ್ ಉಪಗ್ರಹಗಳು ಮತ್ತು ಹಗಲು ರಾತ್ರಿ ವೀಕ್ಷಿಸುವ ಸಾಮರ್ಥ್ಯವಿರುವ ರಾಡಾರ್‌ಸ್ಯಾಟ್ ಬಳಸಿ ಈ ಫೋಟೋಗಳನ್ನು ತೆಗೆಯಲಾಗಿದೆ.

ಹೈದರಾಬಾದ್‌ನಲ್ಲಿರುವ ರಾಷ್ಟ್ರೀಯ ದೂರಸಂವೇದಿ ಕೇಂದ್ರವು ಮಹಾ ಕುಂಭಮೇಳದ ಚಿತ್ರಗಳ ಸರಣಿಯನ್ನು ಉಪಗ್ರಹದಿಂದ ರಿಸೀವ್‌ ಮಾಡಿಕೊಂಡಿದೆ. ಇದೀಗ ಉತ್ತರ ಪ್ರದೇಶ ಸರ್ಕಾರ ಕುಂಭಮೇಳದಲ್ಲಿ ವಿಪತ್ತು ಮತ್ತು ಕಾಲ್ತುಳಿತಗಳನ್ನು ತಗ್ಗಿಸಲು ಈ ಚಿತ್ರಗಳನ್ನು ಬಳಸುತ್ತಿದೆ.

ಇದನ್ನೂ ಓದಿ: ಮೌನಿ ಅಮಾವಾಸ್ಯೆಯಂದು ಮಹಾಕುಂಭಮೇಳಕ್ಕೆ ಭಕ್ತಕೋಟಿ; ಹೇಗಿದೆ ವಿಶೇಷ ರೈಲುಗಳ ವ್ಯವಸ್ಥೆ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ