ಈ ಕಾರಿನಲ್ಲಿ EXTRA ಏರ್​​ ಬ್ಯಾಗ್​​ ಓಕೆ.. ಆದ್ರೆ ಹೆಚ್ಚುವರಿ ಬೆಲೆ ಗ್ರಾಹಕರ ಮೇಲೆ ಏಕೆ?

ಝಗಮಗಿಸುವ ನೆಕ್ಸಾ ಶೋರೂಂ ಮುಂದೆ ಹೋದ್ರೆ ಕಾರ್​ಗಳು ಕಣ್ಣಿಗೆ ಬೀಳ್ತಾವೆ. ಅದೊಂದು ಪ್ರೀಮಿಯಂ ಕಾರ್​ಗಳಿಗೆ ಅಂತಾನೇ ಹುಟ್ಟಿಕೊಂಡ ಎಕ್ಲ್ಯೂಸಿವ್​ ಶೋರೂಂ ಚೈನ್​. ಆದ್ರೆ ಇಲ್ಲಿ ನಿಮಗೆ ವಿಧ ವಿಧವಾದ ಮಾರುತಿ ಕಾರ್​​ಗಳು ಕಾಣಸಿಗ್ತಾವೆ. ಅದರಲ್ಲೇ ಒಂದು ಎಕ್ಲ್ಯೂಸಿವ್ ಕಾರ್ ಅಂದ್ರೆ ಅದು XL6. ಇದೀಗ ಈ ಕಾರ್ಗೆ ಒಂದು ಮೇಜರ್​ ಅಪ್ಡೇಟ್​ ನೀಡೋಕೆ ಮಾರುತಿ ಕಂಪನಿ ತಯಾರು ಮಾಡಿಕೊಂಡಿದೆ.

ಇದನ್ನೂ ಓದಿ:ಕಾರು ಡ್ರೈವರ್​​ ಮೇಲೆ MBA ವಿದ್ಯಾರ್ಥಿನಿಗೆ ಲವ್.. ಮದ್ವೆಯಾದ ಒಂದೇ ವರ್ಷದಲ್ಲಿ ಘೋರ ದುರಂತ..!

ಸೇಫ್ಟಿ ವಿಷ್ಯದಲ್ಲಿ ಯಾವುದೇ ವಾಹನ ತಯಾರಿಕ ಕಂಪನಿಯಾದ್ರೂ ಕೂಡ ರಾಜೀ ಆಗೋದಿಲ್ಲ. ಹಾಗೇ ಮಾರುತಿ ಕಂಪನಿ ಕೂಡ ಅದೇ ನಿಟ್ಟಿನಲ್ಲಿ ತನ್ನ ಗ್ರಾಹಕರಿಗೆ ಮತ್ತಷ್ಟು ಸೇಫ್ಟಿ ಅಪ್​ಡೇಟ್​ ನೀಡ್ತಾ ಇದೆ. ಇದರಲ್ಲಿ ಮುಖ್ಯವಾದ ಅಪ್​​ಡೇಟ್​ ಅಂದ್ರೆ ಅದು ಏರ್​ ಬ್ಯಾಗ್​​ಗಳು. ಹೌದು, ತಮ್ಮ ಗ್ರಾಹಕರ ಸುರಕ್ಷತೆಯ ದೃಷ್ಟಿಯಿಂದ ಮಾರುತಿ ಕಂಪನಿ ತನ್ನ XL6 ಕಾರ್​ನ ಏರ್​ ಬ್ಯಾಗ್​ನ 4 ರಿಂದ 6ಕ್ಕೆ ಏರಿಕೆ ಮಾಡಿದೆ. ಪ್ರಯಾಣಿಕರ ಹಿತದೃಷ್ಟಿಯಿಂದ ಇದನ್ನು ನೋಡಿದ್ರೆ, ಇದು ಒಳ್ಳೇ ನಿರ್ಧಾರನೇ. ಆದ್ರೆ ಕಂಪನಿಗೆ ಇದರಿಂದ ಉಂಟಾಗುವ ಹೆಚ್ಚಿನ ಖರ್ಚನ್ನು ಸರಿದೂಗಿಸೋಕೆ ಮಾರುತಿ ಕಂಪನಿ ಒಂದು ಬ್ಯಾಕ್​ಅಪ್​ ಪ್ಲ್ಯಾನ್​ ಕೂಡ ಮಾಡಿಕೊಂಡಿದೆ.

ಅದೇನೆಂದ್ರೆ ಈ ಹೆಚ್ಚಿನ ಏರ್​ಬ್ಯಾಗ್​ಳ ಅಳವಡಿಕೆಯಿಂದ ಉಂಟಾಗುವ ಹೆಚ್ಚುವರಿ ಖರ್ಚನ್ನು ಗ್ರಾಹಕರ ಮೇಲೆಯೇ ಹೊರಿಸೋಕೆ ಈಗ ತೀರ್ಮಾನ ಮಾಡಲಾಗಿದೆ. ಅಂದ್ರೆ ಕಂಪ್ಲೀಟ್​ ವೆಚ್ಚ ಏನ್​ ಬೀಳುತ್ತೋ, ಅದನ್ನ ಸಂಪೂರ್ಣವಾಗಿ ಗ್ರಾಹಕರ ಮೇಲೆ ಹೊರೆಸಲಾಗಿದೆ. ಇದರಿಂದ ಶೇಕಡ 0.8ರಷ್ಟು ವೆಚ್ಚವನ್ನು ಗ್ರಾಹಕರ ಖರೀದಿ ಬೆಲೆಗೆ ಸೇರಿಸಲಾಗಿದೆ. ಸೋ ಇದರಿಂದ ಮಾರುಕಟ್ಟೆಯಲ್ಲಿ ಕಾರ್​ನ ಬೆಲೆ ಕೂಡ ಏರಿಕೆಯಾಗಿದೆ.

ಇದನ್ನೂ ಓದಿ:ಶಿಶು ಹುಟ್ಟಿನಿಂದ 6 ತಿಂಗಳವರೆಗೆ.. ಪೋಷಕರು ಈ ಸಲಹೆಗಳನ್ನು ಫಾಲೋ ಮಾಡಿ..

ಹಾಗಾದ್ರೆ, ಈ XL6 ಕಾರ್​ನ ಬೆಲೆ ಎಷ್ಟಿದೆ ಅಂದ್ರೆ, ಯಾವಾಗ ಈ ಫೀಚರ್​​ನ ಌಡ್​ ಮಾಡಲಾಯ್ತೋ ಆಗ ಇದರ ಬೆಲೆ ಸುಮಾರು 9500 ರಿಂದ 12500ಕ್ಕೆ ಏರಿದೆ. ಹಾಗೂ ಪ್ರಸ್ತುತವಾಗಿ ಮಾರುಕಟ್ಟೆಯಲ್ಲಿ XL6 ಕಾರ್​ನ ಬೆಲೆ 11.83 ಲಕ್ಷದಿಂದ ಶುರುವಾಗ್ತಾ ಇತ್ತು. ಮತ್ತು 14.83 ಲಕ್ಷದವರೆಗೂ ಟಾಪ್​ ಎಂಡ್​ ಮಾಡೆಲ್​ ಲಭ್ಯವಿತ್ತು. ಆದ್ರೀಗ 11.83 ಲಕ್ಷ ಇದ್ದದ್ದು ಈಗ 11.96 ಲಕ್ಷವಾಗಿದೆ ಹಾಗೂ 14.83 ಲಕ್ಷ ಇದ್ದ ಬೆಲೆ 14.96-15 ಲಕ್ಷ ಆಗಿದೆ.

ಎರ್ಟಿಗಾ ಕಾರ್​​​ನ ಆರು ಏರ್‌ಬ್ಯಾಗ್‌ಗಳೊಂದಿಗೆ ನವೀಕರಿಸಿದ ಸ್ವಲ್ಪ ಸಮಯದ ನಂತರ, ಮಾರುತಿ ಈಗ XL6 MPV ಯಲ್ಲಿ ಅದೇ ಸುರಕ್ಷತಾ ಫೀಚರ್​ನ ಹೊರತಂದಿದೆ. ಇಲ್ಲಿಯವರೆಗೆ, XL6 ಅನ್ನು ಅದರ ಎಲ್ಲಾ ಟ್ರಿಮ್‌ಗಳಲ್ಲಿ ಕೇವಲ 4 ಏರ್‌ಬ್ಯಾಗ್‌ಗಳೊಂದಿಗೆ ನೀಡಲಾಗುತ್ತಿತ್ತು. ಆದ್ರೆ ಇನ್ಮುಂದೆ ಆರು ಏರ್ ಬ್ಯಾಗ್​ಗಳೊಂದಿಗೆ ಬರಲಿದ್ದು. ಗ್ರಾಹಕರ ಮೇಲೆ ಈ ಹೊರೆಯನ್ನು ಹಾಕಲಾಗಿದೆ. ಒಟ್ಟಿನಲ್ಲಿ ಮಾರುತಿ ಕಂಪನಿ ಕೆರೆಯ ನೀರನ್ನು ಕೆರೆಗೆ ಚೆಲ್ಲಿ ವರವ ಬೇಡೋ ರೀತಿ ಆಗ್ತಾ ಇದೆ.

ವಿಶೇಷ ವರದಿ: ರಾಹುಲ್ ದಯಾನ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ