ಬಾಗಲಕೋಟೆಯಲ್ಲಿ ದಾಖಲೆ ಬೆಲೆಗೆ ಟಗರು ಮಾರಾಟ; ಎಷ್ಟು ಲಕ್ಷ ಅಂತ ಗೊತ್ತಾದ್ರೆ ಶಾಕ್ ಆಗ್ತೀರಿ..!

ಕುರಿ ಸಾಕಾಣಿಕೆ ನಮ್ಮ ದೇಶದಲ್ಲಿ ಪ್ರಮುಖ ಹೈನುಗಾರಿಕೆಯಲ್ಲಿ ಒಂದು. ಅದರಲ್ಲೂ ಟಗರುಗಳನ್ನು ಪೊಗರುದಸ್ತಾಗಿ ಬೆಳೆಸಿ ಅವುಗಳನ್ನು ಕಾಳಗಕ್ಕೆ ಕರೆದುಕೊಂಡು ಹೋಗಿ ಪ್ರಶಸ್ತಿ ಬಾಚಿಕೊಳ್ಳುವ ಹುಚ್ಚು ಕೂಡ ನಮ್ಮಲ್ಲೇನು ಕಡಿಮೆ ಇಲ್ಲ. ಅದರಲ್ಲೂ ಉತ್ತರ ಕರ್ನಾಟಕದಲ್ಲಿ ಈ ಒಂದು ಉತ್ಸಾಹ ಕುರಿಗಾಹಿಗಳಲ್ಲಿ ನಾವು ಹೆಚ್ಚು ಕಾಣುತ್ತೇವೆ. ಒಂದೊಂದು ಟಗರು ಲಕ್ಷ ಬೆಲೆಗೆ ತೂಗುವ ರೀತಿಯಲ್ಲಿ ಅವುಗಳನ್ನು ಬೆಳೆಸುತ್ತಾರೆ. ಬಾಗಲಕೋಟೆಯಲ್ಲಿ ಈಗ ಒಂದು ಟಗರು ಭಾರಿ ಸುದ್ದಿ ಮಾಡಿದೆ. ಅದು ಮಾರಾಟವಾದ ಬೆಲೆ ಕೇಳಿಯೇ ಎಲ್ಲರೂ ಶಾಕ್ ಆಗುತ್ತಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು ರಸ್ತೆಗಳಲ್ಲಿ ಮೀನುಗಳು! ಬಲೆ ಹಾಕಿದ ಜನ; ರಣ ಮಳೆಯ ಅನಾಹುತದ 10 ಫೋಟೋಗಳು..!

5 ಲಕ್ಷ ರೂಪಾಯಿಗೆ ಮಾರಟವಾದ ಟಗರು
ಬಾಗಲಕೋಟೆಯ ತಗ್ಗಿ ಗ್ರಾಮದ ಫಕೀರಯ್ಯ ಅವರ ಸಾಕಿದ ಟಗರು ಜಯಸಿಂಹ. ಈ ಟಗರಿನ ಖದರ್​ ನೋಡಿದ್ರೆ ಎಂತವರು ಕೂಡ ಒಂದು ಕ್ಷಣ ದಂಗಾಗಿ ಹೋಗಬೇಕು ಹಾಗೆ ಬೆಳೆಸಿದ್ದರು. ಒಂದಲ್ಲ ಎರಡಲ್ಲ, ಒಟ್ಟು 70 ಟಗರಿನ ಕಾಳಗದ ಕಣದಲ್ಲಿ ಗೆದ್ದು ಸೈ ಎನಿಸಿಕೊಂಡಿರುವ ದೈತ್ಯ ಟಗರು ಇದು. ಈ ಟಗರನ್ನು 2022ರಲ್ಲಿ ಫಕೀರಯ್ಯ ಸಂಗದ 90 ಸಾವಿರ ರೂಪಾಯಿ ನೀಡಿ ಖರೀದಿಸಿ ಸಾಕಿದ್ದರು. ಇಲ್ಲಿಯವರೆಗೆ ಅದು ಕಣದಲ್ಲಿ ಕಾದಾಡಿ ಒಂದು ಫ್ರಿಡ್ಜ್​, 25 ತೊಲೆ ಬೆಳ್ಳಿ, 3 ಲಕ್ಷ ರೂಪಾಯಿ ನಗದು,1 ಬೈಕ್ ಸೇರಿ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಈ ಟಗರನ್ನು ಈಗ ಧಾರವಾಡದ ಅಮ್ಮಿನಭಾವಿಯವರಾದ ಪ್ರಜ್ವಲ್ ಎನ್ನುವವರು ದಾಖಲೆಯ ಬೆಲೆಗೆ ಖರೀದಿ ಮಾಡಿದ್ದಾರೆ.

ಇದನ್ನೂ ಓದಿ:ಊರಿಗೆ ಹೋಗಿದ್ದಕ್ಕೆ ಸಿಟ್ಟು.. ನನಗೆ ಊಟ ಮಾಡಿಕೊಡೋರು ಯಾರು ಎಂದು ತಾಯಿಯನ್ನೇ ಕೊಂ*ದ ಮಗ

ಪ್ರಜ್ವಲ್ ಅವರು ಮೊದಲಿನಿಂದಲೂ ಟಗರು ಪ್ರಿಯರು. ಎರಡು ದಿನಗಳ ಹಿಂದೆ ಜಯಸಿಂಹ ಎಂಬ ಟಗರು ಮಾರಾಟ ಮಾಡುತ್ತಿದ್ದಾರೆ ಎಂದು ತಿಳಿದ ಪ್ರಜ್ವಲ್ ಇದನ್ನು 5 ಲಕ್ಷ 1 ಸಾವಿರ ರೂಪಾಯಿ ನೀಡಿ ಖರೀದಿ ಮಾಡಿದ್ದಾರೆ. ಇದು ಈಗ ದೊಡ್ಡ ಸುದ್ದಿಯಾಗಿದೆ. ಲಕ್ಷ ಎರಡು ಲಕ್ಷ ಅಂದ್ರೆ ಒಕೆ ಒಂದು ಟಗರು 5 ಲಕ್ಷ ರೂಪಾಯಿಗೆ ಖರೀದಿಯಾಗಿದ್ದು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ