ಉಗ್ರರ ದಾಳಿಯಿಂದ ಕರ್ನಾಟಕದ ಹಿರಿಯ ವಕೀಲರು, ಕುಟುಂಸ್ಥರು ಜಸ್ಟ್​ ಮಿಸ್.. ತಪ್ಪಿಸಿಕೊಂಡಿದ್ದು ಹೇಗೆ?

ಕಲಬುರಗಿ: ಕಾಶ್ಮೀರದ ಪಹಲ್ಗಾಮ್ ಪ್ರದೇಶದ ಪ್ರವಾಸಿ ತಾಣದಲ್ಲಿ ನಡೆದಂತ ಭಯೋತ್ಪಾದಕರ ಪೈಶಾಚಿಕ ಕೃತ್ಯದಿಂದ ಕಲಬುರಗಿಯ ಹಿರಿಯ ವಕೀಲರೊಬ್ಬರ ಕುಟುಂಬದ 8 ಜನ ಗ್ರೇಟ್​ ಎಸ್ಕೇಪ್ ಆಗಿದ್ದಾರೆ. ಎಲ್ಲರೂ ದಾಳಿ ನಡೆಯುವ ಮೊದಲೇ ಬೇರೆ ನಗರಕ್ಕೆ ತೆರಳಿದ್ದರಿಂದ ಎಲ್ಲರೂ ಸುರಕ್ಷಿತವಾಗಿದ್ದಾರೆ.

ಕಲಬುರಗಿಯ ಹಿರಿಯ ವಕೀಲರಾದ ಮಲ್ಲಿಕಾರ್ಜುನ ಭೃಂಗಿಮಠ ಸೇರಿದಂತೆ ಅವರ ಕುಟುಂಬದ 8 ಮಂದಿ ಜಮ್ಮು ಕಾಶ್ಮೀರದ ಪ್ರವಾಸ ಮಾಡುತ್ತಿದ್ದಾರೆ. ಇವರು ಪಹಲ್ಗಾಮ್​ನಲ್ಲಿರುವ ಆರು ವ್ಯಾಲಿ, ಬೇತಾಬ ವ್ಯಾಲಿಯ ಪ್ರವಾಸ ಮುಗಿಸಿಕೊಂಡು ಶ್ರೀನಗರಕ್ಕೆ ಹೋಗಿದ್ದಾರೆ. ಇವರು ಶ್ರೀನಗರಕ್ಕೆ ಹೋದ ಕೆಲವೇ ಗಂಟೆಗಳಲ್ಲಿ ಪಹಲ್ಗಾಮ್​ನಲ್ಲಿ ಉಗ್ರರು ಗುಂಡಿನ ದಾಳಿ ನಡೆಸಿ ಪ್ರವಾಸಿಗರ ಜೀವ ತೆಗೆದಿದ್ದಾರೆ.

ಪಹಲ್ಗಾಮ್​ನಲ್ಲಿ ಏಪ್ರಿಲ್​ 20, 21 ರಂದು ಆರು ವ್ಯಾಲಿ, ಬೇತಾಬ ವ್ಯಾಲಿಯನ್ನು ನೋಡಿಕೊಂಡು ಅದೇ ರಾತ್ರಿ ಮಲ್ಲಿಕಾರ್ಜುನ ಭೃಂಗಿಮಠ ಹಾಗೂ ಅವರ ಕುಟುಂಬದವರು ಶ್ರೀನಗರಕ್ಕೆ ತೆರಳಿದ್ದಾರೆ. ಇದರಿಂದ ದೊಡ್ಡ ಅನಾಹುತದಿಂದ ಎಲ್ಲರೂ ಕೊಂಚದರಲ್ಲೇ ಸೇಫ್ ಆಗಿದ್ದಾರೆ ಎನ್ನಬಹುದು. ಶ್ರೀನಗರದಲ್ಲಿರುವ ಮಲ್ಲಿಕಾರ್ಜುನ ಭೃಂಗಿಮಠ ತಮ್ಮ ಫೇಸ್​ಬುಕ್​ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.

ನಿನ್ನೆ, ಮೊನ್ನೆ ಅಂದರೆ ಏಪ್ರಿಲ್​ 20, 21 ರಂದು ಆರು ವ್ಯಾಲಿ, ಬೇತಾಬ ವ್ಯಾಲಿಯನ್ನು ಮುಗಿಸಿಕೊಂಡು ಈಗ ಶ್ರೀನಗರಕ್ಕೆ ಬಂದಿದ್ದೇವೆ. ಆದರೆ ನನಗೆ ಸಾಕಷ್ಟು ಫೋನ್ ಕಾಲ್ ಬಂದಿದ್ದವು. ಎಲ್ಲರೂ ನೀವು ಅರಮವಾಗಿ ಇದ್ದೀರಾ ಎಂದು ಕೇಳುತ್ತಿದ್ದರು. ಯಾಕೆ ಎಂದು ಪ್ರಶ್ನಿಸಿದೆ. ಇದಕ್ಕೆ ಪಹಲ್ಗಾಮ್​ನಲ್ಲಿ ಉಗ್ರರು ದಾಳಿ ಮಾಡಿದ್ದಾರೆ ಅಂತ ಹೇಳಿದರು. ನಂತರ ನಾನು ಟಿವಿಯಲ್ಲಿ ನೋಡಿ ಮಾಹಿತಿ ತಿಳಿದುಕೊಂಡೆ. ನಾವೆಲ್ಲ ಶ್ರೀನಗರಕ್ಕೆ ಬಂದಿದ್ದು ಎಲ್ಲರೂ ಚೆನ್ನಾಗಿದ್ದೇವೆ. ಸೇಫ್ ಆಗಿದ್ದೇವೆ ಎಂದು ಹಿರಿಯ ವಕೀಲರಾದ ಮಲ್ಲಿಕಾರ್ಜುನ ಭೃಂಗಿಮಠ ಅವರು ಹೇಳಿದ್ದಾರೆ.

ಇದನ್ನೂ ಓದಿ: Pahalgam; ಹೆಂಡತಿ, ಮಕ್ಕಳ ಮುಂದೆಯೇ IB ಅಧಿಕಾರಿಯ ಜೀವ ತೆಗೆದ ಕ್ರೂರಿಗಳು

ಮಲ್ಲಿಕಾರ್ಜುನ ಭೃಂಗಿಮಠ ಕುಟುಂಬದವರು ಏಪ್ರಿಲ್​ 16 ರಂದು ಕಲಬುರಗಿಯಿಂದ ಜಮ್ಮುಕಾಶ್ಮೀರಕ್ಕೆ ಪ್ರವಾಸಕ್ಕೆಂದು ಹೋಗಿದ್ದಾರೆ. ದಾಳಿ ನಡೆಯುವ ಕೆಲವೇ ಗಂಟೆಗಳ ಮೊದಲು ಮಲ್ಲಿಕಾರ್ಜುನ ಭೃಂಗಿಮಠ ಕುಟುಂಬದವರು ಉಗ್ರರ ದಾಳಿ ನಡೆಸಿದ ಸ್ಥಳದ ಸಮೀಪದಲ್ಲೇ ಸುತ್ತಾಡಿದ್ದರು. ಇನ್ನು ಬೇರೆ ಬೇರೆ ಸ್ಥಳಗಳನ್ನು ನೋಡಬೇಕಾಗಿದ್ದರಿಂದ ಅದೇ ರಾತ್ರಿ ಪಹಲ್ಗಾಮ್​​ನಿಂದ ಶ್ರೀನಗರಕ್ಕೆ ತೆರಳಿದ್ದರಿಂದ ಇಡೀ ಕುಟುಂಬ ಸುರಕ್ಷಿತವಾಗಿದೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ