ಆನ್​ಲೈನ್​ ಗೇಮ್​ನಿಂದ ಭಾರೀ ಸಾಲ ಮಾಡಿಕೊಂಡಿದ್ದ; ದುಡ್ಡಿಗಾಗಿ ಅಮಾಯಕನ ಜೀವವನ್ನೇ ತೆಗೆದು ಹಾಕಿದ ಕಿರಾತಕ

ಮಂಡ್ಯ: ನಿನ್ನೆ ರಾತ್ರಿ ಭೀಕರ ಕೊಲೆಗೆ ಸಕ್ಕರೆ ನಾಡು ಬೆಚ್ಚಿ ಬಿದ್ದಿತ್ತು. ಮರ ಕತ್ತರಿಸೋ ಯಂತ್ರದೊಂದಿಗೆ ಮನೆ ಬಾಗಿಲಿಗೆ ಬಂದವನೊಬ್ಬ ಮಂಡ್ಯದಲ್ಲಿ ಅದೇ ಯಂತ್ರದಿಂದಲೇ ವ್ಯಕ್ತಿಯನ್ನ ಬರ್ಬರವಾಗಿ ಹತ್ಯೆಗೈದಿದ್ದ. ಮನೆ ಯಜಮಾನಿಯ ಚಾಣಾಕ್ಷತನದಿಂದ ಕೊಲೆಗಾರ ಲಾಕ್​ ಕೂಡ ಆಗಿದ್ದ. ಇದೀಗ ಕಿರಾತಕ ಕೃತ್ಯದ ಹಿಂದಿನ ಅಸಲಿ ಸತ್ಯ ಬಾಯ್ಬಿಟ್ಟಿದ್ದಾನೆ.

ರಾಬರಿಗೆ ಬಂದವನಿಂದ ವ್ಯಕ್ತಿಯ ಬರ್ಬರ್​ ಮರ್ಡರ್​

ಇವನ ಹೆಸ್ರು ಇಬ್ರಾಹಿಂ, ಮಂಡ್ಯ ಜಿಲ್ಲೆಯ ಶ್ರೀರಂಗ ಪಟ್ಟಣ ನಿವಾಸಿ. ದರೋಡೆ ದಾರಿ ಹಿಡಿದಿದ್ದ ಇಬ್ರಾಹಿಂ ನಿನ್ನೆ ಕಳ್ಳತನ ಮಾಡೋದಕ್ಕೆ ಮಂಡ್ಯದ ಕ್ಯಾತನಹಳ್ಳಿಗೆ ಬಂದವ ರಮೇಶ್​ ಎಂಬುವವರ ಮನೆಗೆ ನುಗ್ಗಿದ್ದ. ಈ ವೇಳೆ ದರೋಡೆಗೆ ಅಡ್ಡಿಯಾದ ರಮೇಶ್​ನನ್ನ ಮರ ಕೊಯ್ಯುವ ಯಂತ್ರದಿಂದ ಬರ್ಬರವಾಗಿ ಹತ್ಯೆಗೈದಿದ್ದ. ​

ಕ್ಯಾತನಹಳ್ಳಿ ಕಿರಾತಕ!

ಆನ್​ಲೈನ್ ಗೇಮ್ ಸುಳಿಗೆ ಸಿಲುಕಿ ಸಾಲ ಮಾಡಿದ್ದಕೊಂಡಿದ್ದ ಇಬ್ರಾಹಿಂ, ತೀರಿಸಲು ದರೋಡೆಗೆ ಪ್ಲಾನ್ ಮಾಡಿದ್ದ. ಹೀಗಾಗಿ ಮರ ಕತ್ತರಿಸುವ ಯಂತ್ರದೊಂದಿಗೆ ಒಂಟಿ ಮನೆಗಳನ್ನೇ ಟಾರ್ಗೆಟ್​ ಮಾಡಿ ಕಳ್ಳತನಕ್ಕೆ ಇಳಿದಿದ್ದ. ರಾಜ್ಯ ಹೆದ್ದಾರಿ ಪಕ್ಕದಲ್ಲಿಯೇ ಇದ್ದ ರಮೇಶ್​ ತೋಟದ ಮನೆಗೆ ನಿನ್ನೆ ನುಗ್ಗಿದ್ದ ಇಬ್ರಾಹಿಂ, ಮನೆಯಲ್ಲಿ ವಯಸ್ಸಾದ ದಂಪತಿ ಇದ್ದಿದ್ದರಿಂದ ದರೋಡೆಗೆ ಯತ್ನಿಸಿದ್ದ. ಈ ವೇಳೆ ರಮೇಶ್​ ಅಡ್ಡಿ ಮಾಡ್ತಿದ್ದಂತೆ ಅವರನ್ನ ಮರ ಕೊಯ್ಯುವ ಯಂತ್ರದಿಂದ ಕೊಯ್ದು ಕೊಲೆಗೈದಿದ್ದ, ನಂತರ ರಮೇಶ್ ಪತ್ನಿ ‌ಯಶೋಧಮ್ಮ ಕೊಲೆಗೂ ಯತ್ನಿಸಿದ್ದ. ಬಳಿಕ ಯಶೋಧಮ್ಮ ಮನೆಯಿಂದ ಹೊರಬಂದು ಬಾಗಿಲು ಹಾಕಿಕೊಂಡು ಇಬ್ರಾಹಿಂನ ಒಳಗೆ ಲಾಕ್​ ಮಾಡಿದ್ದಾರೆ.

ಹತ್ಯೆಗೂ ಮುನ್ನ ಕಿಲ್ಲರ್​​ ಇಬ್ರಾಹಿಂ ಕೆನ್ನಾಳು ಗ್ರಾಮಕ್ಕೆ ಬಂದಿದ್ದ. ಅಲ್ಲಿ ಇಂದ್ರಮ್ಮ ಎಂಬುವವರ ಮನೆಗೆ ಬಂದಿದ್ದ ಕೀಚಕ, ಮರ ಕತ್ತರಿಸುವ ಯಂತ್ರ ತಂದಿದ್ದಾಗಿ ಹೇಳಿದ್ದ. ಈ ವೇಳೆ ಇಂದ್ರಮ್ಮ, ನಾವು ಆರ್ಡರ್ ಮಾಡಿಲ್ಲ ಹೋಗು ಎಂದಿದ್ದರು. ಸಿಸಿಟಿವಿ ಅಳವಡಿಕೆ ನೋಡಿ ಹಂತಕ ಇಬ್ರಾಹಿಂ ಅಲ್ಲಿಂದ ವಾಪಸ್​ ಆಗಿದ್ದ. ಇನ್ನೂ, ಹಂತಕನ ಸಂಪೂರ್ಣ ಚಲನವಲನ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಸಾಲ ತೀರಿಸೋಕೆ ದರೋಡೆಗೆ ಇಳಿದವ ಈಗ ಕೊಲೆಗಾರನಾಗಿ ಜೈಲುಪಾಲಾಗಿದ್ದಾನೆ. ಆದ್ರೆ, ಏನು ತಪ್ಪು ಮಾಡದ ರಮೇಶ್​ ಜೀವವೇ ಹೋಗಿದ್ರೆ, ಪತ್ನಿ ಯಶೋಧಮ್ಮ ಆಸ್ಪತ್ರೆ ಪಾಲಾಗಿದ್ದಾಳೆ.

ಇದನ್ನೂ ಓದಿ:ಮರ ಕತ್ತರಿಸೋ ಯಂತ್ರದಿಂದ ಜೀವ ತೆಗೆದ ಕೇಸ್‌; ಕ್ಯಾತನಹಳ್ಳಿ ಕಿರಾತಕನ ಹಿಸ್ಟರಿ ಕೇಳಿ ಪೊಲೀಸರು ಶಾಕ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ