ಗಲ್ಫ್​​ನಿಂದ ಓಡೋಡಿ ಬಂದ ಮಗನಿಗೆ ಸಿಕ್ಕಿದ್ದು ತಂದೆಯ ಮೃತದೇಹ.. ಅಮ್ಮ, ಹೆಂಡತಿ, ಮಗ ಎಲ್ಲರೂ ನಾಪತ್ತೆ

ದುಡಿಯಲೆಂದು ಗಲ್ಫ್​​ಗೆ ಹೋದ ಮಗನಿಗೆ ವಯನಾಡಿನಲ್ಲಿ ನಡೆದ ದುರಂತ ಬರ ಸಿಡಿಲಿನಂತೆ ಕೇಳಿಸಿತು. ಸುದ್ದಿ ತಿಳಿದು ವಿಚಲಿತರಾಗಿದ್ದ ಶಾಹಿದ್​​ ವಿಮಾನ ಏರಿ ನೇರವಾಗಿ ಕೇರಳಕ್ಕೆ ಬಂದಿಳಿದರು. ವಯನಾಡಿಗೆ ಬಂದು ನೋಡಿದಾಗ ಶಾಹಿದ್​​ಗೆ ಮೊದಲು ಸಿಕ್ಕಿದ್ದೇ ತಂದೆಯ ಮೃತದೇಹ.

ತಂದೆ ಭೂಕುಸಿತದ ರಣಾರ್ಭಟಕ್ಕೆ ಸಾವನ್ನಪ್ಪಿದರೆ, ಉಳಿದವರಿಗಾಗಿ ಶಾಹಿದ್​​ ಹುಡುಕಾಡುತ್ತಿದ್ದಾರೆ. ತನ್ನ ಕುಟುಂಬದ ಆರು ಜನರಿಗಾಗಿ ಅವಶೇಷಗಳ ಅಡಿಯಲ್ಲಿ ಹುಡುಕಾಡುತ್ತಿದ್ದಾರೆ. ಅಮ್ಮ, ಹೆಂಡತಿ, ಮಗ, ಸಹೋದರ ಎಲ್ಲರೂ ನಾಪತ್ತೆಯಾಗಿದ್ದಾರೆ.

ಇದನ್ನೂ ಓದಿ: ಭೂಕುಸಿತದಲ್ಲಿ ತಂದೆ-ತಾಯಿ ಸಾವು.. ಕಷ್ಟಪಟ್ಟು ಓದಿಸಿ ವಿದೇಶಕ್ಕೆ ಕಳುಹಿಸಿರುವ ಮಗಳ ನೋವು ಯಾರತ್ರ ಹೇಳೋದು?

ಅತ್ತ ಶಾಹಿದ್ ಮೆಪ್ಪಾಡಿ ಸರಕಾರಿ ಎಚ್​ಎಸ್​​ಎಸ್​ನ ಶಿಬಿರದಲ್ಲಿದ್ದಾರೆ​​. ತನ್ನ ಸಂಬಂಧಿಕರೊಂದಿಗೆ ನಾಪತ್ತೆಯಾದವರನ್ನು ಹುಡುಕಾಡುತ್ತಿದ್ದಾರೆ. ದಿನ ಬೆಳಗಾದರೆ ತನ್ನವರಿಗಾಗಿ ಅಲೆಯುತ್ತಿದ್ದಾರೆ.

ಇದನ್ನೂ ಓದಿ: ರಾತ್ರಿ ಮಟನ್ ಊಟ ಮಾಡಿ ಮಲಗಿದ್ದವರು ಏಳಲೇ ಇಲ್ಲ.. ಒಂದೇ ಮನೆಯಲ್ಲಿ ನಾಲ್ವರು ಸಾವು; ಆಗಿದ್ದೇನು?

ವಯನಾಡಿನ ದುರಂತ ಒಂದೊಂದು ಕತೆಯನ್ನು ಸಾರುತ್ತಿದೆ. ಈಗಾಗಲೇ ಸಾವಿನ ಸಂಖ್ಯೆ 300 ದಾಟಿದೆ. 200ಕ್ಕೂ ಹೆಚ್ಚು ಜನರು ನಾಪತ್ತೆಯಾಗಿದ್ದಾರೆ. ಶೋಧಕಾರ್ಯವನ್ನು ನಿರಂತರವಾಗಿ ನಡೆಯುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ