ವಿಮಾನದ ಇಂಜಿನ್​ಗೆ ಸಿಲುಕಿ ಜೀವ ಬಿಟ್ಟ ವ್ಯಕ್ತಿ.. ದೊಡ್ಡ ಪ್ರಮಾದದಿಂದ 154 ಪ್ರಯಾಣಿಕರು ಸೇಫ್​​!

ವಿಮಾನದ ಇಂಜಿನ್​ಗೆ ವ್ಯಕ್ತಿಯೊಬ್ಬ ಸಿಲುಕಿಕೊಂಡು ಪ್ರಾಣ ಕಳೆದುಕೊಂಡಿರುವ ಘಟನೆ ಇಟಲಿಯ ಮಿಲನ್ ಬರ್ಗಾಮೊ ವಿಮಾನ ನಿಲ್ದಾಣದ ಟ್ಯಾಕ್ಸಿವೇಯಲ್ಲಿ ನಡೆದಿದೆ. 154 ಪ್ರಯಾಣಿಕರು ಸೇರಿದಂತೆ ಸಿಬ್ಬಂದಿ ದೊಡ್ಡ ಪ್ರಮಾದದಿಂದ ಪಾರಾಗಿದ್ದಾರೆ ಎಂದು ಹೇಳಲಾಗಿದೆ.

ಮಿಲನ್ ಬರ್ಗಾಮೊ ವಿಮಾನ ನಿಲ್ದಾಣದಲ್ಲಿ A319 ವೊಲೊಟಿಯಾ ವಿಮಾನದ ಇಂಜಿನ್​ಗೆ ಸಿಲುಕಿಕೊಂಡು ಜೀವ ಬಿಟ್ಟ ವ್ಯಕ್ತಿಯೂ ಗ್ರೌಂಡ್ ಸ್ಟಾಫ್ ಎಂದು ಕನ್​ಫರ್ಮ್​ ಮಾಡಲಾಗಿದೆ. A319 ವೊಲೊಟಿಯಾ ವಿಮಾನವೂ ಇಟಿಲಿಯ ಮಿಲನ್ ಬರ್ಗಾಮೊ ನಿಲ್ದಾಣದಲ್ಲಿ ಟೇಕ್​ಆಫ್ ಆಗುವ ವೇಳೆ ಸಿಬ್ಬಂದಿ ಅದೇ ಮಾರ್ಗದಲ್ಲಿ ಬರುವಾಗ ಈ ಘಟನೆ ನಡೆದಿದೆ. ಸ್ಪೇನ್‌ನ ಆಸ್ಟೂರಿಯಸ್‌ಗೆ ವಿಮಾನ ತೆರಳತ್ತಿತ್ತು ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಸ್ಮಾರ್ಟ್ ಕನ್ನಡಕದಲ್ಲಿ ಕ್ಯಾಮೆರಾ, ಪದ್ಮನಾಭಸ್ವಾಮಿ ದೇವಾಲಯಕ್ಕೆ ವೃದ್ಧ ಎಂಟ್ರಿ.. ಪೊಲೀಸರಿಂದ ತನಿಖೆ!

ವೊಲೊಟಿಯಾ ವಿಮಾನ ಸಿಬ್ಬಂದಿ ಈ ಬಗ್ಗೆ ಮಾಹಿತಿ ನೀಡಿದ್ದು ವಿಮಾನದಲ್ಲಿ ಒಟ್ಟು 154 ಪ್ರಯಾಣಿಕರು, 6 ವಿಮಾನ ಸಿಬ್ಬಂದಿ, ಇಬ್ಬರು ಪೈಲಟ್​ ಹಾಗೂ ನಾಲ್ವರು ಕ್ಯಾಬಿನ್ ಕ್ರಿವ್​ ಇದ್ದರು. ಟೇಕ್​ಆಫ್ ಆಗುವಾಗ ಈ ಘಟನೆ ನಡೆದಿದೆ ಎಂದು ಹೇಳಿದೆ. ಮಿಲನ್ ಬರ್ಗಾಮೊ ವಿಮಾನ ನಿಲ್ದಾಣದ ಅತ್ಯಂತ ಬ್ಯಸಿಯೆಸ್ಟ್​ ಏರ್​ಪೋರ್ಟ್ ಆಗಿದ್ದು ಈ ಘಟನೆ ನಡೆದ ಮೇಲೆ 10:20ಕ್ಕೆ ಪ್ರಯಾಣ ಕ್ಯಾನ್ಸಲ್ ಮಾಡಲಾಯಿತು. ಎಲ್ಲ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ ಎಂದು ಹೇಳಿದೆ.

ಇನ್ನು ಘಟನೆ ನಡೆದಿರುವುದು ಪಕ್ಕಾ ಆಗಿದೆ. ಆದರೆ ಇದು ಹೇಗೆ ನಡೆಯಿತು ಎಂದು ತನಿಖೆ ನಡೆಸಲಾಗುವುದು ಎಂದು ಏರ್​ಪೋರ್ಟ್​ನ ಎಸ್​​ಎಸಿಬಿಒ ತಿಳಿಸಿದೆ. ಸದ್ಯ ವ್ಯಕ್ತಿಯನ್ನು ವಿಮಾನದ ಇಂಜಿನ್​ನಿಂದ ಹೊರ ತೆಗೆಯಲಾಗಿದ್ದು ಜೀವ ಹೋಗಿದೆ ಎಂದು ಹೇಳಲಾಗಿದೆ. ಇನ್ನು ಈ ಘಟನೆ ಹಿನ್ನೆಲೆಯಲ್ಲಿ 8 ವಿಮಾನಗಳ ಹಾರಾಟ ಸ್ಥಗಿತ ಮಾಡಿ, 9 ವಿಮಾನಗಳ ಮಾರ್ಗ ಬದಲಾವಣೆ ಮಾಡಿ 6 ವಿಮಾನಗಳಿಗೆ ಮರುಮಾರ್ಗಗಳ ವ್ಯವಸ್ಥೆ ಮಾಡಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ