ಭಾವಿ ಸೊಸೆಯನ್ನೇ ಪಟಾಯಿಸಿ ಓಡಿಸಿಕೊಂಡು ಹೋದ 6 ಮಕ್ಕಳ ತಂದೆ.. ಕಿಲಾಡಿ ಮಾವ..!

ಉತ್ತರ ಪ್ರದೇಶದಲ್ಲಿ ವ್ಯಕ್ತಿಯೊಬ್ಬ ತನ್ನ ಸೊಸೆ ಆಗಬೇಕಾದವಳ ಜೊತೆಯೇ ಮದುವೆಯಾದ ವಿಲಕ್ಷಣ ಘಟನೆ ನಡೆದಿದೆ. ತನ್ನ ಭಾವಿ ಸೊಸೆ ಜೊತೆ ಮಾವನೇ ಪ್ರೀತಿಯ ಬಲೆಗೆ ಬಿದ್ದಿದ್ದಾನೆ. ಮಾವ- ಭಾವಿ ಸೊಸೆ ಮದುವೆಗೆ ವಿರೋಧಿಸಿದ ಹೆಂಡತಿ, ಮಗನಿಗೆ ವ್ಯಕ್ತಿಯೇ ಥಳಿಸಿದ್ದಾನೆ.

ಉತ್ತರ ಪ್ರದೇಶದ ರಾಮಪುರದಲ್ಲಿ ಶಕೀಲ್ ಎಂಬಾತ ಮೊದಲಿಗೆ ತನ್ನ ಅಪ್ರಾಪ್ತ ಮಗನಿಗೆ ಓರ್ವ ಯುವತಿಯ ಜೊತೆ ಮದುವೆ ನಿಶ್ಚಯ ಮಾಡಿದ್ದ. ಆ ಯುವತಿಯ ಮನೆಗೆ ಹೋಗಿ ಬರುತ್ತಾ ಆಕೆಯ ಜೊತೆ ಪ್ರೇಮದ ಬಲೆಗೆ ಬಿದ್ದಿದ್ದಾನೆ. ಶಕೀಲ್ ತನ್ನ ಅಪ್ರಾಪ್ತ ಮಗನಿಗೆ ಮದುವೆ ಮಾಡುವುದಕ್ಕೆ ಆತನ ಮನೆಯಲ್ಲೇ ವಿರೋಧ ಇತ್ತು.

ಇದನ್ನೂ ಓದಿ: ಸ್ವದೇಶಿ 5G ಫೈಟರ್ ಜೆಟ್ ನಿರ್ಮಾಣ ಯಾವಾಗ? ಈ ವಿಚಾರದಲ್ಲಿ ಹಿಂದೆ ಬಿತ್ತಾ ಭಾರತ..?

ಆಗ ತನ್ನ ಕುಟುಂಬದ ಸದಸ್ಯರಿಗೆ ಹೊಡೆದು ಮದುವೆಗೆ ಒಪ್ಪಿಸಿದ್ದಾನೆ. ಬಳಿಕ ತನ್ನ ಸೊಸೆ ಆಗಬೇಕಾದವಳ ಜೊತೆಯೇ ಫೋನ್​ನಲ್ಲಿ ಮಾತುಕತೆ ಶುರುವಿಟ್ಟುಕೊಂಡಿದ್ದ ಎಂದು ಶಕೀಲ್ ಪತ್ನಿ ಶಬಾನಾ ಹೇಳಿದ್ದಾರೆ. ಶಕೀಲ್ ಮತ್ತು ಶಬಾನಾ ದಾಂಪತ್ಯಕ್ಕೆ ಸಾಕ್ಷಿಯಾಗಿ 6 ಮಂದಿ ಮಕ್ಕಳಿದ್ದಾರೆ. ಶಬಾನಾಗೆ ಪತಿಯ ವರ್ತನೆ, ಧೋರಣೆ ಬಗ್ಗೆ ಅನುಮಾನ ಬಂದಿದೆ. ತನ್ನ ಮಗನನ್ನು ಮದುವೆಯಾಗಬೇಕಾದ ಯುವತಿಯ ಜೊತೆಯೇ ಪತಿ ಶಕೀಲ್​ಗೆ ಅಫೇರ್ ಇದೆ ಎಂಬ ಅನುಮಾನ ಶಬಾನಾಗೆ ಬಂದಿದೆ.
ಇಡೀ ದಿನ ಶಕೀಲ್, ಯುವತಿಯ ಜೊತೆ ವಿಡಿಯೋ ಕಾಲ್​​ನಲ್ಲೇ ಮಾತನಾಡುತ್ತಿದ್ದ. ಹೀಗಾಗಿ ಶಬಾನಾ ಮತ್ತು ಮಗ ಸೇರಿಕೊಂಡು ಶಕೀಲ್ ವಿರುದ್ಧ ಸಾಕ್ಷ್ಯ ಸಂಗ್ರಹಿಸಿದ್ದರು. ಕೊನೆಗೆ ಎರಡು ಭಾರಿ ಶಕೀಲ್-ಯುವತಿ ಜೊತೆಯಲ್ಲಿರುವಾಗಲೇ ರೆಡ್ ಹ್ಯಾಂಡ್ ಆಗಿ ಹಿಡಿದಿದ್ದಾರೆ.

ಇದನ್ನೂ ಓದಿ: ಡ್ಯಾನ್ಸ್​ ಮಾಸ್ಟರ್ ಮುರುಗ, ಇಶಿತಾ ವರ್ಷ ಮಧ್ಯೆ ಕೆಮಿಸ್ಟ್ರಿ ಹೇಗಿದೆ ಗೊತ್ತಾ? VIDEO​

ಈಗ ಶಕೀಲ್‌ನ 15 ವರ್ಷದ ಮಗ, ಯುವತಿಯನ್ನು ಮದುವೆಯಾಗಲು ನಿರಾಕರಿಸಿದ್ದಾನೆ. ಹೆಂಡತಿ, ಮಗನ ಕೈಗೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಬಳಿಕ ಶಕೀಲ್, ಆ ಯುವತಿಯ ಜೊತೆಯೇ ಮನೆ ಬಿಟ್ಟು ಪರಾರಿಯಾಗಿದ್ದಾನೆ. ಮನೆಯಲ್ಲಿದ್ದ 2 ಲಕ್ಷ ರೂಪಾಯಿ ಕ್ಯಾಶ್, 17 ಗ್ರಾಂ ಚಿನ್ನ ತೆಗೆದುಕೊಂಡು ಹೋಗಿ ಆ ಯುವತಿಯನ್ನೇ ಮದುವೆಯಾಗಿದ್ದಾನೆ.

ಈ ವರ್ಷದ ಏಪ್ರಿಲ್​​ನಲ್ಲಿ ಇದೇ ಉತ್ತರ ಪ್ರದೇಶ ರಾಜ್ಯದ ಅಲಿಘಡ ಜಿಲ್ಲೆಯಲ್ಲಿ ಹೆಣ್ಣಿನ ತಾಯಿಯೇ ತನ್ನ ಭಾವಿ ಅಳಿಯನ ಜೊತೆಯೇ ಓಡಿ ಹೋಗಿ ಮದುವೆಯಾಗಿದ್ದಳು. ಈಗ ಇದು ಉಲ್ಟಾ ಕೇಸ್. ಇಲ್ಲಿ ಹುಡುಗನ ತಂದೆ, ಭಾವಿ ಸೊಸೆ ಜೊತೆ ಓಡಿ ಹೋಗಿ ಮದುವೆಯಾಗಿದ್ದಾನೆ. ಸಂಬಂಧಗಳಿಗೆ ಬೆಲೆ, ಮೌಲ್ಯ ಯಾವುದು ಇಲ್ಲವಾಗುತ್ತಿದೆ.

ಇದನ್ನೂ ಓದಿ: ಅಖಿಲಾ ಪಜಿಮಣ್ಣು ದಾಂಪತ್ಯದಲ್ಲಿ ಬಿರುಕು.. ಡಿವೋರ್ಸ್ ಅರ್ಜಿ ಬೆನ್ನಲ್ಲೇ ಪತಿ ಜೊತೆಗಿರೋ ಫೋಟೋಸ್ ಡಿಲೀಟ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ