ಮಂಗಳೂರಲ್ಲಿ ಮನೆ ಮಾಲೀಕರೊಬ್ಬರಿಗೆ ಕರೆಂಟ್​​ ಬಿಲ್​ ಶಾಕ್​

ಒಂದೇ ತಿಂಗಳು 7 ಲಕ್ಷ ರೂಪಾಯಿಯ ಬಿಲ್​ ನೋಡಿ ಅಚ್ಚರಿಗೊಂಡ ಮನೆ ಮಾಲೀಕ

ದೊಡ್ಡ ಮೊತ್ತದ ಬಿಲ್​ ನೋಡಿ ಮೆಸ್ಕಾಂ ಕಚೇರಿಗೆ ದೂರು ಕೊಟ್ಟ ಮಾಲೀಕ

ಮಂಗಳೂರು: ಶಕ್ತಿ ಯೋಜನೆ ಜಾರಿಯಾದ ಬೆನ್ನಲ್ಲೇ ಕರೆಂಟ್​ ಬಿಲ್​ ಹೆಚ್ಚಳವಾಗಿದೆ. ಇದೇ ವಿಚಾರವಾಗಿ ಅಲ್ಲೊಂದು ಇಲ್ಲೊಂದು ಸುದ್ದಿಗಳು ಮುನ್ನಲೆಗೆ ಬರುತ್ತಿರುತ್ತವೆ. ಆದರೀಗ ಮನೆ ಮಾಲೀಕನೋರ್ವನಿಗೆ ಬರೋಬ್ಬರಿ 7 ಲಕ್ಷ ರೂಪಾಯಿ ಕರೆಂಟ್​ ಬಿಲ್​ ಬಂದಿರುವ ಘಟನೆ ಗೊತ್ತಾ? ಈ ಸ್ಟೋರಿ ಓದಿ

ಮಂಗಳೂರಿನ ಉಳ್ಳಾಲ ಮೂಲದ ವ್ಯಕ್ತಿಗೆ ಬರೋಬ್ಬರಿ 7 ಲಕ್ಷ ವಿದ್ಯುತ್ ಬಿಲ್ ಬಂದಿದೆ. ಆದರೆ ಇಷ್ಟೊಂದು ದೊಡ್ಡ ಮೊತ್ತದ ಕರೆಂಟ್ ಬಿಲ್ ಕಂಡು ಮನೆ ಮಾಲೀಕ ಶಾಕ್​ ಆಗಿದ್ದಾನೆ.

ಉಳ್ಳಾಲಬೈಲಿನ ನಿವಾಸಿ ಸದಾಶಿವ ಆಚಾರ್ಯ ಕರೆಂಟ್ ಬಿಲ್ ಕಂಡು ಅಚ್ಚರಿಗೊಂಡಿದ್ದಾರೆ. ಇಷ್ಟೊಂದು ಬಿಲ್ ಯಾಕೆಂದು ಕೇಳಿದ್ದಕ್ಕೆ ಮೆಸ್ಕಾಂ ಕಚೇರಿಗೆ ಕೇಳಿ ಎಂದ ರೀಡರ್ ಹೇಳಿದ್ದಾನೆ.

ಮನೆ ಮಾಲೀಕ ಸದಾಶಿವ ಆಚಾರ್ಯ ಬಿಲ್ ರೀಡರ್ ಎಡವಟ್ಟಿ‌ನಿಂದ ಮನೆಯ ವಿದ್ಯುತ್​ ಬಿಲ್​ 7,71,072 ರೂಪಾಯಿ ಬಂದಿದೆ ಎಂದು ಹೇಳಿದ್ದಾರೆ. ರೀಡರ್​ 99,338 ಯೂನಿಟ್ ಖರ್ಚಾಗಿದೆ ಎಂದು ಬಿಲ್​ ನಮೂದಿಸಿದ್ದಾನೆ ಎಂದು ಮನೆ ಮಾಲೀಕ ತಿಳಿಸಿದ್ದಾರೆ.

ಇನ್ನು ಸದಾಶಿವ ಆಚಾರ್ಯ ಅವರಿಗೆ ಪ್ರತಿ ತಿಂಗಳು ಮೂರು ಸಾವಿರದಷ್ಟು ಬಿಲ್ ಬರುತ್ತಿದ್ದು, ಆದರೆ ಒಂದೇ ಬಾರಿ 7 ಲಕ್ಷ ರೂಪಾಯಿ ಬಿಲ್​ ಬಂದಿದ್ದನ್ನು ಕಂಡು ಶಾಕ್ ಆಗಿದ್ದಾನೆ. ಕೊನೆಗೆ ಮೆಸ್ಕಾಂ ಕಚೇರಿಗೆ ದೂರು ನೀಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ