ಮಂಗಳೂರಿಗೂ ತಟ್ಟಿದ ಮಧ್ಯ ಪ್ರಾಚ್ಯ ಉದ್ವಿಗ್ನತೆ! ‘ಇಸ್ರೇಲ್​ ಟ್ರಾವೆಲ್ಸ್​’ನ ಹೆಸರು ಬದಲಾಯಿಸಿದ ಬಸ್​ ಮಾಲೀಕ

ಖಾಸಗಿ ಬಸ್​ನ ಹೆಸರನ್ನು ‘ಇಸ್ರೇಲ್​ ಟ್ರಾವೆಲ್ಸ್​’ನಿಂದ ‘ಜೆರುಸಲೆಂ’ ಎಂದು ಬದಲಾಯಿಸಲು ಒತ್ತಾಯಿಸಿದ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಡೆದಿದೆ.

ಇಸ್ರೇಲ್​ನ ಪ್ರತಿಸ್ಪರ್ಧಿಯಾದ ಇರಾನ್​ ಮತ್ತು ಪಾಲೆಸ್ತೀನ್​ ನಡುವೆ ಭೌಗೋಳಿಕ ಮತ್ತು ರಾಜಕೀಯ ಉದ್ವಿಗ್ನತೆ ನಡೆಯುತ್ತಿದೆ . ಹೀಗಿರುವಾಗ ಭಾರತದಲ್ಲಿ ಈ ಕುರಿತಾಗಿ ಪರ-ವಿರೋಧ ಚರ್ಚೆ ನಡೆಯುತ್ತಿದೆ. ಸಾಮಾಜಿಕ ಜಾಲತಾಣದಲ್ಲೂ ಈ ಕುರಿತಾಗಿ ಪೋಸ್ಟ್​ ಹಂಚಿಕೊಳ್ಳುತ್ತಿದ್ದಾರೆ.

ಇಂತಹ ಸಮಯದಲ್ಲಿ ಮೂಡಬಿದಿರೆ-ಕಿನ್ನಿಗೋಳಿ-ಮುಲ್ಕಿ ಮಾರ್ಗದಲ್ಲಿ ಚಲಿಸುವ ಖಾಸಗಿ ಬಸ್​ನ ಹೆಸರು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ‘ಇಸ್ರೇಲ್​​​ ಟ್ರಾವೆಲ್ಸ್​’ ಎಂಬ ಹೆಸರನ್ನು ನೋಡಿ ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ‘ಜೆರುಸಲೆಂ’ ಎಂದು ಬದಲಾಯಿಸಿ ಎಂದು ಒತ್ತಾಯಿಸಿದ್ದಾರೆ. ಮಾತ್ರವಲ್ಲದೆ ಈ ಕುರಿತಾಗಿ ಪ್ರಕರಣ ದಾಖಲಿಸುವಂತೆ ಪೊಲೀಸರನ್ನು ಕೇಳಿದ್ದಾರೆ.

ಇದನ್ನೂ ಓದಿ: ಅಯ್ಯಪ್ಪ ಸ್ವಾಮಿಯ ವಿವಾದಿತ ಪ್ರಸಾದ ಕೇಸ್​​ನಲ್ಲಿ ಜಾಣ ನಡೆ; 5.5 ಕೋಟಿ ಮೌಲ್ಯದ ‘ಅರವಣ ಪಾಯಸ’ಕ್ಕೆ ಹೊಸ ಟಚ್..!

ಬಸ್​​ ಮಾಲಕರಾದ ಲೆಸ್ಟರ್​ ಕಟೀಲ್​​ ಈ ಕುರಿತಾಗಿ ಮಾತನಾಡಿದ್ದಾರೆ. ‘12 ವರ್ಷದಿಂದ ನಾನು ಇಸ್ರೇಲ್​ನಲ್ಲಿ ಕೆಲಸ ಮಾಡಿದ್ದೇನೆ. ಹೀಗಾಗಿ ಟ್ರಾವೆಲ್​ ಏಜೆನ್ಸಿಗೆ ನಾನು ಇಸ್ರೇಲ್​ ಎಂದು ಹೆಸರಿಟ್ಟಿದ್ದೇನೆ. ನಾನು ಇಸ್ರೇಲ್​​ನಲ್ಲಿ ಇದ್ದಾಗ ಹಲವು ಕೆಲಸ ಮಾಡಿದ್ದೇನೆ. ನಾನು ನನ್ನ ಟ್ರಾವೆಲ್​ ಏಜೆನ್ಸಿ ಪ್ರಾರಂಭಿಸಿದಾಗ ಅದಕ್ಕೆ ಇಸ್ರೇಲ್​ ಎಂದು ಹೆಸರಿಡಲು ಯೋಚಿಸಿದೆ. ಆದರೆ ಕೆಲವು ವರ್ಗದವರು ಇದನ್ನು ವಿರೋಧಿಸಿರೋದು ನನಗೆ ತಿಳಿದಿಲ್ಲ. ನನಗೆ ಉದ್ಯೋಗ ನೀಡಿದ ದೇಶವನ್ನು ಗೌರವಿಸಿ ಹೆಸರಿಟ್ಟಿದ್ದೇನೆ’ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: Mysore Dasara 2024: ಯುವ ದಸರಾದಲ್ಲಿ ಗಾಯಕಿ ಶ್ರೇಯಾ ಘೋಷಾಲ್​ ಕಮಾಲ್​​.. ಇಂದು ಏನಿದೆ ಗೊತ್ತಾ?

ಲೆಸ್ಟರ್​ ಕಟೀಲ್ ಸದ್ಯ ತಮ್ಮ ಬಸ್​ನ ಹೆಸರು ಬದಲಾಯಿಸಿದ್ದಾರೆ. ‘ಇಸ್ರೇಲ್​ ಟ್ರಾವೆಲ್ಸ್​’ನಿಂದ ‘ಜೆರಿಸೇಲಂ’ ಎಂದು ಹೊಸದಾಗಿ ಹೆಸರಿಟ್ಟಿದ್ದಾರೆ. ಕೆಲವರಿಗೆ ಇಸ್ರೇಲ್​​ ಟ್ರಾವೆಲ್ಸ್​ ಅಂತ ಹೆಸರಿಟ್ಟರೆ ಏನು ಸಮಸ್ಯೆ ಎಂದು ತಿಳಿದಿಲ್ಲ. ಪೊಲೀಸರು ಯಾವುದೇ ಆಕ್ಷೇಪಣೆ ವ್ಯಕ್ತಪಡಿಸಿಲ್ಲ. ಆದರೆ ಸಮಸ್ಯೆ ಆಗಬಾರದೆಂದು ಹೆಸರು ಬದಲಾಯಿಸಿದ್ದೇನೆ’ ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ