ಪಾಂಡ್ಯ, ಚಹಾಲ್ ಬೆನ್ನಲ್ಲೇ ಮತ್ತೊಬ್ಬ ಕ್ರಿಕೆಟಿಗನ ದಾಂಪತ್ಯದಲ್ಲಿ ಬಿರುಗಾಳಿ..?

ಟೀಮ್​ ಇಂಡಿಯಾ ಸ್ಪಿನ್ನರ್​​ ಯುಜುವೇಂದ್ರ ಚಹಲ್​ ಡಿವೋರ್ಸ್​ನ ಸುದ್ದಿ ಇನ್ನೂ ಮಾಸಿಲ್ಲ. ಅದಾಗಲೇ ಮತ್ತೊಬ್ಬ ಕ್ರಿಕೆಟಿಗನ ಬಾಳಲ್ಲಿ ಬಿರುಗಾಳಿ ಎದ್ದಿದೆ. ಟೀಮ್​ ಇಂಡಿಯಾ ಕ್ರಿಕೆಟಿಗ, ಕನ್ನಡಿಗ ಮನೀಷ್​ ಪಾಂಡೆ ದಾಂಪತ್ಯ ಜೀವನದ ಹಳಿ ತಪ್ಪಿದೆ ಎಂಬ ಶಾಕಿಂಗ್​ ಸುದ್ದಿ ಇದೀಗ ಹೊರಬಿದ್ದಿದೆ.

2019ರ ಡಿಸೆಂಬರ್​ನಲ್ಲಿ ಶುರುವಾಗಿದ್ದ ದಾಂಪತ್ಯಯಾನ 7 ವರ್ಷಕ್ಕೆ ಅಂತ್ಯದ ಹಾದಿ ಹಿಡಿದಿದೆ. ಮನೀಷ್​ ಪಾಂಡೆ - ಅಶ್ರಿತಾ ಶೆಟ್ಟಿ ನಡುವೆ ಎಲ್ಲವೂ ಸರಿಯಿಲ್ಲಾ ಅನ್ನೋ ಶಾಕಿಂಗ್​ ಸುದ್ದಿ ಸದ್ಯ ಹೊರ ಬಿದ್ದಿದೆ.

ಇದನ್ನೂ ಓದಿ: ರಾತ್ರಿ ನಿದ್ರೆ ಬರ್ತಿಲ್ವಾ? ನೀವು ಚೆನ್ನಾಗಿ ನಿದ್ದೆ ಮಾಡಲು ಏನು ಮಾಡಬೇಕು..?

ಕನ್ನಡಿಗನ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ?

ಕರ್ನಾಟಕದ ಕ್ರಿಕೆಟಿಗ ಮನೀಷ್​ ಪಾಂಡೆ ಬಾಳಲ್ಲಿ ಬಿರುಗಾಳಿ ಎದ್ದಿದೆ ಎಂಬ ರೂಮರ್ಸ್​​ ಸದ್ಯ ಕ್ರಿಕೆಟ್​ ಲೋಕದಲ್ಲಿ ಸದ್ದು ಮಾಡ್ತಿದೆ. ಕಳೆದ ಕೆಲ ತಿಂಗಳ ಹಿಂದೆಯೇ ಭಿನ್ನಾಭಿಪ್ರಾಯದ ಕಾರಣದಿಂದ ಇಬ್ಬರು ದೂರಾಗಿದ್ದು, ಪ್ರತೇಕವಾಗಿ ಜೀವನ ನಡೆಸ್ತಿದ್ದಾರೆ ಎನ್ನಲಾಗ್ತಿದೆ. ಮನೀಷ್​​ ಪಾಂಡೆ ಬೆಂಗಳೂರಿನಲ್ಲಿ ನೆಲೆಸಿದ್ರೆ, ಅಶ್ರಿತಾ ಶೆಟ್ಟಿ ಮುಂಬೈನಲ್ಲಿ ಬೀಡು ಬಿಟ್ಟುದ್ದಾರೆ ಎಂಬ ಮಾಹಿತಿ ಹರಿದಾಡ್ತಿದೆ.

ಇನ್ಸ್​​ಸ್ಟಾದಲ್ಲಿ ಅನ್​ಫಾಲೋ.. ಫೋಟೋಸ್​ ಡಿಲೀಟ್​

ಪಾಂಡೆ- ಅಶ್ರಿತಾ ಶೆಟ್ಟಿ ನಡುವೆ ಎಲ್ಲವೂ ಸರಿಯಿಲ್ಲಾ ಅನ್ನೋ ರೂಮರ್ಸ್​ ಇನ್ಸ್​​ಸ್ಟಾಗ್ರಾಂ ಪುಷ್ಟಿ ನೀಡಿದೆ. ಇನ್ಸ್​​​ಸ್ಟಾಗ್ರಾಂನಲ್ಲಿ ಇಬ್ಬರು ಪರಸ್ಪರ ಅನ್​​ಫಾಲೋ ಮಾಡಿಕೊಂಡಿದ್ದಾರೆ. ಇಬ್ಬರು ಜೊತೆಗಿರುವ ಫೋಟೋಗಳನ್ನೂ, ಇಬ್ಬರೂ ತಮ್ಮ ತಮ್ಮ ಅಕೌಂಟ್​ನಿಂದ ಡಿಲೀಟ್​ ಮಾಡಿದ್ದಾರೆ. ಕಳೆದೊಂದು ವರ್ಷದಿಂದ ಸಾರ್ವಜನಿಕವಾಗಿಯೂ ಇಬ್ಬರೂ ಎಲ್ಲೂ ಕಾಣಿಸಿಕೊಂಡಿಲ್ಲ. ಈ ಎಲ್ಲಾ ವಿಚಾರಗಳು ಡಿವೋರ್ಸ್​ ಗಾಸಿಪ್​ಗೆ ಪುಷ್ಟಿ ನೀಡಿವೆ.

ಮಾತಿಲ್ಲ.. ಕಥೆಯಿಲ್ಲ.. ಸುದೀರ್ಘ ಮೌನ

ಡಿವೋರ್ಸ್​​ನ ರೂಮರ್ಸ್​ ಕ್ರಿಕೆಟ್​ ಹಾಗೂ ಬಾಲಿವುಡ್​​ ಅಂಗಳದಲ್ಲಿ ಸಿಕ್ಕಾಪಟ್ಟೆ ಜೋರಾಗಿ ಸದ್ದು ಮಾಡ್ತಿದೆ. ಮನೀಷ್​ ಪಾಂಡೆಯಾಗಲಿ, ಅಶ್ರಿತಾ ಶೆಟ್ಟಿಯಾಗಲಿ ಈ ಬಗ್ಗೆ ತುಟಿಪಿಟಿಕ್​ ಅಂದಿಲ್ಲ. ಇಬ್ಬರದ್ದೂ ಸುದೀರ್ಘ ಮೌನ. ಈ ಮೌನವೇ ಎಲ್ಲದಕ್ಕೂ ಉತ್ತರ ನೀಡ್ತಿದೆ ಅಂತಾ ಹಲವರು ಅಭಿಪ್ರಾಯಪಡ್ತಿದ್ದಾರೆ. ಅಧಿಕೃತವಾದ ಉತ್ತರ ಸಿಗಲು ಇಬ್ಬರಲ್ಲಿ ಯಾರಾದ್ರೂ ಒಬ್ಬರು ಮೌನ ಮುರಿಯಲೇ ಬೇಕಿದೆ. ಅಲ್ಲಿಯವರೆಗೂ ಇದೊಂದು ರೂಮರ್ಸ್​ ಅಷ್ಟೇ.

ಇದನ್ನೂ ಓದಿ: ಕ್ಯಾಪ್ಟನ್ ರೋಹಿತ್ ಶರ್ಮಾ ಕರಿಯರ್​​ ಅಂತ್ಯಕ್ಕೆ ಮುಹೂರ್ತ ಫಿಕ್ಸ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್