ನನ್ನ ಕಾರು ಇದಲ್ಲ… ಅದು ಎಂದಿದ್ದ ಮನಮೋಹನ್ ಸಿಂಗ್; ಕಾರಣ ಕೇಳಿದ್ರೆ ಶಾಕ್ ಆಗ್ತೀರಾ!

ಮಾಜಿ ಪ್ರಧಾನಿ ಡಾ. ಮನಮೋಹನ್ ಸಿಂಗ್ ನಿಧನರಾಗಿದ್ದಾರೆ. ಡಾ.ಮನಮೋಹನ್ ಸಿಂಗ್ ಜೊತೆಗಿನ ಒಡನಾಟವನ್ನು ಗಣ್ಯಾತಿಗಣ್ಯರು ಸ್ಮರಿಸಿಕೊಂಡಿದ್ದಾರೆ.

ಉತ್ತರ ಪ್ರದೇಶದ ಯೋಗಿ ಸರ್ಕಾರದಲ್ಲಿ ರಾಜ್ಯ ಸಚಿವರಾಗಿರುವ (ಸ್ವತಂತ್ರ ಉಸ್ತುವಾರಿ) ಸಮಾಜ ಕಲ್ಯಾಣ ಸಚಿವ ಆಸೀಮ್ ಅರುಣ್​, ಅವರು ಡಾ.ಮನಮೋಹನ್ ಸಿಂಗ್ ಬಳಿ ಬಾಡಿಗಾರ್ಡ್ ಆಗಿದ್ದರು. ಡಾ.ಮನಮೋಹನ್ ಸಿಂಗ್ ಜೊತೆಗಿನ ತಮ್ಮ ಒಡನಾಟವನ್ನು ಆಸೀಮ್ ಅರುಣ್ ಸ್ಮರಿಸಿದ್ದಾರೆ.

2004ರಿಂದ ಮೂರು ವರ್ಷಗಳ ಕಾಲ ನಾನು ಮನಮೋಹನ್ ಸಿಂಗ್​ರಿಗೆ ಅಂಗರಕ್ಷಕನಾಗಿದ್ದೆ. SPGಯಲ್ಲಿ ಪ್ರಧಾನಿಯ ಭದ್ರತೆಗೆ ಆಂತರಿಕ ತಂಡವಿದೆ. ಕ್ಲೋಸ್​​ ಪ್ರೊಟೆಕ್ಷನ್ ಟೀಂ ಅನ್ನು ಮುನ್ನಡೆಸುವ ಅವಕಾಶ ನನಗೆ ಸಿಕ್ಕಿತ್ತು. ಪ್ರಧಾನಿಯ ಭದ್ರತಾ ತಂಡ ಪ್ರಧಾನಿಯಿಂದ ಎಂದಿಗೂ ದೂರವಿರಲು ಸಾಧ್ಯವಿಲ್ಲ. ಒಮ್ಮೊಮ್ಮೆ ಒಬ್ಬ ವ್ಯಕ್ತಿ ಮಾತ್ರ ಅವರ ಜೊತೆಗೆ ಉಳಿಯಲು ಸಾಧ್ಯವಾಗುವ ಸಂದರ್ಭದಲ್ಲಿ ಅವರ ನೆರಳಿನಂತೆ ಜೊತೆಯಾಗಿ ನಿಲ್ಲುವ ಜವಾಬ್ದಾರಿ ನನ್ನದಾಗಿತ್ತು.

ಡಾ.ಮನಮೋಹನ್ ಸಿಂಗ್ ಸಾಹೇಬರ ಬಳಿ ಒಂದೇ ಒಂದು ಕಾರು ಇತ್ತು. ಅದು ಮಾರುತಿ 800. ಇದು ಪ್ರಧಾನಮಂತ್ರಿ ಕಚೇರಿಯಲ್ಲಿ ಬಿಎಂಡಬ್ಲ್ಯು ಕಾರಿನ ಹಿಂದೆ ನಿಂತಿರುತ್ತಿತ್ತು. ಮನಮೋಹನ್ ಸಾಹೇಬರು ನನಗೆ ಪದೇ ಪದೇ ಹೇಳುತ್ತಿದ್ದರು. ಆಸೀಮ್, ನನಗೆ ಈ BMWನಂತಹ ಕಾರಿನಲ್ಲಿ ಪ್ರಯಾಣಿಸಲು ಇಷ್ಟವಿಲ್ಲ. ನನ್ನ ಕಾರು ಇದು (ಮಾರುತಿ-800) ಎನ್ನುತ್ತಿದ್ದರು.

ಆದರೆ ನಾನು - ಸರ್, ಇದು ನಿಮ್ಮ ಐಷಾರಾಮಿಗಾಗಿ ಅಲ್ಲ. ಅದರ ಭದ್ರತಾ ವೈಶಿಷ್ಟಗಳಿಂದಾಗಿ ಎಸ್​ಪಿಜಿ ಇದನ್ನು ಬಳಸುತ್ತಿದೆ ಎಂದು ನಾನು ವಿವರಿಸುತ್ತಿದ್ದೆ. ಆದರೆ ಮಾರುತಿ ಕಾರು ಹತ್ತಿರದಿಂದ ಹಾದು ಹೋಗುವಾಗ ಅವರನ್ನು ಅದನ್ನು ಹೃದಯ ತುಂಬಿ ನೋಡುತ್ತಿದ್ದರು.

ಇದನ್ನೂ ಓದಿ: ‘ಇದಕ್ಕಿಂತ ಹೆಚ್ಚೇನು ಬೇಡಲಾರೆ‘; ಪ್ರಧಾನ ಮಂತ್ರಿಯಾಗಿ ತಮ್ಮ ಕೊನೆಯ ಭಾಷಣದಲ್ಲಿ ಏನು ಹೇಳಿದ್ದರು ಸಿಂಗ್? 

ನಾನು ಮಧ್ಯಮವರ್ಗದನು. ಜನ ಸಾಮಾನ್ಯರ ಬಗ್ಗೆ ಚಿಂತಿಸುವುದು ನನ್ನ ಕೆಲಸ. ಪ್ರಧಾನಿಯ ಕಾರು ಕೋಟಿ ರೂ. ಮೌಲ್ಯದ್ದು. ನನ್ನದು ಇದು ಮಾರುತಿ-800 ಅಂತ ಮನಮೋಹನ್ ಸಾಹೇಬರು ಹೇಳುತ್ತಿದ್ದರು.

ಹಾಗಂತ ಡಾ.ಮನಮೋಹನ್ ಸಿಂಗ್​ ರವರ ಮಾಜಿ ಅಂಗರಕ್ಷಕ ಸದ್ಯ ಉತ್ತರಪ್ರದೇಶದಲ್ಲಿ ಸಚಿವರಾಗಿರುವ ಆಸೀಮ್ ಅರುಣ್ ಸ್ಮರಿಸುತ್ತಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ