ಟೀಮ್​ ಇಂಡಿಯಾ ಉಪನಾಯಕನಿಗೆ ಮಾಸ್ಟರ್​ ಸ್ಟ್ರೋಕ್​​​; ಈ ಆಟಗಾರನಿಂದ ಗಿಲ್​ ಸ್ಥಾನಕ್ಕೆ ಕುತ್ತು!

ಟೀಮ್​ ಇಂಡಿಯಾ, ನ್ಯೂಜಿಲೆಂಡ್ ತಂಡದ ನಡುವಿನ ಟೆಸ್ಟ್ ಸರಣಿ ಈಗಾಗಲೇ ಶುರುವಾಗಿದೆ. ಈ ಮಹತ್ವದ ಸರಣಿ ನಂತರ ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ಪ್ರವಾಸ ಕೈಗೊಳ್ಳಲಿದೆ. ಪ್ರವಾಸದ ವೇಳೆ ಆಸ್ಟ್ರೇಲಿಯಾ ವಿರುದ್ಧ ಟೀಮ್​​​ ಇಂಡಿಯಾ 5 ಪಂದ್ಯಗಳ ಟೆಸ್ಟ್ ಸರಣಿ ಆಡಲಿದೆ.

ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಸರಣಿ ಭಾರತಕ್ಕೆ ಪ್ರಾಕ್ಟೀಸ್​ ಮಾಡಲು ಬೆಸ್ಟ್​ ಪ್ಲಾಟ್​ಫಾರ್ಮ್​​. ಇದಕ್ಕೆ ಕಾರಣ ಮುಂದಿನ ಟೆಸ್ಟ್​ ಸರಣಿ ಟೀಮ್​ ಇಂಡಿಯಾ ಆಡುತ್ತಿರುವುದು ವಿದೇಶಿ ನೆಲದಲ್ಲಿ ಎಂದರೆ ಆಸ್ಟ್ರೇಲಿಯಾದಲ್ಲಿ. ಹಾಗಾಗಿ ವಿದೇಶಿ ನೆಲದಲ್ಲಿ ಭಾರತ ಕ್ರಿಕೆಟ್​ ತಂಡದ ಆಟಗಾರರು ಉತ್ತಮ ಪ್ರದರ್ಶನ ನೀಡಲಿದ್ದಾರೆ ಅನ್ನೋ ನಿರೀಕ್ಷೆ ಇದೆ. ಕ್ಯಾಪ್ಟನ್​ ರೋಹಿತ್​​ ಶರ್ಮಾ, ವಿರಾಟ್​ ಕೊಹ್ಲಿ, ಕೆ.ಎಲ್​ ರಾಹುಲ್​​, ರಿಷಬ್​ ಪಂತ್​ ಕಾಂಗೂರು ನೆಲದಲ್ಲಿ ಹೇಗೆ ಆಡುತ್ತಾರೆ ಎಂಬುದು ಕುತೂಹಲ ಮೂಡಿಸಿದೆ. ಹೀಗಾಗಿ ಬಾರ್ಡರ್ ಗವಾಸ್ಕರ್ ಟ್ರೋಫಿ ಸರಣಿ ಆರಂಭಕ್ಕೂ ಮುನ್ನ ಯಾರಿಗೆ ಟೀಮ್​ ಇಂಡಿಯಾದಲ್ಲಿ ಸ್ಥಾನ ಸಿಗಲಿದೆ ಅನ್ನೋ ಚರ್ಚೆ ಜೋರಾಗಿದೆ. ಇದರ ಮಧ್ಯೆ ಬಿಸಿಸಿಐಗೆ ಟೀಮ್​ ಇಂಡಿಯಾದ ಉಪನಾಯಕ ಶುಭ್ಮನ್​ ಗಿಲ್​ ಸ್ಥಾನದ ಬಗ್ಗೆ ಚಿಂತೆ ಶುರುವಾಗಿದೆ.

ಗಿಲ್​ ಬದಲಿಗೆ ಸರ್ಫರಾಜ್​ಗೆ ಸ್ಥಾನ

ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ಶುಭ್ಮನ್​​ ಗಿಲ್​​​. ಇವರು ಬೆಂಗಳೂರು ಟೆಸ್ಟ್‌ ಪಂದ್ಯಕ್ಕೂ ಮುನ್ನ ಗಾಯಕ್ಕೆ ತುತ್ತಾಗಿದ್ದರು. ಗಾಯಕ್ಕೆ ತುತ್ತಾದ ಕಾರಣ ಗಿಲ್​​ ಬದಲಿಗೆ ಸರ್ಫರಾಜ್ ಖಾನ್​ಗೆ ಅವಕಾಶ ನೀಡಲಾಯ್ತು. ಗಿಲ್‌ 3ನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡುತ್ತಾರೆ. ಈ ಕ್ರಮಾಂಕದಲ್ಲಿ ಕೊಹ್ಲಿ ಬ್ಯಾಟ್ ಬೀಸಿದ ಪರಿಣಾಮ 4ನೇ ಕ್ರಮಾಂಕವನ್ನು ಸರ್ಫರಾಜ್‌ಗೆ ಬಿಟ್ಟು ಕೊಡಲಾಯ್ತು. ಸಿಕ್ಕ ಅವಕಶಾದಲ್ಲಿ ಸರ್ಫರಾಜ್‌ ಅಮೋಘ ಬ್ಯಾಟಿಂಗ್ ನಡೆಸಿದರು.

ಅಂತರಾಷ್ಟ್ರೀಯ ಕ್ರಿಕೆಟ್​​ನಲ್ಲಿ ಚೊಚ್ಚಲ ಶತಕ

ನ್ಯೂಜಿಲೆಂಡ್‌ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯದ 2ನೇ ಇನಿಂಗ್ಸ್‌ನಲ್ಲಿ ಸರ್ಫರಾಜ್​ ಖಾನ್​ ಅವರು ತಮ್ಮ ಇಂಟರ್​ ನ್ಯಾಷನಲ್​ ಕ್ರಿಕೆಟ್​​ನಲ್ಲಿ ಚೊಚ್ಚಲ ಶತಕ ಸಿಡಿಸಿದ್ರು. ಪಂದ್ಯದ 4ನೇ ದಿನದಾಟದ ಪಂದ್ಯ ಆರಂಭವಾದಾಗ ಟೀಮ್​ ಇಂಡಿಯಾ ಯುವ ಬ್ಯಾಟರ್​ ಸರ್ಫರಾಜ್ ಖಾನ್ ಮೇಲೆ ಎಲ್ಲರ ಚಿತ್ತ ನೆಟ್ಟಿತ್ತು. ಶುಕ್ರವಾರ 70 ರನ್‌ ಸಿಡಿಸಿ ಅಜೇಯರಾಗಿ ಉಳಿದಿದ್ದ ಸರ್ಫರಾಜ್​​ ಅವರು ಇಂದು ಅಬ್ಬರಿಸಿದ್ರು. ಅಗ್ರೆಸ್ಸಿವ್​ ಆಗಿ ಬ್ಯಾಟ್​ ಬೀಸಿದ ಇವರು ಕೇವಲ 110 ಎಸೆತಗಳಲ್ಲಿ ಮೊದಲ ಶತಕ ದಾಖಲಿಸಿದ್ರು. ಈ ಮೂಲಕ ತನ್ನನ್ನು ಮುಂದಿನ ಟೆಸ್ಟ್​ ಸರಣಿಗೂ ಪರಿಗಣಿಸಿ ಎಂದು ವಾರ್ನಿಂಗ್​ ಕೊಟ್ಟರು. ಇನ್ನೂ ಕ್ರೀಸ್​ನಲ್ಲೇ ಇದ್ದು ಬ್ಯಾಟಿಂಗ್​ ಮಾಡುತ್ತಿದ್ದಾರೆ. ಬರೋಬ್ಬರಿ 150 ರನ್​ ಸಿಡಿಸಿದ್ದು, 18 ಫೋರ್​​ ಮತ್ತು 3 ಸಿಕ್ಸರ್​​​ ಬಾರಿಸಿದ್ದಾರೆ. ಹಾಗಾಗಿ ಇವರಿಗೆ ಆಸ್ಟ್ರೇಲಿಯಾದ ವಿರುದ್ಧ ಸೀರೀಸ್​ಗೆ ಅವಕಾಶ ಸಿಗುವ ಸಾಧ್ಯತೆ ಇದ್ದು, ಗಿಲ್​​ಗೆ ಇದು ಬಿಗ್​ ಶಾಕ್​ ಆಗಿದೆ.

ಇದನ್ನೂ ಓದಿ:4,4,4,4,4,4,4,4,4,4,4,4,4,4,4,4,4,4; ಟೀಮ್​ ಇಂಡಿಯಾಗೆ ಎಚ್ಚರಿಕಾ ಸಂದೇಶ ಕೊಟ್ಟ ಸ್ಫೋಟಕ ಬ್ಯಾಟರ್​​​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ