ಅನುರಾಧಾ ಎಂಬ ಪತ್ರಕರ್ತೆಯೊಂದಿಗೆ ಪ್ರೀತಿಯಲ್ಲಿ ಬಿದ್ದಿದ್ದು ಹೇಗೆ ಆನಂದ್ ಮಹಿಂದ್ರಾ! ಇಲ್ಲಿದೆ ಕರೋಡ್​ಪತಿಯ ಪ್ರೇಮ್ ಕಹಾನಿ

ಮಹಿಂದ್ರ ಅಂಡ್ ಮಹಿಂದ್ರ ಕಂಪನಿಯ ಚೇರ್​ಮನ್, ಕೋಟ್ಯಾಧಿಪತಿ ಆನಂದ್ ಮಹಿಂದ್ರ ಹೆಸರು ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ? ಅವರು ಇಂದಿಗೂ ತಮ್ಮ ವಿಶೇಷ ಪೋಸ್ಟ್​ಗಳೊಂದಿಗೆ ಸೋಷಿಯಲ್ ಮಿಡಿಯಾದಲ್ಲಿ ಆ್ಯಕ್ಟಿವ್ ಆಗಿಯೇ ಇದ್ದಾರೆ. ದುಡಿಯುವ ಹುಮ್ಮನಸ್ಸುಗಳಿಗೆ ನೆರವಾಗುತ್ತಾ ಹಲವರಿಗೆ ಪ್ರೇರಣೆಯಾಗಿದ್ದಾರೆ. ಅವರ ಒಂದು ಪೋಸ್ಟ್ ಅದೆಷ್ಟೋ ದಿನಗಳ ಕಾಲ ಟ್ರೆಂಡಿಂಗ್​ನಲ್ಲಿಯೇ ಇರುತ್ತೆ. ಆನಂದ್ ಮಹಿಂದ್ರ ಅವರ ಬಗ್ಗೆ ಎಲ್ಲರಿಗೂ ಗೊತ್ತು. ಆದ್ರೆ ಅವರ ಕುಟುಂಬ ಅಂದ್ರೆ ಅವರ ಪತ್ನಿ, ಅವರ ಮಕ್ಕಳ ಬಗ್ಗೆ ಬಹುತೇಕರಿಗೆ ಗೊತ್ತಿಲ್ಲ. ನಿಮಗೆ ಗೊತ್ತಿರಲಿ ಆನಂದ್ ಮಹಿಂದ್ರ ಅವರದು ಪಕ್ಕಾ ಲವ್ ಮ್ಯಾರೆಜ್​. ತಮ್ಮ ಪ್ರೇಯಸಿಗೆ ಅವರು ಅಕ್ಷರಶಃ ಸಿನಿಮಾ ಶೈಲಿಯಲ್ಲಿಯೇ ಪ್ರೇಮ ನಿವೇದನೆ ಮಾಡಿದ್ದು ಅಂದ್ರೆ ನೀವು ನಂಬಲೇಬೇಕು.

ಯಾರು ಆನಂದ ಮಹಿಂದ್ರಾರ ಪತ್ನಿ
ಆನಂದ್ ಮಹಿಂದ್ರ ಅವರ ಪತ್ನಿಯ ಹೆಸರು ಅನುರಾಧ, ಕೇವಲ ಈ ಕೋಟ್ಯಾಧಿಪತಿಯ ಪತ್ನಿಯಾಗಿ ಮಾತ್ರ ಜಗತ್ತಿಗೆ ಪರಿಚಯವಾದವರಲ್ಲ. ಅವರೊಬ್ಬರು ಯಶಸ್ವಿ ಪತ್ರಕರ್ತೆಯೂ ಕೂಡ ಹೌದು. ಅವರು ಈ ಹಿಂದೆ ವೆರ್ವ್​ ಎಂಬ ನಿಯತಕಾಲಿಕೆಯಲ್ಲಿ ತಮ್ಮದೊಂದು ಹೆಸರು ಗುರುತಿಸಿಕೊಂಡವರು. ಮುಂದೆ ಮ್ಯಾನ್ಸ್ ವರ್ಲ್ಡ್​ ಮ್ಯಾಗ್ಜಿನ್​ನಲ್ಲಿಯೂ ಕೂಡ ಪ್ರೊಡಕ್ಷನ್ ವಿಭಾಗವನ್ನು ನಿಭಾಯಿಸಿದವರು.

ಇದನ್ನೂ ಓದಿ:6 ವರ್ಷ ಡೇಟಿಂಗ್..! ರೋಹಿತ್ ಲೈಫ್ ಸ್ಟೈಲ್ ಹಿಂದಿನ ಸೂತ್ರಧಾರಿ ಈಕೆ..! Photo

ಮುಂಬೈನಲ್ಲಿ ಜನಿಸಿದ ಅನುರಾಧ ಮಹಿಂದ್ರ ಅವರು ಸೊಪಿಯಾ ಕಾಲೇಜ್​ನಲ್ಲಿ ಓದಿದವರು. ಅವರು ತಮ್ಮ 17ನೇ ವಯಸ್ಸಿನಲ್ಲಿಯೇ ಮೊದಲು ಆನಂದ ಮಹಿಂದ್ರಾರರನ್ನು ಭೇಟಿಯಾಗಿದ್ದರು. ಆನಂದ ಮಹಿಂದ್ರಾ ಅವರು ತಮ್ಮದೊಂದು ಫಿಲ್ಮ್​ ಪ್ರಾಜೆಕ್ಟ್​ನ್ನು ಮುಗಿಸುವ ವೇಳೆ ಎರಡನೇ ಬಾರಿ ಅನುರಾಧರನ್ನ ಇಂದೋರ್​ನಲ್ಲಿ ಭೇಟಿಯಾದರು. ಆನಂದ್ ಮಹಿಂದ್ರಾ ಆ ವೇಳೆ ಹಾರ್ವರ್ಡ್​ ವಿಶ್ವವಿದ್ಯಾಲಯದಲ್ಲಿ ಫಿಲ್ಮ್​ಮೇಕಿಂಗ್ ಅಂಡ್ ಆರ್ಕಿಟೆಕ್ಚರ್ ಕೋರ್ಸ್​ ಕಲಿಯುತ್ತಿದ್ದರು. ಇದೇ ವೇಳೆ ಇಂದೋರ್​ನಲ್ಲಿ ಮತ್ತೊಮ್ಮೆ ಅನುರಾಧರನ್ನು ಕಣ್ತುಂಬಿಕೊಂಡ ಆನಂದ ಮಹಿಂದ್ರ ಅವರಿಗೆ ಅವರ ಪ್ರೀತಿಯಲ್ಲಿ ಬೀಳಲು ಹೆಚ್ಚು ಸಮಯ ಹಿಡಿಯಲಿಲ್ಲ.

ಇದನ್ನೂ ಓದಿ: Inspiring story: ಅಂದು ಗೋಪಾಲಕನಾಗಿ ತಿಂಗಳಿಗೆ 80 ರೂ ಸಂಬಳ.. ಇಂದು ವರ್ಷಕ್ಕೆ 8 ಕೋಟಿ ಸಂಪಾದನೆ..!
ಒಂದು ದಿನ ಅಕ್ಷರಶಃ ಸಿನಿಮಾ ಶೈಲಿಯಲ್ಲಿ ತಮ್ಮ ಪ್ರೇಮ ನಿವೇದನೆಯನ್ನು ಅನುರಾಧ ಎದುರಿಗೆ ಮಾಡಿಕೊಂಡರು ಆನಂದ್​. ತಮ್ಮ ತಾಯಿಯ ಉಂಗುರವನ್ನು ಅನುರಾಧಾ ಅವರಿಗೆ ನೀಡಿ ಪ್ರಪೋಸ್ ಮಾಡಿದ ಮೇಲೆ ಈ ಜೋಡಿ ಮುಂದೆ ಆತ್ಮಸಂಗಾತಿಗಳಾಗಿ ಬಾಳಲು ನಿರ್ಧಾರ ಮಾಡಿತು. 1985, ಜೂನ್ 17ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಈ ಜೋಡಿ, ಹೊಸ ಬದುಕು ಸಾಗಿಸಲು ಅಮೆರಿಕಾಗೆ ಹಾರಿತು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ