ಟೀಂ ಇಂಡಿಯಾ ಡ್ರೆಸ್ಸಿಂಗ್​ ರೂಮ್​​ನಲ್ಲಿ ಮಿಸ್ಟರಿ ಗರ್ಲ್.. ಯಾರು ಈ ಹುಡುಗಿ..?​

ಇಂಡೋ-ಇಂಗ್ಲೆಂಡ್​ ನಡುವಿನ ಮೊದಲ ಟೆಸ್ಟ್​​ ಪಂದ್ಯ ಅಂತಿಮ ಘಟ್ಟ ತಲುಪಿದೆ. ಗೆಲುವಿಗಾಗಿ ಉಭಯ ತಂಡಗಳು ಜಿದ್ದಾಜಿದ್ದಿನ ಹೋರಾಟ ನಡೆಸ್ತಿದ್ದು, ಇಂದಿನ ಕೊನೆಯ ದಿನದಾಟ ಸಖತ್​ ಕುತೂಹಲ ಹುಟ್ಟು ಹಾಕಿದೆ. ಈ ಟೆಸ್ಟ್​ ಮ್ಯಾಚ್​ನ ಇಂಟರೆಸ್ಟಿಂಗ್​ ಫೈಟ್​ನ ನಡುವೆ ಮಿಸ್ಟರಿ ಗರ್ಲ್​ ಒಬ್ಬಳು ಸೋಷಿಯಲ್​ ಮೀಡಿಯಾದಲ್ಲಿ ಸಖತ್​​ ಸದ್ದು ಮಾಡ್ತಿದ್ದಾಳೆ.

ಇದನ್ನೂ ಓದಿ:ಶತಕ ಬಾರಿಸ್ತಿದ್ದಂತೆ ಪಲ್ಟಿ ಹೊಡಿ ಎಂದ ಗವಾಸ್ಕರ್​.. ಪಂತ್​​ ಪ್ರತಿಕ್ರಿಯೆ ಹೇಗಿತ್ತು? ಹೃದಯಗೆದ್ದ ವಿಡಿಯೋ..!

[caption id="attachment_128845" align="alignnone" width="800"] ರಾಜಲ್​ ಅರೋರಾ[/caption]

ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್​ ಟಫ್​ ಫೈಟ್​ ನೀಡಿರುವ ಟೀಮ್​ ಇಂಡಿಯಾ, ಸರಣಿಯಲ್ಲಿ ಶುಭಾರಂಭ ಮಾಡೋ ಲೆಕ್ಕಾಚಾರ ಹಾಕ್ತಿದೆ. ಡ್ರೆಸ್ಸಿಂಗ್​ ರೂಮ್​ನಲ್ಲಿ ಗೆಲುವಿನ ಚರ್ಚೆ ಜೋರಾಗಿ ನಡೀತಿದ್ದು, ಇಡೀ ತಂಡ ತಂತ್ರ-ರಣತಂತ್ರಗಳ ಮೊರೆಹೋಗಿದೆ. ಇದೇ ಸಮಯದಲ್ಲಿ ಟೀಮ್​ ಇಂಡಿಯಾದ ಡ್ರೆಸ್ಸಿಂಗ್​​ ರೂಮ್​ನಲ್ಲಿರೋ ಮಿಸ್ಟರಿ ಗರ್ಲ್​​ ಬಗ್ಗೆ ಚರ್ಚೆ ನಡೀತಿದೆ.

ರೂಮ್​ನಲ್ಲಿ ‘ಮಿಸ್ಟರಿ’ ಗರ್ಲ್​.!

ಲೀಡ್ಸ್​​ ಟೆಸ್ಟ್​ ಪಂದ್ಯದ ಮೊದಲ ದಿನದಾಟ ಅಂತ್ಯವಾದ ಬಳಿಕ ಬಿಸಿಸಿಐ ಒಂದು ವಿಡಿಯೋ ಹಂಚಿಕೊಂಡಿತ್ತು. ಟೆಸ್ಟ್​ನ​ ಮೊದಲ ದಿನದಾಟದಲ್ಲೇ ಬಿಗಿ ಹಿಡಿತ ಸಾಧಿಸಿದ ಸಂಭ್ರಮ ಡ್ರೆಸ್ಸಿಂಗ್​ ರೂಮ್​ನಲ್ಲಿ ಮನೆ ಮಾಡಿತ್ತು. ಆಟಗಾರರು ತಂಡಕ್ಕೆ ವಾಪಾಸ್ಸಾಗ್ತಿದ್ದ ವೇಳೆ ಸಪೋರ್ಟ್​​ ಸ್ಟಾಫ್​​ ಚಪ್ಪಾಳೆ ತಟ್ಟಿ ಸ್ವಾಗತಿಸ್ತಾ ಇದ್ರು. ಇದೇ ವೇಳೆ ನೋಡಿ ಈ ಮಿಸ್ಟರಿ ಗರ್ಲ್​ ಕಾಣಿಸಿಕೊಂಡಿದ್ದು.
ಈ ಮಿಸ್ಟರಿ ಗರ್ಲ್​ ಟೀಮ್​ ಇಂಡಿಯಾ ಡ್ರೆಸ್ಸಿಂಗ್​ ರೂಮ್​ನಲ್ಲಿ ಕಾಣಿಸಿಕೊಂಡಿದ್ದೇ ತಡ ಸೋಷಿಯಲ್​ ಮೀಡಿಯಾ ಟ್ರೆಂಡ್​​ ಸೃಷ್ಟಿಯಾಗಿದೆ.

[caption id="attachment_128846" align="alignnone" width="800"] ರಾಜಲ್​ ಅರೋರಾ[/caption]

ಈಕೆ ಯಾರು ಅನ್ನೋ ಪ್ರಶ್ನೆಗೆ ಉತ್ತರದ ಹುಡುಕಾಟ ಜೋರಾಗಿ ನಡೀತಿದೆ. ಅಂದ್ಹಾಗೆ ಆ ಮಿಸ್ಟರಿ ಗರ್ಲ್​ ಬೇರ್ಯಾರೋ ಹೊರಗಿನವರಲ್ಲ. ಟೀಮ್​ ಇಂಡಿಯಾದ ಒನ್​ ಆಫ್​ ದ ಸಪೋರ್ಟ್​ ಸ್ಟಾಫ್​. ಹೆಸರು ಅನಯಾ ಶ್ರೀಧರ್​​ ಅಂತಾ.. sports and exercise psychologist. ಹೊಸದಾಗಿ ಟೀಮ್​ ಇಂಡಿಯಾಗೆ ಎಂಟ್ರಿ ಕೊಟ್ಟಿರೋ ಅನಯಾ ಶ್ರೀಧರ್​​ ವಿಶೇಷ ಜವಾಬ್ದಾರಿ ನಿಭಾಯಿಸ್ತಿದ್ದಾರೆ.

ಅನಯಾ ಶ್ರೀಧರ್​ ಕೆಲಸ ಏನು.?

sports and exercise psychologist ಅನಯಾ ಶ್ರೀಧರ್​ ಪ್ರಮುಖವಾಗಿ​​ ಆಟಗಾರರಿಗೆ ಮಾನಸಿಕವಾಗಿ ಧೈರ್ಯ ತುಂಬುವ ಕೆಲಸವನ್ನ ಮಾಡ್ತಾರೆ. ಸ್ಟ್ರೆಸ್​​​ ಮ್ಯಾನೇಜ್​ಮೆಂಟ್​ ಹಾಗೂ ಆಂಗ್ಸೈಟಿಯನ್ನ ಪರಿಣಾಮಕಾರಿಯಾಗಿ ನಿಭಾಯಿಸಲು ಅಗತ್ಯ ನೆರವು ನೀಡ್ತಾರೆ. ಆಟಗಾರರ ಅಥ್ಲೆಟಿಕ್ ಹಾಗೂ ಎಕ್ಸಸೈಸ್​ ಆ್ಯಕ್ಟಿವಿಟಿಗಳ ನಡುವೆ ಹೊಂದಾಣಿಕೆ, ಇಂಜುರಿ ರಿಹ್ಯಾಬ್​ ವೇಳೆಯೂ ಆಟಗಾರರಿಗೆ ಅಗತ್ಯ ನೆರವು ನೀಡ್ತಾರೆ. ಟೀಮ್​ ಇಂಡಿಯಾ ಡ್ರೆಸ್ಸಿಂಗ್​ ರೂಮ್​ನಲ್ಲಿ ಅನಯಾ ಶ್ರೀಧರ್​ ಮಾತ್ರವಲ್ಲ. ಮತ್ತೊಬ್ಬರು ಮಹಿಳೆ ಕೂಡ ಇದ್ದಾರೆ. ಅವ್ರ ಹೆಸರು ರಾಜಲ್​ ಅರೋರಾ.

[caption id="attachment_128843" align="alignnone" width="800"] ರಾಜಲ್​ ಅರೋರಾ[/caption]

ರಾಜಲ್​ ಅರೋರಾ ಟೀಮ್​ ಇಂಡಿಯಾದ ಡಿಜಿಟಲ್​ ಮೀಡಿಯಾದ ಮ್ಯಾನೇಜರ್​. ಬಿಸಿಸಿಐನ ಸೋಷಿಯಲ್​ ಮೀಡಿಯಾ ಅಕೌಂಟ್​​ಗಳನ್ನ ಹ್ಯಾಂಡಲ್​ ಮಾಡೋದು, ಕಂಟೆಟ್​ ಕ್ರಿಯೇಟ್​ ಮಾಡೋದು ಇವ್ರ ಮುಖ್ಯ ಕೆಲಸ. ಆಗಾಗ ಬಿಸಿಸಿಐ ಹಂಚಿಕೊಳ್ಳೋ ಸ್ಪೆಷಲ್​ ಇಂಟರ್​ ವ್ಯೂಗಳ ಹಿಂದಿನ ರೂವಾರಿ ಇವ್ರೆ. ಟೀಮ್​ ಇಂಡಿಯಾ ಅಂದಾಕ್ಷಣ ಥಟ್​ ಅಂತಾ ನೆನಪಾಗೋದು ಆಟಗಾರರು ಮಾತ್ರ. ಆದ್ರೆ, ಆಟಗಾರರ ಪರ್ಫಾಮೆನ್ಸ್​ ಹಿಂದೆ ಒಂದು ದೊಡ್ಡ ಟೀಮೇ ಇರುತ್ತೆ. ಆ ಟೀಮ್​ನಲ್ಲಿ ಇಬ್ಬರು ಮಹಿಳಾ ಮಣಿಗಳೂ ಇರೋದು ಹೆಮ್ಮೆಯ ವಿಚಾರ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ