ಈ ಸ್ಮಾರ್ಟ್​​ ಗ್ಲಾಸ್ ಧರಿಸಿದ್ರೆ ಫೋನ್ ಟಚ್ ಮಾಡುವ ಅವಶ್ಯಕತೆ ಇಲ್ಲ.. ಮೆಟಾ ಹೊಸ ಸಂಚಲನ..!

ತಂತ್ರಜ್ಞಾನ ಲೋಕದಲ್ಲಿ ಸಂಚಲನ ಸೃಷ್ಟಿಸಲು ಫೇಸ್​ಬುಕ್​ನ ಮಾತೃ ಸಂಸ್ಥೆ ಮೆಟಾ ಸಿದ್ಧವಾಗಿದೆ. ರೇ-ಬ್ಯಾನ್ ಸ್ಮಾರ್ಟ್ ಗ್ಲಾಸ್‌ಗಳ (Ray-ban smart glasses) ನವೀಕರಿಸಿದ ಆವೃತ್ತಿ ಪರಿಚಯಿಸಲು ಹೊರಟಿದೆ.

ಈ ಹೊಸ ಕನ್ನಡಕವು ಆನ್-ಲೆನ್ಸ್ ಡಿಸ್​​ಪ್ಲೇ ಹೊಂದಿರುತ್ತದೆ. ಇದು ಬಳಕೆದಾರರ ಸಂದೇಶಗಳು, ನಿರ್ದೇಶನಗಳು ಮತ್ತು ಡಿಜಿಟಲ್ ಓವರ್‌ಲೇಗಳನ್ನು (Digital overlay) ಅವರ ಕಣ್ಣುಗಳ ಮುಂದೆ ತೋರಿಸುತ್ತದೆ. ಅಂದರೆ ಈ ಸ್ಮಾರ್ಟ್ ಡಿವೈಸ್ ಸ್ಮಾರ್ಟ್ ಫೋನ್ ನಂತೆ ಕೆಲಸ ಮಾಡಲಿದೆ. ಸಂದೇಶಗಳ ಅಲರ್ಟ್​, ವಿಡಿಯೋ ಕರೆಗಳು, ಫೋಟೋಗಳನ್ನು ತೆಗೆದುಕೊಳ್ಳುತ್ತದೆ.

ಇದನ್ನೂ ಓದಿ: ಸಂಚಲನ ಸೃಷ್ಟಿಸಿದ ಶಮಿ-ಸಾನಿಯಾ AI ಫೋಟೋ; ನಕಲಿ ಚಿತ್ರ ಪತ್ತೆ ಮಾಡೋದು ಹೇಗೆ..?

ಈ ಕನ್ನಡಕ ಹಾಕಿಕೊಂಡ ಮೇಲೆ ನೀವು ನಿಮ್ಮ ಮೊಬೈಲ್ ಫೋನ್ ತೆಗೆಯುವ ಅಗತ್ಯ ಇರುವುದಿಲ್ಲ. ಆ ಮೋಲಕ ಮೆಟಾದ Apple ಮತ್ತು Google ನಂತಹ ದೈತ್ಯ ಕಂಪನಿಯೊಂದಿಗೆ ನೇರ ಸ್ಪರ್ಧೆಗೆ ಇಳಿಯಲು ಮುಂದಾಗಿದೆ. ರೇ-ಬ್ಯಾನ್ ಸಹಯೋಗದೊಂದಿಗೆ ಮೆಟಾ ಈಗಾಗಲೇ ಸ್ಮಾರ್ಟ್ ಗ್ಲಾಸ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಇದೀಗ ಅಪ್​ಡೇಟ್​ ವರ್ಸನ್​​ ಪರಿಚಯಿಸಲು ಮುಂದಾಗಿದೆ.

ಮೆಟಾದ ಸ್ಮಾರ್ಟ್​ ಗ್ಲಾಸ್​ಗಳು ಇಲ್ಲಿಯವರೆಗೆ ಯಶಸ್ವಿ ಕಂಡಿವೆ. ಇವು ಸಾಮಾನ್ಯವಾಗಿ ಸನ್​ಗ್ಲಾಸ್​ಗಳಂತೆ ಕಾಣುತ್ತವೆ. ಬಳಕೆದಾರರಿಗೆ ಸುಲಭ ಮತ್ತು ಅನುಕೂಲಕರ ಫೀಚರ್ ನೀಡುತ್ತದೆ. ಈ ಗ್ಲಾಸ್‌ಗಳ AI ಫೀಚರ್ಸ್​, ಸ್ಪೀಕರ್‌ಗಳೊಂದಿಗೆ ಸಂಪರ್ಕ ಸಾಧಿಸುತ್ತದೆ.

ಇದನ್ನೂ ಓದಿ:ಭಾಷೆ ಇನ್ಮುಂದೆ ಅಡ್ಡಿ ಆಗಲ್ಲ; WhatsAppನಿಂದ ಬಳಕೆದಾರರಿಗೆ ಗುಡ್​​ನ್ಯೂಸ್​..!

ವರದಿಗಳ ಪ್ರಕಾರ.. ಈ ಸ್ಮಾರ್ಟ್ ಗ್ಲಾಸ್ 2025 ರಲ್ಲಿ ಬಿಡುಗಡೆ ಆಗುವ ನಿರೀಕ್ಷೆ ಇದೆ. ನಯವಾದ ವಿನ್ಯಾಸ, ಉತ್ತಮ ಬ್ಯಾಟರಿ ಸಪೋರ್ಟ್, ಕ್ವಾಲಿಟಿ ಕ್ಯಾಮೆರಾ ಹೊಂದಿದೆ. ಥರ್ಡ್-ಪಾರ್ಟಿ ಡೆವಲಪರ್‌ಗಳನ್ನು ಸೇರಿಸಲು ಮೆಟಾ ಪ್ಲಾನ್ ಮಾಡಿದೆ. ಈ ಗ್ಲಾಸ್‌ಗಳಿಗೆ ಕಸ್ಟಮ್ ಅಪ್ಲಿಕೇಶನ್‌ಗಳ ಸೌಲಭ್ಯವೂ ಲಭ್ಯವಿರುತ್ತದೆ.

ಆ ಮೂಲಕ ಮೆಟಾ ಹೊಸ ಹೆಜ್ಜೆಯನ್ನಿಟ್ಟಿದೆ. ಇದರಿಂದ ನಾವು ಜಗತ್ತನ್ನು ನೋಡುವ ವಿಧಾನ ಬದಲಾಗಬಹುದು. ತಂತ್ರಜ್ಞಾನದ ಓಟದಲ್ಲಿ ಮೆಟಾದ ಈ ದಿಟ್ಟ ನಡೆ ಎಷ್ಟು ದೂರ ಹೋಗಲಿದೆ ಅನ್ನೋದು ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ:ಗ್ರಾಹಕರಿಗೆ ಗುಡ್​ನ್ಯೂಸ್ ಕೊಟ್ಟ Jio.. ಬಂದಿದೆ ಹೊಚ್ಚ ಹೊಸ 3 ತಿಂಗಳ ಪ್ಲಾನ್, ಟ್ರೈ ಮಾಡಿ!