MG MOTORS ಇಂದ ಮೊದಲ EV ರೋಡ್​ಸ್ಟರ್​ ಕಾರು.. ಎಲ್ಲರೂ ಕೊಂಡುಕೊಳ್ಳಬಹುದಾ?

ಈ ರೋಡ್​ಸ್ಟರ್​ ಮಾದರಿ ಕಾರು ಇದೆ ಅಲ್ಲಾ, ಇದನ್ನು ನಾವು ಎಲ್ಲೇ ನೋಡಿದ್ರೂ ಒಂದು ಕ್ಷಣ ಅದನ್ನು ನಾವು ನೀಟಾಗ ಗಮನಿಸ್ತೀವಿ. ಯಾಕಂದ್ರೆ ಈ ಕಾರ್​ನ ಲುಕ್​ ಆ ರೀತಿ ಇರುತ್ತೆ. ಅದು ಯಾವುದೇ ಕಂಪನಿ ಕಾರ್​ ಆಗಿರಬಹುದು. ಆ ರೇಂಜಿಗೆ ಅದರ ಲುಕ್​ ಹಾಗೂ ಫೀಲ್ ಇರುತ್ತೆ. ಯಾಕಂದ್ರೆ ಇದರ ಕ್ಲ್ಯಾಸಿ ಡಿಸೈನ್​, ಇದರಲ್ಲಿರೋ ಟೆಕ್ನಾಲಜಿ ಹಾಗೂ ಎಲ್ಲಕ್ಕಿಂತ ಹೆಚ್ಚಾಗಿ ಇದರ ರಿಚ್​ನೆಸ್​ ಕಾಣಿಸುತ್ತೆ.

ಮೊದಲನೇಯದ್ದಾಗಿ ಈ ರೋಡ್​ಸ್ಟರ್​ ಮಾದರಿಯ ಕಾರುಗಳು ಅಂದ್ರೆ ಓಪನ್ ಎರಡು ಸೀಟರ್​ ಹೊಂದಿರುವ ಹಾಗೂ ಸ್ಪೋರ್ಟ್ಸ್ ಕಾರ್​ ರೀತಿ ಇರುತ್ತೆ. ಸಖತ್ ಕ್ಲ್ಯಾಸಿ ಲುಕ್ಸ್​ ಹೊಂದಿರುವ ಐಷಾರಾಮಿ ಕಾರ್ ಇದಾಗಿದೆ. ಸೋ ಇಂತಹ ಕಾರ್​ಗಳನ್ನು ಯಾರೇ ನೋಡಿದ್ರೂ ಕೂಡ ಫಿದಾ ಆಗದೇ ಇರೋದಿಲ್ಲ.

ಇನ್ನು ಈ ವಿಷ್ಯವನ್ನು ಯಾಕೆ ಈಗ ಪ್ರಸ್ತಾಪ ಮಾಡ್ತಾ ಇದ್ದೀವಿ ಅಂದ್ರೆ ನಮ್ಮ ದೇಶದ EV ಸೆಗ್​ಮೆಂಟ್​ನಲ್ಲಿ ಬಹಳ ಚೆನ್ನಾಗಿ ಪರ್ಫಾಮ್​ ಮಾಡ್ತಾ ಇರೋ MG MOTORS ಇದೀಗ ಮತ್ತೊಂದು ಹೊಸ ಕಾರನ್ನು ಮಾರುಕಟ್ಟೆಗೆ ತರೋಕೆ ಹೊರಟಿದೆ. ಮಜಾ ಏನ್​ ಗೊತ್ತಾ? ಇದು ಒಂದು ರೋಡ್​ಸ್ಟರ್​ ಮಾದರಿಯ ಕಾರ್​ ಆಗಿದ್ದು, ಇದು ಕೂಡ EV ಮಾಡೆಲ್​ ಕಾರ್​ ಆಗಿದೆ. ಇದರ ಹೆಸರು ಹಾಗೂ ಬೆಲೆ ಈಗ ರಿವೀಲ್ ಆಗಿದ್ದು, ನಿಮಗೆ ಹೆಸರನ್ನು ಈಗ ತಿಳಿಸ್ತೀವಿ, ಆಮೇಲೆ ಇದರ ಬೆಲೆನ ನಿಮ್ಮ ಮುಂದಿಡ್ತೀವಿ.

ಈ ಕಾರ್​ನ ಹೆಸರೇ MG CYBERSTER.. ಇದು MG MOTORS ವತಿಯಿಂದ ಬಿಡುಗಡೆಯಾದ ಮೊದಲ EV ರೋಡ್​ಸ್ಟರ್​ ಕಾರ್ ಆಗಿದೆ. ಆಗ್ಲೇ ಹೇಳಿದ ಹಾಗೆ ಈ ರೋಡ್​ಸ್ಟರ್​ ಕಾರ್​​ನ ಲುಕ್​ ಸಖತ್​ ಸ್ಟೈಲಿಶ್​. ಅದರಲ್ಲೂ MG CYBERSTER, ಒಂದು ಕೈ ಹೆಚ್ಚೇ ಅಂತ ಹೇಳಬಹುದು. ಅಷ್ಟು ಕಣ್ಣುಕುಕ್ಕೋ ಹಾಗೆ ಇದೆ. ಇನ್ನು ಇದರ ಸ್ಪೆಸಿಫಿಕೇಷನ್ಸ್​​ನ ನೋಡೋ ಹಾಗಿದ್ರೆ.

ರೋಡ್​​ಸ್ಟರ್​​ ಕಾರಿನ ಹೈಲೈಟ್ scissor doors 

ಸೈಬರ್‌ಸ್ಟರ್ ಒಂದು ಕಡಿಮೆ-ಸ್ಲಂಗ್ ರೋಡ್‌ಸ್ಟರ್ ಆಗಿದ್ದು, ಕ್ಲಾಸಿಕ್ ಲಾಂಗ್ ಬಾನೆಟ್, ಶಾರ್ಟ್ ರಿಯರ್ PROPORTION ಮತ್ತು 0.269Cd ನ ಅಲ್ಟ್ರಾ-ಸ್ಲಿಪರಿ ಡ್ರ್ಯಾಗ್ COEFFICIENT ಹೊಂದಿದೆ. ಡಿಸೈನ್​ನಲ್ಲಿ ಸ್ವೂಪಿ ಎಲ್‌ಇಡಿ ಹೆಡ್‌ಲೈಟ್‌ಗಳು, ಅವುಗಳ ಮೇಲೆ ಎಲ್‌ಇಡಿ ಸ್ಟ್ರಿಪ್ ಹೊಂದಿರುವ ಬಾಣದ ಆಕಾರದ ಟೈಲ್-ಲ್ಯಾಂಪ್‌ಗಳು, 20-ಇಂಚಿನ ಅಲಾಯ್ ವೀಲ್‌ಗಳು, ಸಿಲ್ವರ್ ರೋಲ್ ಹೂಪ್‌ಗಳು, 'ಸ್ಮೈಲ್'-ಆಕಾರದ ಫ್ಯಾಸಿಯಾ, ಫೋಲ್ಡ್​ ಮಾಡಬಲ್ಲ ಸಾಫ್ಟ್-ಟಾಪ್ ಮತ್ತು, ಸಹಜವಾಗಿ, ರೋಡ್​​ಸ್ಟರ್​​ ಕಾರ್​ಗಳನ್ನು ಹೈಲೈಟ್ ಮಾಡುವ scissor doorsನ ಒಳಗೊಂಡಿದೆ.

MG CYBERSTERನಲ್ಲಿ ಎಕ್ಸ್​ಟೀರಿಯರ್​ ಬಣ್ಣವು, ಡ್ಯೂಯಲ್​ ಪೇಂಟ್​ಗಳಿಂದ ಮೂಡಿಬಂದಿದೆ. ಅಂದ್ರೆ Andes Grey ಹಾಗೂ Red Roof, Flare Red ಹಾಗೂ Black Roof, Modern Beige ಹಾಗೂ Red Roof, ಮತ್ತು Nuclear Yellow ಹಾಗೂ Black Roof. ಈ ನಾಲ್ಕು ಬಣ್ಣಗಳಲ್ಲಿ ಲಭ್ಯ.

ಇದನ್ನೂ ಓದಿ:ಬ್ಯಾಟಿಂಗ್​ನಲ್ಲಿ ಸೈಲೆಂಟ್ ಆದ ಶುಭ್​ಮನ್ ಗಿಲ್​.. ಮೂರು ಇನ್ನಿಂಗ್ಸ್​ನಲ್ಲಿ ಕ್ಯಾಪ್ಟನ್​ ರನ್ ಇಷ್ಟೇನಾ?

ಈ ಕಾರಿನ ಬೆಲೆ ಎಷ್ಟು?

ಇನ್ನು ಕಾರ್​ನ ಒಳಗೆ, ಸೈಬರ್‌ಸ್ಟರ್, ಡ್ಯಾಶ್‌ಬೋರ್ಡ್​ನ ಮೇಲ್ಭಾಗದಲ್ಲಿ ಮೂರು ಬೆಂಟ್​ಸ್ಕ್ರೀನ್​ಗಳಿವೆ. 3-ಸ್ಪೋಕ್ ಫ್ಲಾಟ್-ಬಾಟಮ್ಡ್ ಸ್ಟೀರಿಂಗ್ ವೀಲ್‌ನ ಮುಂದೆ 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, ಎರಡು 7-ಇಂಚಿನ ಸ್ಕ್ರೀನ್​​ನಿಂದ ಸುತ್ತುವರೆದಿದೆ. ಕುತೂಹಲಕಾರಿಯಾಗಿ, ಌಂಗುಲಾರ್​ ಸೆಂಟರ್ ಕನ್ಸೋಲ್‌ನಲ್ಲಿ ಡ್ರೈವ್ ಸೆಲೆಕ್ಟರ್‌ನ ಪಕ್ಕದಲ್ಲಿ ಮತ್ತೊಂದು 7-ಇಂಚಿನ ಟಚ್‌ಸ್ಕ್ರೀನ್ ಕೂಡ ಇದೆ.

ಇನ್ನೂ ಮುಖ್ಯವಾದ ಇದರ ಬೆಲೆ, ನಮಗೆಲ್ಲಾ ಗೊತ್ತಿರೋ ಹಾಗೇ ಈ ರೋಡ್​ಸ್ಟರ್​ ಕಾರುಗಳು ಯಾವತ್ತೂ ಕೂಡ ಮಧ್ಯಮ ವರ್ಗದ ಕೈಗೆಟುಕುವುದು ಸ್ವಲ್ಪ ಕಷ್ಟಾನೇ. ಅದ್ರೂ ನೀವೇನಾದ್ರೂ ಈ ರೋಡ್​ಸ್ಟರ್​ ಕಾರ್​ಗಳ ಕ್ರೇಝಿ ಫ್ಯಾನ್​ ಆಗಿದ್ರೆ, ಖಂಡಿತವಾಗ್ಲೂ ಈ MG CYBERSTERನ ಕೊಂಡುಕೊಳ್ಳಬಹುದು. ರಿಲೀಸ್ ಆಗಿರೋ ಈ ಕಾರ್​ನ ಬೆಲೆ 74.99 ಲಕ್ಷ ಅಂದ್ರೆ ಸಿಂಪಲ್ಲಾಗ್ ಹೇಳಬೇಕು ಅಂದ್ರೆ ಮುಕ್ಕಾಲು ಕೋಟಿ. ಪ್ರೈಸ್ ಕೇಳಿ, ಅಯ್ಯೋ ಇಷ್ಟೊಂದಾ ಅಂದ ಹೌಹಾರಬೇಡಿ.. TRUST ME. ಈ ಕಾರ್​ ನಿಜವಾಗ್ಲೂ IT'S WORTH IT.

ವಿಶೇಷ ವರದಿ:ರಾಹುಲ್ ದಯಾನ್,ನ್ಯೂಸ್ ಫಸ್ಟ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ