ಮಿಲನಾ ನಾಗರಾಜ್​ ಜೊತೆಗೆ ಡೆಕೋರೇಷನ್​ ಬಗ್ಗೆಯೂ ಜೋರು ಚರ್ಚೆ

ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಯ್ತು ಈ ವಿಡಿಯೋ

ಈವೆಂಟ್ ಫ್ಯಾಕ್ಟರಿಯಿಂದ ಹೊರ ಹೊಮ್ಮಿದ ಅದ್ಭುತ ಡೆಕೋರೇಷನ್​

ಸ್ಯಾಂಡಲ್​ವುಡ್ ಸ್ಟಾರ್​ ಜೋಡಿ ಮಿಲನಾ ನಾಗರಾಜ್ ಮತ್ತು ಡಾರ್ಲಿಂಗ್ ಕೃಷ್ಣ ಕುಟುಂಬದಲ್ಲಿ ಸಂಭ್ರಮದ ಮನೆ ಮಾಡಿದೆ. ಶಿವರಾತ್ರಿ ಹಬ್ಬದ ದಿನವೇ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಅಂತ ಫ್ಯಾನ್ಸ್​ಗಳಿಗೆ ಈ ಹಿಂದೆ ಮಾಹಿತಿ ನೀಡಿದ್ದರು.

ಇದನ್ನೂ ಓದಿ: ಮೊದಲ ಮಗುವಿನ ನಿರೀಕ್ಷೆಯಲ್ಲಿ ನಟಿ ಮಿಲನಾ ನಾಗರಾಜ್; ಅದ್ಧೂರಿಯಾಗಿ ನಡೆದ ಸೀಮಂತ ಶಾಸ್ತ್ರ

ಮೊನ್ನೆ ಮೊನ್ನೆಯಷ್ಟೇ ಸ್ಯಾಂಡಲ್​ವುಡ್​ ನಟಿ​ ಮಿಲನಾ ನಾಗರಾಜ್ ಅವರು ಬಹಳ ಅದ್ಧೂರಿಯಾಗಿ ಸೀಮಂತ ಶಾಸ್ತ್ರ ಮಾಡಿಕೊಂಡಿದ್ದರು. ಅಂದು ನಟಿ ​ಮಿಲನಾ ನಾಗರಾಜ್ ಮುಖದಲ್ಲಿ ತಾಯ್ತನದ ಕಳೆ ಎದ್ದು ಕಾಣುತ್ತಿತ್ತು. ಅದರ ಜೊತೆಗೆ ಸೀಮಂತ ಶಾಸ್ತ್ರದ ಡೆಕೋರೇಷನ್ ಬಗ್ಗೆ ಕೂಡ ಸಾಕಷ್ಟು ಜನರು ಹಾಡಿ ಹೊಗಳಿದ್ದಾರೆ.

ಒಂದು ಕಾರ್ಯಕ್ರಮ ಮಾಡಬೇಕು ಅಂದುಕೊಂಡರೆ ಅದಕ್ಕೆ ಮುಖ್ಯವಾಗಿ ಬೇಕಾಗಿದ್ದೇ ಡೆಕೋರೇಷನ್. ಸಾಕಷ್ಟು ಕಾರ್ಯಕ್ರಮದಲ್ಲಿ ಡೆಕೋರೇಷನ್ ಅನ್ನೋದು ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಹೀಗಾಗಿ ಅದೆಷ್ಟೋ ಜನರು ಮದುವೆ, ಬರ್ತ್​ ಡೇ, ಸೀಮಂತ ಶಾಸ್ತ್ರ, ಹಳದಿ ಶಾಸ್ತ್ರ, ಮೆಹಂದಿ ಶಾಸ್ತ್ರ ಹೀಗೆ ಸಾಕಷ್ಟು ಕಾರ್ಯಕ್ರಮವನ್ನು ಈವೆಂಟ್ ಮ್ಯಾನೇಜ್ಮೆಂಟ್​ಗೆ ಕೆಲಸ ವಹಿಸಲಾಗುತ್ತದೆ. ಹೀಗೆ ಸ್ಯಾಂಡಲ್​ವುಡ್​ ಸ್ಟಾರ್​ ನಟಿ ಮಿಲನಾ ನಾಗರಾಜ್​ ಅವರ ಸೀಮಂತ ಕಾರ್ಯಕ್ರಮಕ್ಕೆ ಮೆರಗು ತಂದಿದ್ದೇ ಈವೆಂಟ್ಸ್ ಫ್ಯಾಕ್ಟರಿ.

 

View this post on Instagram

 

A post shared by Events Factory (@events_factoryy)

ಈವೆಂಟ್ಸ್ ಫ್ಯಾಕ್ಟರಿ ಖ್ಯಾತ  ನಿರೂಪಕಿ ಚೈತ್ರಾ ವಾಸುದೇವನ್‌ರದ್ದು. ‘ಇವೆಂಟ್ ಫ್ಯಾಕ್ಟರಿ’ ಮೂಲಕ ಇವೆಂಟ್‌ಗಳನ್ನೂ ಕೂಡ ಇವರು ನಡೆಸಿಕೊಡುತ್ತಿದ್ದಾರೆ. ಮಿಲನಾ ನಾಗರಾಜ್​ ಅವರ ಸೀಮಂತ ಕಾರ್ಯಕ್ರಮದಲ್ಲೂ ಚೈತ್ರಾ ವಾಸುದೇವನ್‌ ಅವರು ಬಹಳ ಅಚ್ಚುಕಟ್ಟಾಗಿ ಡೆಕೋರೇಟ್ ಮಾಡಿದ್ದರು. ಆ ಡೆಕೋರೇಷನ್​ಗೆ ಸಾಕಷ್ಟು ಜನ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಗ್ರ್ಯಾಂಡ್​ ಡೆಕೋರೇಷನ್​ಗೆ ಮಿಲನಾ ನಾಗರಾಜ್​ ಹಾಗೂ ಡಾರ್ಲಿಂಗ್ ಕೃಷ್ಣ ಅವರು ಕೂಡ ಮೆಚ್ಚುಗೆಯ ಮಾತನಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ