ಕೇಂದ್ರದಿಂದ ರೈತರಿಗೆ ಭರ್ಜರಿ ಗುಡ್​ನ್ಯೂಸ್.. ಕರ್ನಾಟಕ ಸೇರಿ 5 ರಾಜ್ಯದ ಈ ಬೆಳೆಗಾರರಿಗೆ ಸಿಹಿಸುದ್ದಿ..!

ಹೊಸ ವರ್ಷದ ಸಂದರ್ಭದಲ್ಲಿ ತೆಂಗು ಬೆಳೆಗಾರರಿಗೆ ಕೇಂದ್ರ ಸರ್ಕಾರ ಸಿಹಿಸುದ್ದಿ ನೀಡಿದೆ. ತೆಂಗಿನಕಾಯಿಗೆ ಕನಿಷ್ಠ ಬೆಂಬಲ ಬೆಲೆ (MSP) ಹೆಚ್ಚಿಸುವ ಪ್ರಸ್ತಾವನೆಗೆ ಕೇಂದ್ರ ಸಚಿವ ಸಂಪುಟ ಅನುಮೋದನೆ ನೀಡಿದೆ.

ಗಿರಣಿ ಕೊಬ್ಬರಿ (Milling copra) ಕ್ವಿಂಟಾಲ್ ಬೆಲೆ 11,582 ರೂಗೆ ಹಾಗೂ ಬಾಲ್ ಕೊಬ್ಬರಿ (Ball copra) ಕ್ವಿಂಟಾಲ್ ಬೆಲೆ 12,100 ರೂ.ಗೆ ನಿಗದಿಯಾಗಿದೆ. ನಿನ್ನೆ ಪ್ರಧಾನಿ ನರೇಂದ್ರ ಮೋದಿ ಅಧ್ಯಕ್ಷತೆಯಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಇವುಗಳ ಬೆಲೆ 2014ಕ್ಕೆ ಹೋಲಿಸಿ ನೋಡೋದಾದರೆ 2014ರಲ್ಲಿ ಮಿಲ್ಲಿಂಗ್ ಕೋಪ್ರಾ ಕನಿಷ್ಠ ಬೆಂಬಲ ಬೆಲೆ 5250 ರೂಪಾಯಿ ಇತ್ತು. ಇದೀಗ 2025ರಲ್ಲಿ ಕನಿಷ್ಠ ಬೆಂಬಲ ಬೆಲೆ ಶೇಕಡಾ 121 ರಷ್ಟು ಹೆಚ್ಚಳವಾಗಿದೆ.

ಇದನ್ನೂ ಓದಿ:ಕೊಹ್ಲಿ ರೆಸ್ಟೋರೆಂಟ್​​ಗೆ BBMP ಶಾಕ್; ಡೆಮಾಲಿಷ್ ಆಗುತ್ತಾ ಬಿಲ್ಡಿಂಗ್? ಕಮಿಷನರ್ ಹೇಳಿದ್ದೇನು?

ಅದೇ ರೀತಿ ಬಾಲ್ ಕೊಬ್ಬರಿ ಬೆಲೆ 2014ರಲ್ಲಿ 5500 ರೂಪಾಯಿ ಇತ್ತು. 2025ರವೇಳೆಗೆ ಕನಿಷ್ಠ ಬೆಂಬಲ ಬೆಲೆಯ ಶೇಕಡಾ 120ರಷ್ಟು ಏರಿಕೆ ಆಗಿದೆ. ತೆಂಗು ಕೃಷಿ ವೆಚ್ಚ ಹೆಚ್ಚಳ ಹಾಗೂ ಕೊಬ್ಬರಿ ಮತ್ತು ತೆಂಗಿನ ಎಣ್ಣೆಯ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ಸರ್ಕಾರ ಈ ನಿರ್ಧಾರಕ್ಕೆ ಬಂದಿದೆ. ಕೇಂದ್ರ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ ಮಾಡಿರುವ ಶಿಫಾರಸುಗಳಿಗೆ ಅನುಗುಣವಾಗಿ ಕನಿಷ್ಠ ಬೆಂಬಲ ಬೆಲೆಯನ್ನು ನಿರ್ಧರಿಸಲಾಗಿದೆ. ಕೇಂದ್ರದ ಈ ನಿರ್ಧಾರದಿಂದ ತೆಂಗು ಹೆಚ್ಚು ಬೆಳೆಯುವ ಕರ್ನಾಟಕ, ಕೇರಳ ಸೇರಿದಂತೆ ದಕ್ಷಿಣದ ಐದು ರಾಜ್ಯಗಳ ರೈತರಿಗೆ ಗುಡ್​ನ್ಯೂಸ್​ ಸಿಕ್ಕಿದೆ. ಆ ಮೂಲಕ ತೆಂಗು ರೈತರಲ್ಲಿ ಸಂತಸ ಮೂಡಿಸಿದೆ.

ಇದನ್ನೂ ಓದಿ:ಅಗ್ನಿವೀರ್ ಹುದ್ದೆಗಳ ನೇಮಕಾತಿಗೆ ಅರ್ಜಿ.. ಯುವಕ, ಯುವತಿಯರಿಗೆ ಸುವರ್ಣಾವಕಾಶ​

Minimum Support Price (MSP) for Copra for 2025 season

The Government has increased #MSP for milling copra and ball copra from ₹ 5,250 per quintal and ₹ 5,500 per quintal for the marketing season 2014 to ₹ 11,582 per quintal and ₹ 12,100 per quintal for the marketing season… pic.twitter.com/tphRdOeXy7

— PIB India (@PIB_India) December 20, 2024

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ