IND vs AUS: ಸ್ಟಾರ್ಕ್​ ದಾಳಿಗೆ ತತ್ತರಿಸಿದ ಟೀಂ ಇಂಡಿಯಾ​; ಕೇವಲ 180 ರನ್​ಗೆ ಸರ್ವಪತನ..!

ಅಡಿಲೇಡ್​ ಟೆಸ್ಟ್​ನಲ್ಲಿ ಟೀಂ ಇಂಡಿಯಾಗೆ ಹಿನ್ನಡೆ ಆಗಿದೆ. ಮೊದಲು ಬ್ಯಾಟಿಂಗ್ ಆರಂಭಿಸಿದ್ದ ರೋಹಿತ್ ಪಡೆ ಕೇವಲ 180 ರನ್​ಗಳಿಸಿ ಮೊದಲ ಇನ್ನಿಂಗ್ಸ್ ಮುಗಿಸಿದೆ.

ಟೀಂ ಇಂಡಿಯಾಗೆ ಆಸ್ಟ್ರೇಲಿಯಾದ ವೇಗಿ ಮಿಚಲ್ ಸ್ಟಾರ್ಕ್​ ಕಂಟಕವಾದರು. 14.1 ಓವರ್ ಎಸೆದ ಸ್ಟಾರ್ಕ್​, ಬರೋಬ್ಬರಿ 6 ವಿಕೆಟ್​ ಕಿತ್ತು ಟೀಂ ಇಂಡಿಯಾಗೆ ಆಘಾತ ನೀಡಿದರು. ಪರಿಣಾಮ ರೋಹಿತ್ ಪಡೆ, ಊಟದ ವಿರಾಮದ ವೇಳೆಗೆ ಎಲ್ಲಾ ವಿಕೆಟ್ ಕಳೆದುಕೊಂಡು 180 ರನ್​ಗಳಿಸಿದೆ.

ಟೀಂ ಇಂಡಿಯಾ ಪರ ಜೈಸ್ವಾಲ್, ಹರ್ಷಿತ್ ರಾಣಾ, ಜಸ್​​ಪ್ರೀತ್ ಬೂಮ್ರಾ ಸೊನ್ನೆ ಸುತ್ತಿದ್ರು. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಸಿರಾಜ್ ಒಂದಕಿ ದಾಟಲಿಲ್ಲ. ದಿಗ್ಗಜ ಕೊಹ್ಲಿ 7 ರನ್​ಗಳಿಸಿದ್ರೆ, ರೋಹಿತ್ 3, ಸಿರಾಜ್ (ನಾಟೌಟ್​) 4 ರನ್​ಗಳಿಸಿದರು. ಕೆಎಲ್ ರಾಹುಲ್ 37, ಗಿಲ್ 31, ಪಂತ್ 21, ನಿತೀಶ್ ರೆಡ್ಡಿ 41, ಅಶ್ವಿನ್ 22 ರನ್​​ಗಳಿಸಿದರು. ಆಸ್ಟ್ರೇಲಿಯಾ ಪರ ಸ್ಟಾರ್ಕ್​​ ಹೊರತುಪಡಿಸಿ, ಕ್ಯಾಪ್ಟನ್ ಕಮ್ಮಿನ್ಸ್​, ಸ್ಕಾಟ್ ಬೊಲಾಂಡ್ ತಲಾ ಎರಡು ವಿಕೆಟ್ ಪಡೆದು ಮಿಂಚಿದರು.

ಇದನ್ನೂ ಓದಿ:RCB ಅಲ್ಲವೇ ಅಲ್ಲ! ಐಪಿಎಲ್ ಇತಿಹಾಸದಲ್ಲೇ ಕೆಟ್ಟ ಪ್ರದರ್ಶನ ನೀಡ್ತಿರೋ ತಂಡ ಯಾವುದು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ