'ಮಿಥುನ ರಾಶಿ' ಸೀರಿಯಲ್​ ನಟಿಗೆ ಒಲಿದು ಬಂತು ಅದೃಷ್ಟ; ಸಂಪದಾ ಹುಲಿವನ ಈಗ ಸ್ಟಾರ್ ಹೀರೋಯಿನ್!​​

ಕನ್ನಡ ಕಿರುತೆರೆಯಲ್ಲಿ ಒಂದಷ್ಟು ಮುಕ್ತಾಯಗೊಂಡ ಧಾರಾವಾಹಿಗಳು ಇನ್ನೂ ವೀಕ್ಷಕರ ಮನಸಲ್ಲಿ ಹಾಗೇ ಉಳಿದಿವೆ. ಅಚ್ಚುಮೆಚ್ಚಿನ ಧಾರಾವಾಹಿಗಳಲ್ಲಿ ಕನ್ನಡ ಕಿರುತೆರೆಯ ಮಿಥುನ ರಾಶಿ ಸೀರಿಯಲ್ ಕೂಡ ಒಂದು. ಮಿಥುನ ರಾಶಿ ಧಾರಾವಾಹಿಯಲ್ಲಿ ಅಕ್ಕ-ತಂಗಿ ಬಾಡಿಂಗ್ ಕೂಡ ಇತ್ತು. ರಾಶಿ ಹಾಗೂ ಸುರಕ್ಷಾ ಜೋಡಿ ಈ ಧಾರಾವಾಹಿಯಲ್ಲಿ ಫುಲ್ ಮೋಡಿ ಮಾಡಿದ್ರು.

ಇದನ್ನೂ ಓದಿ:ಮತ್ತೆ ಒಟ್ಟಿಗೆ ತೆರೆ ಮೇಲೆ ಮಿಂಚಲು ಸಜ್ಜಾದ ಮಿಥುನ ರಾಶಿ ಅಕ್ಕ-ತಂಗಿ; ಯಾವ ಸೀರಿಯಲ್​​ ಗೊತ್ತಾ..?

ಇದೇ ಸೀರಿಯಲ್​​ನಲ್ಲಿ ಸುರಕ್ಷಾ ಪಾತ್ರದಲ್ಲಿ ನಟಿ ಸಂಪದಾ ಹುಲಿವನ ಮಿಂಚುತ್ತಿದ್ದ. ಸದ್ಯ ಸೀರಿಯಲ್​ ಮುಕ್ತಾಯಗೊಂಡ ಬಳಿಕ ನಟಿ ಸಂಪದಾ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್​ ಆಗಿದ್ದರು. ಅಷ್ಟೇ ಅಲ್ಲದೇ ತಮ್ಮ ನಟನೆಯ ಮೂಲಕವೇ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿಕೊಂಡರು. ಇದೀಗ ನಟಿ ಸಂಪದಾ ಅವರು ತಮ್ಮ ಅಭಿಮಾನಿಗಳಿಗೆ ಗುಡ್​ನ್ಯೂಸ್​ ಕೊಟ್ಟಿದ್ದಾರೆ. ಅದರಲ್ಲೂ ವರಮಹಾಲಕ್ಷ್ಮಿ ಹಬ್ಬದ ದಿನವೇ ಈ ಖುಷಿ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ.

ಹೌದು, ನಟಿ ಸಂಪದಾ ಹುಲಿವನ ಅವರು ತೆಲುಗು ಸಿನಿಮಾವೊಂದಕ್ಕೆ ನಾಯಕಿ ನಟಿಯಾಗಿ ಆಯ್ಕೆಯಾದ್ದಾರೆ. ಗುರುದತ್ ಗಾಣಿಗ ನಿರ್ದೇಶನದ ‘ಕರಾವಳಿ’ ಸಿನಿಮಾದಲ್ಲಿ ಸಂಪದಾ ಹುಲಿವನ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ನಾಯಕ ನಟ. ಇನ್ನು ‘ಶ್ರೀ ಶ್ರೀ ಶ್ರೀ ರಾಜ ವಾರು’ ಸಿನಿಮಾದಲ್ಲಿಯೂ ಸಂಪದಾ ನಟಿಸಿದ್ದರು. ಜೊತೆಗೆ ರಾಜ್ ತರುಣ್, ಸಂದೀಪ್ ಮಾಧವ್ ಅವರ ‘ಮಾಸ್ ಮಹಾರಾಜು’ ಸಿನಿಮಾದಲ್ಲಿ ಸಂಪದಾ ನಟಿಸುತ್ತಿದ್ದಾರೆ.

View this post on Instagram

A post shared by SAMPAADA (@sampaada1)

ಇದೀಗ ಮಾಸ್ ಕಾ ದಾಸ್ ಎಂದೇ ಖ್ಯಾತಿ ಪಡೆದಿರುವ ನಟ ವಿಶ್ವಕ್ ಸೇನ್​ ಅವರ 13ನೇ ಸಿನಿಮಾ ಘೋಷಣೆ ಆಗಿದೆ. ವಿಶ್ವಕ್ ಸೇನ್ ಅವರ 13ನೇ ಸಿನಿಮಾದಲ್ಲೂ ನಟಿ ಸಂಪದಾ ಹುಲಿವನ ನಾಯಕಿ ಮಿಂಚಲು ಸಜ್ಜಾಗಿದ್ದಾರೆ. ಸದ್ಯ ಈ ನೂತನ ಚಿತ್ರಕ್ಕೆ 'VS13' ಎಂದು ಹೆಸರಿಡಲಾಗಿದೆ. ಸ್ವಾತಂತ್ರೋತ್ಸವದ ದಿನವೇ ಈ ಸಿನಿಮಾದ ಮುಹೂರ್ತ ನಡೆದಿದೆ. ಶ್ರೀಧರ್ ಗಂಟ ಎನ್ನುವ ಹೊಸ ನಿರ್ದೇಶಕರು ಈ ಸಿನಿಮಾಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ