ಕಿಂಗ್​ ಕೊಹ್ಲಿ ಬ್ರ್ಯಾಂಡ್ ಬಿಲ್ಡ್​ ಮಾಡಲು ಮುಂದಾದ ಗಿಲ್.. ಮ್ಯಾಚ್​ನಲ್ಲಿ ಏನೇನು ಮಾಡಿದ್ರು?

ಶುಭ್​ಮನ್​ ಗಿಲ್​ ಕ್ಯಾಪ್ಟನ್ಸಿ, ಟೀಮ್ ಇಂಡಿಯಾಗೆ ಹೊಸ ಭರವಸೆ ಹುಟ್ಟಿಹಾಕಿದೆ. ಆದ್ರೆ, ಈ ಭರವಸೆಯ ನಡುವೆ ಶುಭ್​ಮನ್, ವಿರಾಟ್ ಕೊಹ್ಲಿ ಬ್ರ್ಯಾಂಡ್ ಬಿಲ್ಡ್​ ಮಾಡಲು, ಅಟೆಕ್ಷನ್ ಕ್ರಿಯೇಡ್ ಮಾಡಲು ಮುಂದಾದ್ರಾ ಎಂಬ ಅನುಮಾನ ಹುಟ್ಟಿಸಿದೆ. ಇದಕ್ಕೆಲ್ಲಾ ಕಾರಣ ಲಾರ್ಡ್ಸ್​ ಟೆಸ್ಟ್​.

ಲಾರ್ಡ್ಸ್​ ಟೆಸ್ಟ್​ ಮುಗಿದಾಗಿದೆ. ಟೀಮ್ ಇಂಡಿಯಾ ಸೋಲು ಕಂಡಿದ್ದಾಗಿದೆ. ಸರಣಿಯಲ್ಲಿ ಇಂಗ್ಲೆಂಡ್​​​​, ರೋಚಕ ರೀತಿಯಲ್ಲಿ ಕಮ್​​ಬ್ಯಾಕ್ ಮಾಡಿ ಗೆದ್ದಾಗಿದೆ. ಆದ್ರೆ, ಲಾರ್ಡ್ಸ್​ ಟೆಸ್ಟ್​ನಲ್ಲಿ ನಡೆದ ವಾಗ್ವಾದಗಳು ಈಗಲೂ ಚರ್ಚೆಯಲ್ಲಿವೆ. ಕ್ಯಾಪ್ಟನ್ ಶುಭ್​ಮನ್ ಗಿಲ್​​ ವರ್ತನೆ ಚರ್ಚೆಯ ಕೇಂದ್ರ ಬಿಂದುವಾಗಿದೆ.

ಶುಭ್​ಮನ್ ಗಿಲ್ ಅಗ್ರೆಷನ್​ಗೆ ಮಾಜಿ ಆಟಗಾರರು ಕೆಂಡ..!

ಲಾರ್ಡ್ಸ್​ ಟೆಸ್ಟ್​ನಲ್ಲಿ ಶುಭ್​ಮನ್ ಗಿಲ್ ಬ್ಯಾಟ್​​ ಸೌಂಡ್​ ಮಾಡಿದ್ದಕ್ಕಿಂತ ಹೆಚ್ಚು ಸೌಂಡ್ ಮಾಡಿದ್ದು, ಅಗ್ರೆಷನ್​. ಶುಭ್​ಮನ್​​​ ಗಿಲ್​​ ಆಕ್ರಮಣಕಾರಿ ನಾಯಕತ್ವ ವಿರಾಟ್​ ಕೊಹ್ಲಿಯ ಕ್ಯಾಪ್ಟನ್ಸಿಯನ್ನೇ ನೆನಪಿಸಿತ್ತು. ಏಟಿಗೆ ಏಟು ತಿರುಗೇಟು ನೀಡುವ ಸ್ವಭಾವಕ್ಕೆ ಫ್ಯಾನ್ಸ್​ ಬಹುಪರಾಕ್ ಎಂದಿದ್ರು. ಆದ್ರೆ, ಇದೇ ಟೀಮ್ ಇಂಡಿಯಾ ಲಾರ್ಡ್ಸ್​ ಟೆಸ್ಟ್​ ಸೋಲಿಗೂ ಕಾರಣವಾಯ್ತು. ಇದೀಗ ಇದೇ ವರ್ತನೆ ಬಗ್ಗೆ ಮಾಜಿ ಆಟಗಾರರು ಶುಭ್​ಮನ್ ವಿರುದ್ಧ ಕೆಂಡಕಾರುತ್ತಿದ್ದಾರೆ.

ಗಿಲ್​​ ಅತಿರೇಕವೇ ಇಂಗ್ಲೆಂಡ್ ಕಮ್​​ಬ್ಯಾಕ್​ಗೆ ಸ್ಪೂರ್ತಿ..!

ಲಾರ್ಡ್ಸ್​ ಟೆಸ್ಟ್​ನ 3ನೇ ದಿನದಾಟ ಅಂತ್ಯದಲ್ಲಿ 2ನೇ ಇನ್ನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್, ಟೈಮ್ ವೇಸ್ಟ್​ ಮಾಡ್ತಿತ್ತು. ಇದ್ರಿಂದ ಕುಪಿತಗೊಂಡ ಶುಭ್​ಮನ್​, ಜಾಕ್ ಕ್ರಾವ್ಲಿ ಮೇಲೆ ಕೆಂಡ ಕಾರಿದ್ರು. ಬೆರಳು ತೋರಿಸಿ ಥೇಟ್​ ಕೊಹ್ಲಿಯಂತೆಯೇ ವಾರ್ನಿಂಗ್ ನೀಡಿದರು. ಅಷ್ಟೆ ಅಲ್ಲ, ಸಬೂಬು ನೀಡಲು ಬಂದಿದ್ದ ಬೆನ್ ಡಕೆಟ್​ಗೆ ಶುಭ್​ಮನ್ ಗಿಲ್​ಗೆ ಕಣ್ಣಲ್ಲೇ ಕಣ್ಣಿಟ್ಟು ದಿಟ್ಟ ಉತ್ತರ ನೀಡ್ತಿದರು. ಆದ್ರೆ, ಈ ಘಟನೆ ಇಂಗ್ಲೆಂಡ್ ತಂಡದ ಫೈರಿ ಪರ್ಫಮೆನ್ಸ್​ಗೆ ಸ್ಪೂರ್ತಿಯಾಯ್ತು.

ಗಿಲ್​ ಬಗ್ಗೆ ಕೈಫ್ ಕಿಡಿ..!

ಶುಭಮನ್ ಗಿಲ್, ಕ್ರಾವ್ಲಿ ಜಗಳ ಇಂಗ್ಲೆಂಡ್ ತಂಡವನ್ನ ಹುರಿದುಂಬಿಸಿತು. ಎಡ್ಜ್‌ಬಾಸ್ಟನ್ ನಂತರ ಇಂಗ್ಲೆಂಡ್​​ ಬ್ಯಾಟಿಂಗ್, ಬೌಲಿಂಗ್, ನಾಯಕತ್ವದ ಬಗ್ಗೆ ಪ್ರಶ್ನೆಗಳಿದ್ದವು. ಆದ್ರೆ, ಆ ಘಟನೆ ಸ್ಟೋಕ್ಸ್​ನ ಹುರಿದುಂಬಿಸಿತು. ಸ್ಪೂರ್ತಿದಾಯಕ ಬೌಲಿಂಗ್ ಸ್ಪೆಲ್​ ಮಾಡಿದರು. ನಿಮಗೆ ಸರಿಹೊಂದುವ ವರ್ತನೆಗೆ ಅಂಟಿಕೊಳ್ಳುವುದು ಬುದ್ಧಿವಂತಿಕೆ. ಇದನ್ನ ಶುಭ್​ಮನ್ ಗಿಲ್ ಕಲಿಯಬೇಕಿದೆ.

ಮೊಹಮ್ಮದ್ ಕೈಫ್​, ಮಾಜಿ ಕ್ರಿಕೆಟರ್​

ಮೊಹಮ್ಮದ್ ಕೈಫ್‌ ಮಾತ್ರವೇ ಅಲ್ಲ, ಸ್ವತಃ ಎದುರಾಳಿ ತಂಡದ ಕ್ಯಾಪ್ಟನ್‌ ಬೆನ್‌ ಸ್ಟೋಕ್ಸ್‌ ಕೂಡ ಆ ಘಟನೆಯೇ ನಮ್ಮ ಕಮ್​​ಬ್ಯಾಕ್​ಗೆ ಕಾರಣ ಅಂತಾ ಪರೋಕ್ಷವಾಗಿ ಹೇಳಿದ್ದಾರೆ.

ನಿಮ್ಮ ಇಬ್ಬರು ಬ್ಯಾಟ್ಸ್‌ಮನ್‌ಗಳು ಮೈದಾನದಲ್ಲಿದ್ದು, ಅವರ ಮೇಲೆ 11 ಮಂದಿ ಮುಗಿಬಿದ್ದರೆ, ಖಂಡಿತ ಅದು ಮತ್ತೊಂದು ರೂಪ ಹೊರತರುತ್ತೆ.

ಬೆನ್‌ ಸ್ಟೋಕ್ಸ್‌, ಇಂಗ್ಲೆಂಡ್ ತಂಡದ ಕ್ಯಾಪ್ಟನ್‌ ​

ಇದನ್ನೂ ಓದಿ: ಬ್ಯುಸಿನೆಸ್ ಫೀಲ್ಡ್​ಗೆ ಇಳಿದ ಟೀಮ್ ಇಂಡಿಯಾದ ಸ್ಟಾರ್.. ವಿರಾಟ್​ ಕೊಹ್ಲಿ ಶಿಷ್ಯ ಹೊಸ ಇನ್ನಿಂಗ್ಸ್!

ಕೊಹ್ಲಿ ಅಂದ್ರೆ, ಅಗ್ರೆಷನ್.. ಅಗ್ರೆಷನ್ ಅಂದ್ರೆ, ಕೊಹ್ಲಿ ಅನ್ನೋ ಮಾತಿತ್ತು. ಶುಭ್​ಮನ್ ಗಿಲ್ ಲಾರ್ಡ್ಸ್​ನಲ್ಲಿ ತೋರಿದ ವರ್ತನೆ ನಿಜಕ್ಕೂ ಕೊಹ್ಲಿಯನ್ನೇ ಪ್ರತಿಬಿಂಬಿಸುವಂತಿತ್ತು. ಈಗಾಗಲೇ ಕೊಹ್ಲಿ ಉತ್ತರಾಧಿಕಾರಿ ಎಂದು ಗಿಲ್​ ಬಿಂಬಿತವಾಗಿದ್ದಾರೆ. ಇದನ್ನೇ ಇಟ್ಟು ಕೊಂಡು ಬ್ರ್ಯಾಂಡ್​ ಬ್ಯುಲ್ಡ್​ ಮಾಡೋಕೆ​ ಮುಂದಾದ್ರಾ ಎಂಬ ಅನುಮಾನ ಹುಟ್ಟಿದೆ.

ಅದು ಏನೇ ಇರಲಿ ಶುಭ್​ಮನ್, ಅಗ್ರೆಷನ್​ ಹೊಸ ಚರ್ಚೆಯನ್ನಂತು ಹುಟ್ಟುಹಾಕಿದೆ. ಅಟೆನ್ಷನ್​​ಗಾಗಿ ಶುಭ್​ಮನ್ ಗಿಲ್​​, ಕೊಹ್ಲಿ ಸ್ಟ್ರೈಲ್ ಅನುಸರಿಸ್ತಿದ್ದಾರೆ ಎಂಬ ಪ್ರಶ್ನೆ ತೀವ್ರ ಡಿಬೆಟ್​ ಆಗ್ತಿದೆ. ಇದಕ್ಕೆ ಸ್ವತಃ ಗಿಲ್​ ಉತ್ತರ ನೀಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ