ಪವರ್ ಪ್ಲೇನಲ್ಲಿ ಪವರ್ ಫುಲ್ ಸ್ಪೆಲ್.. ಬೌಲಿಂಗ್​ನಲ್ಲಿ ಶಮಿ ಯಾವಾಗಲೂ ಗೋಲ್ಡನ್ ಆರ್ಮ್

ಬೂಮ್ರಾ ಇಲ್ಲ, ಬೂಮ್ರಾ ಇಲ್ಲ, ಬೂಮ್ರಾ ಇಲ್ಲದೆ ಟೀಮ್ ಇಂಡಿಯಾ ಬೌಲಿಂಗ್​​ ಬಡವಾಯಿತು ಅನ್ನೋ ಮಾತು ಸದ್ಯ ಎಲ್ಲರ ಬಾಯಲ್ಲಿ ಕೇಳಿ ಬರುತ್ತಿದೆ. ಆದ್ರೆ, ಐಸಿಸಿ ಟೂರ್ನಿ ಅಂತಾ ಬಂದ್ರೆ ಬೂಮ್ರಾಗಿಂತ ಮೊಹಮ್ಮದ್​ ಶಮಿಯೇ ಡೇಂಜರಸ್​. ಶಮಿಯೇ ಡೆಡ್ಲಿ ಬೌಲರ್​.

ಬ್ಯಾಟ್ಸ್​​ಮನ್​ಗಳನ್ನ ಗಿರಗಿರನೇ ಆಡಿಸುವ ಈ ಅನುಭವಿ, ಆನ್​ ಫೀಲ್ಡ್​ನಲ್ಲಿ ಎಸೆಯೋ ಒಂದೊಂದು ಎಸೆತ ನಿಜಕ್ಕೂ ಬೆಂಕಿನೇ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್ ಬಾಂಗ್ಲಾ ಎದುರಿನ ನಿನ್ನೆಯ ಮ್ಯಾಚ್. ಶಮಿ ಫಿಲ್​ ಆಗಿದ್ದಾರೋ, ಇಲ್ವೋ, ಏನ್​ ಕಥೆ ಎಂದೇ ಅನುಮಾನದ ಕಣ್ಣಿಂದ ನೋಡ್ತಿದ್ದವರಿಗೆ ಪರ್ಫಾಮೆನ್ಸ್​ನ ಆನ್ಸರ್​ ಕೊಟ್ಟಿದ್ದಾರೆ. 5 ವಿಕೆಟ್​​ ಕಬಳಿಸಿ ಶಮಿ ಶೈನ್​ ಆಗಿದ್ದಾರೆ.

ಮಿಡಲ್​ ಓವರ್​ನಲ್ಲಿ ಮ್ಯಾಜಿಕ್.. ಡೆತ್​ ಓವರ್​ಗಳಲ್ಲಿ ಡೆಡ್ಲಿ.!

ಅಭಿಮಾನಿಗಳಿಂದ ಹಿಡಿದು ದಿಗ್ಗಜರ ತನಕ ಬೂಮ್ರಾ ಇಲ್ಲ. ಬೌಲಿಂಗ್ ಬಲ ಕುಸಿಯಿತು ಅಂತಾನೇ ಎಲ್ಲರು ಹೇಳ್ತಿದ್ದಾರೆ. ಆದ್ರೆ, ಜಸ್​ಪ್ರೀತ್ ಬೂಮ್ರಾ ಇಲ್ಲದ ಟೀಮ್ ಇಂಡಿಯಾ ಟೆನ್ಶನ್ ಪಡಬೇಕಿಲ್ಲ. ಯಾಕಂದ್ರೆ, ಟೀಮ್ ಇಂಡಿಯಾದಲ್ಲಿ ಮೊಹಮ್ಮದ್ ಶಮಿ ಎಂಬ ಬಿಗ್ ಮ್ಯಾಚ್ ವಿನ್ನರ್ ಇದ್ದಾನೆ.

ಪವರ್ ಪ್ಲೇನಲ್ಲಿ ಪವರ್ ಫುಲ್ ಸ್ಪೆಲ್ ಮಾಡೋ ಈತ, ಮಿಡಲ್ ಓವರ್​ನಲ್ಲಿ ಮ್ಯಾಜಿಕ್ ಮಾಡ್ತಾರೆ. ಡೆತ್​ ಓವರ್​ಗಳಲ್ಲಿ ಡೆಡ್ಲಿ ಸ್ಪೆಲ್ಸ್ ಹಾಕುವ ಶಮಿ, ಟೀಮ್ ಇಂಡಿಯಾದ ಗೋಲ್ಡನ್ ಆರ್ಮ್ ಅಂದ್ರೆ ತಪ್ಪಿಲ್ಲ. ವಿಕೆಟ್ ಬೇಕು ಅಂದಾಗೆಲ್ಲಾ ಕ್ಯಾಪ್ಟನ್​, ಶಮಿ ಕೈಗೆ ಚೆಂಡು ನೀಡಿದ್ರೆ ಸಾಕು. ಸುಲಭಕ್ಕೆ ಎದುರಾಳಿ ಬ್ಯಾಟರ್​ನ ಖೆಡ್ಡಾಗೆ ಬೀಳಿಸುವ ಚತುರ. ಇದು ನಿನ್ನೆ ನಡೆದ ಬಾಂಗ್ಲಾ ಎದುರಿನ ಪರ್ಫಾಮೆನ್ಸ್​ ನೋಡಿ ಹೇಳ್ತಿರುವ ಮಾತಲ್ಲ. ಐಸಿಸಿ ಟೂರ್ನಿಯಲ್ಲಿ ಶಮಿಯ ಇತಿಹಾಸವೇ ಹಾಗಿದೆ.

ಐಸಿಸಿ ಈವೆಂಟ್ಸ್​ನ ರಿಯಲ್ ಗೇಮ್ ಚೇಂಜರ್..!

ಬೂಮ್ರಾ ಇಲ್ಲ ವರೀ ಆಗಬೇಡಿ ಅನ್ನೋಕೆ ಕಾರಣ. ಐಸಿಸಿ ಈವೆಂಟ್ಸ್​ಗಳಲ್ಲಿ ಮೊಹಮ್ಮದ್ ಶಮಿಯ ಫೈರಿ ಪರ್ಫಾಮೆನ್ಸ್​ ಇದಕ್ಕೆ ಲೆಟೇಸ್ಟ್​ ಎಕ್ಸಾಂಪಲ್ 2023ರ ಏಕದಿನ ವಿಶ್ವಕಪ್ ಟೂರ್ನಿ.

2023 ಏಕದಿನ ವಿಶ್ವಕಪ್​ನ ಆರಂಭಿಕ ಪಂದ್ಯಗಳಲ್ಲಿ ಶಮಿ ಬೆಂಚ್ ಕಾದಿದ್ದರು. ಆ ಬಳಿಕ ಸಿಕ್ಕ 7 ಅವಕಾಶಗಳಲ್ಲಿ ಉಗ್ರರೂಪ ತೋರಿದ್ದ ಮೊಹಮ್ಮದ್​ ಶಮಿ, 3 ಬಾರಿ 5 ವಿಕೆಟ್ ಬೇಟೆಯಾಡಿ ಬರೋಬ್ಬರಿ 24 ವಿಕೆಟ್ ಉರುಳಿಸಿದ್ದರು. ಆ ಟೂರ್ನಿಯಲ್ಲಿ ಶಮಿ ಟೀಮ್​ ಇಂಡಿಯಾ ಸಕ್ಸಸ್​ ಹಿಂದಿನ ರಿಯಲ್ ಹೀರೋ ಆಗಿದ್ರು. ಶಮಿಯ ಈ ಪರ್ಫಾಮೆನ್ಸ್, ಒಂದೇ ಒಂದು​ ಐಸಿಸಿ ಈವೆಂಟ್​ಗೆ ಮಾತ್ರ ಸೀಮಿತವಾಗಿಲ್ಲ.

ಏಕದಿನ ಐಸಿಸಿ ಈವೆಂಟ್ಸ್​ನಲ್ಲಿ ಶಮಿ

ಏಕದಿನ ವಿಶ್ವಕಪ್, ಚಾಂಪಿಯನ್ಸ್​ ಟ್ರೋಪಿ ಸೇರಿ ಐಸಿಸಿ ಈವೆಂಟ್ಸ್​ನಲ್ಲಿ 18 ಪಂದ್ಯಗಳನ್ನಾಡಿರುವ ಶಮಿ, ಬರೋಬ್ಬರಿ 55 ವಿಕೆಟ್ ಉರುಳಿಸಿದ್ದಾರೆ. 13.52ರ ಬೌಲಿಂಗ್ ಅವರೇಜ್ ಹೊಂದಿರುವ ಶಮಿ, 55 ರನ್​ ನೀಡಿ 7 ವಿಕೆಟ್ ಉರುಳಿಸಿರುವುದು ಬೆಸ್ಟ್ ಫರ್ಫಾಮೆನ್ಸ್. 5.13ರ ಏಕಾನಮಿಯಲ್ಲಿ ಬೌಲಿಂಗ್ ಮಾಡಿದ್ದಾರೆ.

ಇದನ್ನೂ ಓದಿ:Champions Trophy; ಭಾರತ ಶುಭಾರಂಭ, ಗಿಲ್​ ಸೆಂಚುರಿ.. ಕನ್ನಡಿಗನ ವಿನ್ನಿಂಗ್ ಶಾಟ್ ಹೇಗಿತ್ತು?

ಪ್ರತಿ ಒಡಿಐ ಈವೆಂಟ್ಸ್​ನಲ್ಲಿ ಪಾಕ್​ಗೆ ಶಮಿ ಕಾಟ..!

ಬದ್ಧ ವೈರಿ ಪಾಕಿಸ್ತಾನ ಎದುರು ಸಹ ಮೊಹಮ್ಮದ್ ಶಮಿಯ ಟ್ರ್ಯಾಕ್ ರೆಕಾರ್ಡ್ ಅದ್ಭುತವಾಗಿದೆ. 2013ರ ಚಾಂಪಿಯನ್ಸ್​ ಟ್ರೋಪಿಯಲ್ಲಿ ಪಾಕ್ ಎದುರು ಮೊದಲ ಬಾರಿ ಕಣಕ್ಕಿಳಿದಿದ್ದ ಶಮಿ, 9 ಓವರ್​ಗಳಲ್ಲಿ 4 ಮೇಡನ್ ಸಹಿತ 23 ರನ್ ನೀಡಿ 1 ವಿಕೆಟ್ ಬೇಟೆಯಾಡಿದ್ದರು.ಅಷ್ಟೇ ಅಲ್ಲ. 2015ರ ಚಾಂಪಿಯನ್ಸ್​ ಟ್ರೋಫಿಯಲ್ಲಿ 2ನೇ ಬಾರಿ ಪಾಕ್ ಎದುರು ಕಣಕ್ಕಿಳಿದಿದ್ದ ಶಮಿ, 35 ರನ್ ನೀಡಿ 4 ವಿಕೆಟ್ ಬೇಟೆಯಾಡಿದ್ದರು.

ಬೂಮ್ರಾ ಅಲಭ್ಯತೆಯಲ್ಲಿ ನಾನ್ ಏನ್ ಮಾಡಬಲ್ಲೇ ಅನ್ನೋದನ್ನ ಮೊಹಮ್ಮದ್​ ಶಮಿ ಮೊದಲ ಪಂದ್ಯದಲ್ಲೇ ನಿರೂಪಿಸಿದ್ದಾರೆ. ಪ್ರತಿ ಸಲ ಪಾಕ್​ಗೆ ಕಾಟ ನೀಡಿರುವ ಶಮಿ, ಇದೀಗ ಮತ್ತೊಮ್ಮೆ ಅಬ್ಬರಿಸುವ ನಿರೀಕ್ಷೆಯನ್ನ ಹುಟ್ಟು ಹಾಕಿದ್ದಾರೆ. ಆದ್ರೆ, ಈ ವೇಳೆ ಅನಾನುಭವಿ ಪೇಸರ್​ಗಳು ಮೊಹಮ್ಮದ್ ಶಮಿಗೆ ಸಾಥ್​ ನೀಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ