ಐಪಿಎಲ್​​ ಹರಾಜಿನಲ್ಲಿ ಬರೋಬ್ಬರಿ 1165 ಮಂದಿ ಭಾರತೀಯರು; ಇವ್ರೇ RCB ಮೈನ್​ ಟಾರ್ಗೆಟ್​​​​

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಕ್ರೇಜ್​ ​ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. 18ನೇ ಐಪಿಎಲ್​ ಸೀಸನ್​ಗೂ ಮುನ್ನ ವರ್ಷದ ಕೊನೆಗೆ ಮೆಗಾ ಹರಾಜು ನಡೆಯಲಿದೆ. ಈ ಹರಾಜಿನಲ್ಲಿ 10 ಐಪಿಎಲ್​​ ತಂಡಗಳು ಭಾಗಿಯಾಗಲಿದ್ದು, ತಮಗೆ ಬೇಕಾದ ಆಟಗಾರರನ್ನು ಖರೀದಿ ಮಾಡಲಿವೆ.

ಐಪಿಎಲ್​ ತಂಡಗಳು ರೀಟೈನ್​​ ಲಿಸ್ಟ್​ ಸಲ್ಲಿಸಲು ಅಕ್ಟೋಬರ್​​ 31ನೇ ತಾರೀಕು ಕೊನೆಯ ದಿನವಾಗಿತ್ತು. ಈಗಾಗಲೇ 10 ಐಪಿಎಲ್​ ತಂಡಗಳು ರೀಟೈನ್​​ ಲಿಸ್ಟ್​​​ ಬಿಸಿಸಿಐಗೆ ಸಲ್ಲಿಸಿವೆ. ಮಾಲೀಕರು ಅಳೆದು ತೂಗಿ ಸ್ಟಾರ್​ ಆಟಗಾರರಿಗೆ ಮಣೆ ಹಾಕಿದ್ದಾರೆ. ರಿಲೀಸ್​ ಮಾಡಲಾದ ಆಟಗಾರರನ್ನು ಪಟ್ಟಿ ಮಾಡುವ ಕೆಲಸ ಬಿಸಿಸಿಐ ಮಾಡುತ್ತಿದೆ. ಈ ಸಲ ಮೆಗಾ ಹರಾಜು 24 ಮತ್ತು 25ನೇ ತಾರೀಕು ನಡೆಯುವ ಸಾಧ್ಯತೆ ಇದೆ.

ಹರಾಜಿಗೆ ರಿಜಿಸ್ಟರ್​ ಮಾಡಿಸಿರೋ ಭಾರತೀಯ ಆಟಗಾರರ ಸಂಖ್ಯೆ ಎಷ್ಟು?

ಈ ಸಲ ಹರಾಜಿಗೆ ಸ್ಟಾರ್​ ಆಟಗಾರರೇ ಎಂಟ್ರಿ ನೀಡಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್​ ತಂಡ ಕೈ ಬಿಟ್ಟ ರಿಷಬ್​ ಪಂತ್​​, ಲಕ್ನೋ ಸೂಪರ್​​ ಜೈಂಟ್ಸ್​ ತಂಡದಿಂದ ಹೊರ ಬಂದ ಕನ್ನಡಿಗ ಕೆ.ಎಲ್​ ರಾಹುಲ್​​, ಕೆಕೆಆರ್​ನಿಂದ ಹೊರಬಿದ್ದ ಶ್ರೇಯಸ್​ ಅಯ್ಯರ್​, ಮುಂಬೈ ಇಂಡಿಯನ್ಸ್​ ಕೈ ಬಿಟ್ಟ ಇಶಾನ್​ ಕಿಶನ್​ ಸೇರಿ ಹಲವು ಸ್ಟಾರ್​ ಆಟಗಾರರು ಮೆಗಾ ಹರಾಜಿಗೆ ಬಂದಿದ್ದಾರೆ. ಅನ್​ಕ್ಯಾಪ್ಡ್​ ಸೇರಿದಂತೆ ಬರೋಬ್ಬರಿ 1165 ಮಂದಿ ಭಾರತೀಯ ಆಟಗಾರರು ಐಪಿಎಲ್​​​ ಹರಾಜಿಗೆ ರಿಜಿಸ್ಟರ್​ ಮಾಡಿಸಿದ್ದಾರೆ. ಈ ಪಟ್ಟಿ 10 ಫ್ರಾಂಚೈಸಿಗಳಿಗೆ ನೀಡಿ ನಂತರ ಫೈನಲ್​​ ಲಿಸ್ಟ್​​ ರೆಡಿ ಮಾಡಲಾಗುತ್ತದೆ ಎಂದು ತಿಳಿದು ಬಂದಿದೆ.

ವಿದೇಶಿ ಆಟಗಾರರ ಸಂಖ್ಯೆ ಎಷ್ಟು?

ಈ ಬಾರಿ ಹರಾಜಿನಲ್ಲಿ 16 ದೇಶಗಳ ಒಟ್ಟು 409 ಆಟಗಾರರು ಭಾಗವಹಿಸಲಿದ್ದಾರೆ. ಈ ಪೈಕಿ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ನಲ್ಲಿ ತಮ್ಮ ದೇಶವನ್ನು ಪ್ರತಿನಿಧಿಸಿರೋ 272 ಆಟಗಾರರು ಇದ್ದಾರೆ. 104 ಅನ್‌ಕ್ಯಾಪ್ಡ್ ವಿದೇಶಿ ಆಟಗಾರರು ಹರಾಜು ಅಂಗಳ ಪ್ರವೇಶಿಸಲಿದ್ದಾರೆ.

ಮೆಗಾ ಹರಾಜು ಈ ಸಲ ಭಾರೀ ಕುತೂಹಲದಿಂದ ಕೂಡಿದೆ. ಎಲ್ಲಾ ತಂಡಗಳು ಬಲಿಷ್ಠ ಟೀಮ್​ ಕಟ್ಟಲು ಮುಂದಾಗಿವೆ. ಹಾಗಾಗಿ ಸಮರ್ಥ ಆಟಗಾರರಿಗೆ ಮಣೆ ಹಾಕಲು ತಯಾರಿ ನಡೆಸಿಕೊಂಡಿವೆ. ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಕೂಡ ಬಲಿಷ್ಠ ಆಟಗಾರರನ್ನೇ ಖರೀದಿ ಮಾಡಲು ಪ್ಲ್ಯಾನ್​ ಮಾಡಿಕೊಂಡಿದೆ.

ಇದನ್ನೂ ಓದಿ:ಮೆಗಾ ಹರಾಜಿನಲ್ಲಿ ಈ ಮೂವರೇ ಆರ್​​ಸಿಬಿ ಟಾರ್ಗೆಟ್​​; ಕಪ್​ ಗೆಲ್ಲಲು ಇವ್ರು ಬೇಕೇ ಬೇಕು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ