ಈ ವಿಶೇಷ ವ್ಯಕ್ತಿ ಎದೆ ಮೇಲೆ ಕೈಯಿಟ್ರೆ ಅದೃಷ್ಟ.. ಧೋನಿ IPL ಭವಿಷ್ಯಕ್ಕೂ ಲಕ್ಕಿಮ್ಯಾನ್​ಗೂ ಲಿಂಕ್!

ಐಪಿಎಲ್​​ನಲ್ಲಿ ಮಾಹಿ ಆಡ್ತಾರಾ ಇಲ್ವಾ ಅನ್ನೋ ಟೆನ್ಶನ್ ಫ್ಯಾನ್ಸ್​ನ ಕಾಡ್ತಿದೆ. ಸಿಎಸ್​ಕೆ ಫ್ರಾಂಚೈಸಿಗೂ ಇದು ಉತ್ತರ ಸಿಗದ ಪ್ರಶ್ನೆಯಾಗಿದೆ. ಇತ್ತ ಧೋನಿ ಮಾತ್ರ ಫುಲ್ ರಿಲ್ಯಾಕ್ಸ್​ ಮೂಡ್​ನಲ್ಲಿದ್ದಾರೆ. ಅದೃಷ್ಟದ ಹುಡುಕಾಟಕ್ಕೆ ಇಳಿದಿದ್ದಾರೆ.

ಮಹೇಂದ್ರ ಸಿಂಗ್ ಧೋನಿ. ಸದ್ಯ ಭಾರತೀಯ ಕ್ರಿಕೆಟ್ ಲೋಕದ ಹಾಟ್ ಟಾಪಿಕ್. ಐಪಿಎಲ್ ರಿಟೈನ್ಶನ್​​​ ಡೆಡ್​ಲೈನ್ ಹತ್ತಿರವಾಗ್ತಿದ್ದಂತೆ, ಧೋನಿ ಮುಂದಿನ ಸೀಸನ್ ಆಡ್ತಾರಾ? ಇಲ್ವಾ? ಅನ್ನೋ ಪ್ರಶ್ನೆ ಕ್ರಿಕೆಟ್ ವಲಯದ ಚರ್ಚೆಯ ಕೇಂದ್ರ ಬಿಂದುವಾಗಿದೆ. ಸಿಎಸ್​ಕೆ ಫ್ರಾಂಚೈಸಿ ಕೂಡ ಈ ವಿಚಾರದಲ್ಲೂ ಕ್ಲೂ ಕೂಡ ಸಿಗದೇ ತಲೆ ಮೇಲೆ ಕೈ ಹೊತ್ತು ಕೂತಿದೆ. ಆದ್ರೆ, ಧೋನಿ ಮಾತ್ರ ಫುಲ್ ರಿಲ್ಯಾಕ್ಸ್​ ಮೂಡ್​ ನಲ್ಲಿದ್ದಾರೆ. ಐಪಿಎಲ್​ಗೂ ಮುನ್ನ ಅದೃಷ್ಟದ ಹುಡುಕಾಟ ನಡೆಸ್ತಿದ್ದಾರೆ.

ಇದನ್ನೂ ಓದಿ:ಸಿಎಸ್​ಕೆಗೆ ಟೆನ್ಶನ್ ಕೊಟ್ಟ MS ಧೋನಿ; ತಲಾ ಸಸ್ಪೆನ್ಸ್​​ ಸೂತ್ರದ ಹಿಂದಿನ ಸೀಕ್ರೆಟ್​ ಏನು..?

ಅಂಬಾನಿ ಸೊಸೆ ರಾಧಿಕಾ ಮರ್ಚೆಂಟ್ ಬರ್ತ್​ಡೇ ಪಾರ್ಟಿಯಲ್ಲಿ ಧೋನಿ ಕ್ಲಿಕ್ಕಿಸಿಕೊಂಡಿರುವ ಪೋಟೋ ಇದೀಗ ಅದೃಷ್ಟದ ಹುಡುಕಾಟದ ಕಥೆಯನ್ನ ಹೇಳ್ತಿದೆ. ಧೋನಿ ಜೊತೆಯಲ್ಲಿ ನಂಬರ್​ 7 ಫೋಸ್​ ಕೊಡ್ತಿರುವ ವ್ಯಕ್ತಿಯಿಂದಲೇ ಈ ಚರ್ಚೆ ಶುರುವಾಗಿರೋದು.

ಧೋನಿ IPL ಭವಿಷ್ಯಕ್ಕೂ ಲಕ್ಕಿಮ್ಯಾನ್​ಗೂ ಲಿಂಕ್
ಧೋನಿ ಐಪಿಎಲ್ ಆಡ್ತಾರೋ ಇಲ್ವೋ ಗೊತ್ತಿಲ್ಲ. ಬಾಲಿವುಡ್​ ಲೋಕದ ಲಕ್ಕಿ ಮ್ಯಾನ್​​ ಈ ಒರ್ರಿ ಜೊತೆ ಧೋನಿ ತೆಗೆಸಿಕೊಂಡ ಒಂದು ಫೋಟೋ ಧೋನಿ ಐಪಿಎಲ್ ಆಡ್ತಾರೆ ಎಂಬ ಸಂದೇಶ ರವಾನಿಸಿದೆ. ಐಪಿಎಲ್​ ಗೆದ್ದು, ಕ್ರಿಕೆಟ್​ಗೆ ವಿದಾಯ ಹೇಳೋ ಹೆಬ್ಬಯಕೆ ಹೊಂದಿರೋ ಧೋನಿ, ಆ ಕನಸು ನನಸು ಮಾಡಿಕೊಳ್ಳಲು ಈ ಅದೃಷ್ಟವಂತನ ಜೊತೆಗೆ ಫೋಟೋ ತೆಗೆಸಿಕೊಂಡಿದ್ದಾರೆ ಎಂಬ ಚರ್ಚೆ ಶುರುವಾಗಿದೆ.

ಹಾರ್ದಿಕ್​-ಸಿರಾಜ್​ ಜೊತೆನೂ ಫೋಟೋ
ಧೋನಿ ಮಾತ್ರವಲ್ಲ, ಧೋನಿ ಪತ್ನಿ ಸಾಕ್ಷಿ ಕೂಡ ಈ ಹಿಂದೆ ಈತನ ಜೊತೆ ಫೋಟೋ ತೆಗಿಸಿಕೊಂಡಿದ್ರು. ಟೀಮ್ ಇಂಡಿಯಾದ ಹಲವು ಆಟಗಾರರು ಕೂಡ ಈ ಅದೃಷ್ಟ ಬರಲಿ ಅನ್ನೋ ಕಾರಣಕ್ಕೆ ಲಕ್ಕಿ ಮ್ಯಾನ್​ ಜೊತೆಗೆ ಫೋಟೋ ತೆಗೆಸಿಕೊಂಡಿದ್ದಾರೆ. ಸ್ಟಾರ್ ಆಲ್​ರೌಂಡರ್ ಹಾರ್ದಿಕ್ ಪಾಂಡ್ಯ, ಮೊಹಮ್ಮದ್ ಸಿರಾಜ್​ ಕೂಡ ಈ ಲಕ್ಕಿಮ್ಯಾನ್ ಹಿಂದೆ ಬಿದ್ದು ಫೋಟೋ ತೆಗೆಸಿಕೊಂಡಿದ್ದಾರೆ.

ಇದನ್ನೂ ಓದಿ:MS ಧೋನಿ ನ್ಯೂ ಹೇರ್ ಸ್ಟೈಲ್​.. ಹೊಸ ಲುಕ್​ನಲ್ಲಿ ಐಪಿಎಲ್​ಗೆ ಎಂಟ್ರಿ ಕೊಡಲಿರೋ ಮಾಜಿ ಕ್ಯಾಪ್ಟನ್!

ಗಿಲ್​ ಪಾಲಿಗೆ ಲಕ್ಕಿಮ್ಯಾನ್​ ಒರ್ರಿ
ಈ ಅದೃಷ್ಟದ ಟ್ಯಾಕ್ಟಿಕ್​ ವರ್ಕೌಟ್​ ಕೂಡ ಆಗುತ್ತೆ. 2023ರ ನವೆಂಬರ್​ನಲ್ಲಿ ಶುಭ್​ಮನ್ ಗಿಲ್​ ಕೂಡ ಒರ್ರಿ ಜೊತೆ ಎದೆ ಮೇಲೆ ಕೈ ಇರಿಸಿಕೊಂಡು ಫೋಟೋ ತೆಗೆಸಿಕೊಂಡಿದ್ರು. ಆ ಬಳಿಕ ಟೆಸ್ಟ್​ನಲ್ಲಿ ಕಮ್​ಬ್ಯಾಕ್ ಮಾಡಿದ ಗಿಲ್, ಟಿ20, ಏಕದಿನ ತಂಡದ ಉಪ ನಾಯಕನ ಪಟ್ಟವೇರಿದ್ರು.

ಹಲವು ಕ್ರಿಕೆಟಿಗರ ಪಾಲಿಗೆ ಫೇವರಿಟ್ ಈ ಒರ್ರಿ
ಹಾರ್ದಿಕ್, ಸಿರಾಜ್​​​, ಶುಭ್​ಮನ್​ಗೆ ಮಾತ್ರವಲ್ಲ. ಈ ಒರ್ರಿ ಇಶಾನ್ ಕಿಶನ್, ಯಜುವೇಂದ್ರ ಚಹಲ್, ಪೃಥ್ವಿ ಶಾ, ಕ್ರಿಸ್ ಗೇಲ್ ಸೇರಿದಂತೆ ಹಲವರ ಪಾಲಿನ ಹಾಟ್ ಫೇವರಿಟ್ ಆಗಿದ್ದಾರೆ. ಸಚಿನ್ ಪುತ್ರಿ ಸಾರಾ ತೆಂಡುಲ್ಕರ್ ಕೂಡ ಈ ಲಿಸ್ಟ್​ನಲ್ಲಿದ್ದಾರೆ.

ಯಾರು ಈ ಒರ್ರಿ..?
ಈ ಒರ್ರಿಯ ಪೂರ್ತಿ ಹೆಸರು ಒರ್ಹಾನ್​ ಅವತ್ರಮಣಿ. ಒರ್ರಿ ಅಂತಾನೇ ಫೇಮಸ್​. ಬಾಲಿವುಡ್​ ಟಾಪ್​ ಸೆಲೆಬ್ರೆಟಿಗಳ ಹಾಟ್​ ಫೇವರಿಟ್​. ಬಾಲಿವುಡ್ ಮಂದಿ ಹೋಗುವ ಪ್ರತಿಯೊಂದು ಪಾರ್ಟಿಗಳಲ್ಲೂ ಈತ ಇರ್ತಾನೆ. ಸೆಲೆಬ್ರಿಟಿಗಳ ಜೊತೆನೇ ಓಡಾಡುತ್ತಾನೆ. ಸಲ್ಮಾನ್​ ಖಾನ್​, ಕರಿನಾ ಕಪೂರ್​, ದೀಪಿಕಾ ಪಡಿಕೋಣೆ​, ಪ್ರಿಯಾಂಕ ಚೋಫ್ರಾ, ಅನನ್ಯಾ ಪಾಂಡೆ, ಜಾನ್ವಿ ಕಪೂರ್, ಆಲಿಯಾ ಭಟ್​ ಅಷ್ಟೇ ಯಾಕೆ.. ಕೋಟಿ ಕುಬೇರ ಮುಖೇಶ್​ ಅಂಬಾನಿ ಪತ್ನಿ ನೀತಾ ಅಂಬಾನಿ ಕೂಡ ಒರ್ರಿ ಫೋಟೋ ಕ್ಲಿಕ್ಕಿಸಿಕೊಳ್ಳೋಕೆ ಕಾಯ್ತಾರೆ. ಒರ್ರಿಗೆ ಎದೆಯ ಮೇಲೆ ಕೈ ಇಟ್ಟು ಪೋಸ್​ ಕೋಡುವಂತೆ ಕೇಳಿ ಕೊಳ್ತಾರೆ.

ಇದನ್ನೂ ಓದಿ:CSKಯಲ್ಲಿ ದಿನಕ್ಕೊಂದು ಬೆಳವಣಿಗೆ.. ಧೋನಿ ಬಗ್ಗೆ CEO ಶಾಕಿಂಗ್ ಹೇಳಿಕೆ

ಈತ ಎದೆ ಮೇಲೆ ಕೈ ಇಟ್ಟರೆ ಲಕ್ಷ ಲಕ್ಷ
ಈ ಓರ್ರಿ ಈತ ಸೆಲಬ್ರೆಟಿಗಳ ಪಾಲಿನ ಲಕ್ಕಿಚಾರ್ಮ್‌. ಈತ ಎದೆಯ ಮೇಲೆ ಕೈ ಇಟ್ರೆ, ಅದೃಷ್ಟ ಖುಲಾಯಿಸುತ್ತೆ ಅನ್ನೋದು ಎಲ್ಲರ ನಂಬಿಕೆ. ಇದಕ್ಕಾಗಿ ಲಕ್ಷ ಲಕ್ಷ ಹಣವನ್ನೂ ನೀಡ್ತಾರೆ. 1ರಿಂದ 5 ಲಕ್ಷದವರೆಗೆ ಒರ್ರಿ ಚಾರ್ಜಸ್​ ಇದೇ ಅನ್ನೋ ಮಾಹಿತಿಯೂ ಇದೆ. ಈ ವಿಚಾರವನ್ನು ಸ್ವತಃ ಒರ್ರಿನೇ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾನೆ. ಇಷ್ಟು ದಿನ ಬಾಲಿವುಡ್​ಗೆ ಸೀಮಿತವಾಗಿದ್ದ ಒರ್ರಿ, ಇದೀಗ ಕ್ರಿಕೆಟ್ ಲೋಕದಲ್ಲೂ ಸಖತ್​ ಫೇಮಸ್​ ಆಗ್ತಿದ್ದಾನೆ. ದಿಗ್ಗಜ ಧೋನಿ ಕೂಡ ಫೋಟೋ ತೆಗಿಸಿಕೊಂಡಿದ್ದಾರೆ. ಧೋನಿಗೆ ಅದೃಷ್ಟ ಖುಲಾಯಿಸುತ್ತಾ? ಕಾದು ನೋಡೋಣ.

ಇದನ್ನೂ ಓದಿ:6 ಆಟಗಾರರ​ ರಿಟೈನ್​ಗೆ ಅನುಮತಿ.. ಧೋನಿಗೂ ಗುಡ್​ನ್ಯೂಸ್ ಕೊಟ್ಟ ಬಿಸಿಸಿಐ..!​

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್