ಧೋನಿ ಮಾಡಿದ ಈ ರನೌಟ್ ಭಾರೀ ವೈರಲ್.. ವಿಂಟೇಜ್​ ಧೋನಿಯ ದರ್ಶನ ಹೇಗಿತ್ತು..? VIDEO

ಸತತ ಸೋಲುಗಳಿಂದ ಕಂಗೆಟ್ಟಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡ ಕೊನೆಗೂ ಗೆಲುವಿನ ಹಳಿಗೆ ಮರಳಿತು. ರೋಚಕ ಘಟ್ಟ ತಲುಪಿದ್ದ ಪಂದ್ಯದಲ್ಲಿ ವಿಂಟೇಜ್​ ಧೋನಿಯ ದರ್ಶನವೂ ಆಯ್ತು.

ಟಾಸ್​ ಗೆದ್ದು ಬೌಲಿಂಗ್​​ ಆಯ್ದುಕೊಂಡ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡ ಎಕಾನ ಮೈದಾನದಲ್ಲಿ ಆರಂಭದಲ್ಲೇ ಸಕ್ಸಸ್​ ಕಂಡುಕೊಳ್ತು. ಏಡೆನ್​ ಮರ್ಕರಮ್​​, ನಿಕೋಲಸ್​​ ಪೂರನ್​ ಸಿಂಗಲ್​ ಡಿಜಿಟ್​ ಸ್ಕೋರ್​​ ವಿಕೆಟ್​ ಒಪ್ಪಿಸಿದ್ರು. ಖಲೀಲ್​ ಅಹ್ಮದ್​, ಅನ್ಶುಲ್​​ ಕಾಂಬೋಜ್​ ಚೆನ್ನೈಗೆ ಆರಂಭಿಕ ಮೇಲುಗೈ ತಂದುಕೊಟ್ರು.

ಇದನ್ನೂ ಓದಿ: ಡೆಲ್ಲಿ ಕ್ಯಾಪಿಟಲ್ಸ್​ ಮೊದಲ ಸೋಲಿನ ಬೆನ್ನಲ್ಲೇ ಕ್ಯಾಪ್ಟನ್​ ಅಕ್ಷರ್​ ಪಟೇಲ್​ಗೆ ಬಿಗ್ ಶಾಕ್

ಮಿಡಲ್​ ಓವರ್​ಗಳಲ್ಲಿ ಸ್ಪಿನ್ನರ್ಸ್​ ಲಕ್ನೋ ಬ್ಯಾಟರ್ಸ್​ನ ಕಾಡಿದ್ರು. 30 ರನ್​ಗಳಿಸಿದ್ದ ಮಿಚೆಲ್​ ಮಾರ್ಷ್​​ ರವೀಂದ್ರ ಜಡೇಜಾ ಬೌಲಿಂಗ್​ನಲ್ಲಿ ಕ್ಲೀನ್​ಬೋಲ್ಡ್​ ಆದ್ರು. 2 ಅದೃಷ್ಟದ ಅವಕಾಶ ಪಡೆದ ಆಯುಷ್​ ಬದೋನಿ 22 ರನ್​ಗಳಿಸಿ ಜಡೇಜಾಗೆ 2ನೇ ಬಲಿಯಾದ್ರು. ಫಾರ್ಮ್​ ಕಂಡುಕೊಂಡ ರಿಷಭ್​ ಪಂತ್​ ಚೆನ್ನೈ ಬೌಲರ್​​ಗಳನ್ನ ಕಾಡಿದ್ರು. ಎಚ್ಚರಿಕೆಯ ಆಟವಾಡಿದ ರಿಷಭ್​ ಪಂತ್​ ಈ ಐಪಿಎಲ್​ನಲ್ಲಿ ಕೊನೆಗೂ ರಿದಮ್​ ಕಂಡುಕೊಂಡ್ರು. ಸತತ ವೈಫಲ್ಯವನ್ನ ಮೆಟ್ಟಿನಿಂತು ಹಾಫ್​ ಸೆಂಚುರಿ ಸಿಡಿಸಿದ್ರು. 4 ಬೌಂಡರಿ, 4 ಸಿಕ್ಸರ್​ ಸಿಡಿಸಿದ ಪಂತ್​ 49 ಎಸೆತಗಳಲ್ಲಿ 63 ರನ್​ಗಳಿಸಿದ್ರು.

ಅಬ್ಧುಲ್​ ಸಮದ್​ 20 ರನ್​ಗಳಿಸಿದರು. ವಿಶೇಷ ಅಂದ್ರೆ ಧೋನಿ ಅವರು ಶಮದ್​ರನ್ನು ರನೌಟ್ ಮಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗ್ತಿದೆ. ಶಾರ್ದೂಲ್​ ಠಾಕೂರ್​ 6 ರನ್​ಗಳಿಸಿ ಇನ್ನಿಂಗ್ಸ್​ನ ಕೊನೆ ಎಸೆತದಲ್ಲಿ ಔಟಾದ್ರು. ಅಂತಿಮವಾಗಿ 7 ವಿಕೆಟ್​ ನಷ್ಟಕ್ಕೆ 166 ರನ್​ಗಳಿಸಿತು. 167 ರನ್​ಗಳ ಚೇಸಿಂಗ್​ಗಿಳಿದ ಚೆನ್ನೈಗೆ ಡಿಸೆಂಟ್​ ಆರಂಭ ಸಿಗ್ತು. ರಚಿನ್​ ರವೀಂದ್ರ, ಶೇಕ್​ ರಶೀದ್​ 52 ರನ್​ಗಳ ಜೊತೆಯಾಟವಾಡಿದ್ರು. ಡೆಬ್ಯೂ ಪಂದ್ಯದಲ್ಲಿ 6 ಬೌಂಡರಿ ಸಿಡಿಸಿ ಮಿಂಚಿದ ಶೇಕ್​ ರಶೀದ್​​ 27 ರನ್​ಗಳಿಸಿ ಔಟಾದ್ರು.

ಇದನ್ನೂ ಓದಿ: RCB ನೆಕ್ಸ್ಟ್​ ಮ್ಯಾಚ್ ಯಾವಾಗ, ಎಲ್ಲಿ..? ಬಲಿಷ್ಠ ಟೀಮ್ ಜೊತೆ ಹೋರಾಡಲಿರೋ ರಜತ್ ಸೇನೆ

#MSDhoni𓃵 No Looks throw

There is no better wicketkeeper than Dhoni.

Dhoni is performing brilliantly regardless of his age. 😍

Dhoni's name will not be forgotten as long as cricket exists.#LSGvsCSK#CSKvsLSGpic.twitter.com/yvXiZZcWE5

— Shashi Kumar Reddy Vura (@vurashashi) April 14, 2025

8ನೇ ಓವರ್​ನಲ್ಲಿ ಮರ್ಕರಮ್​​, ರಚಿನ್​ ರವೀಂದ್ರನ ಎಲ್​​ಬಿ ಬಲೆಗೆ ಬೀಳಿಸಿದ್ರು. ಆ ಬಳಿಕ ರವಿ ಬಿಷ್ನೋಯ್​​​ ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಉರುಳಿಸಿದ್ರು. ರಾಹುಲ್​ ತ್ರಿಪಾಠಿ, ರವೀಂದ್ರ ಜಡೇಜಾ ಇಬ್ಬರೂ ಬಿಷ್ನೋಯ್​​​ ಸ್ಪಿನ್​ ಬಲೆಗೆ ಬಿದ್ರು. ​ಮತ್ತೊಂದು ಫ್ಲಾಪ್​ ಶೋ ನೀಡಿ ವಿಜಯ್​ ಶಂಕರ್​​ ನಿರ್ಗಮಿಸಿದ್ರು. ಲಕ್ನೋ ಸ್ಪಿನ್​ ದಾಳಕ್ಕೆ ತತ್ತರಿಸಿದ 15 ಓವರ್​​ ಅಂತ್ಯಕ್ಕೆ 5 ಪ್ರಮುಖ ವಿಕೆಟ್​​ ಕಳೆದುಕೊಳ್ತು.

6ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದ ಎಮ್​.ಎಸ್​ ಧೋನಿ ಫ್ಯಾನ್ಸ್​ಗೆ ನಿರಾಸೆ ಮೂಡಿಸಲಿಲ್ಲ. ಅಬ್ಬರದ ಆಟವಾಡಿದ್ರು. ಧೋನಿಗೆ ಶಿವಂ ದುಬೆ ಸಾಥ್​ ನೀಡಿದ್ರು. 4 ಬೌಂಡರಿ, 1 ಸಿಕ್ಸರ್​ ಸಿಡಿಸಿದ ಧೋನಿ ಜಸ್ಟ್​ 11 ಎಸೆತಗಳಲ್ಲೇ 26 ರನ್​ಗಳಿಸಿದ್ರು. ಅಂತಿಮ ಓವರ್​ನ 3ನೇ ಎಸೆತವನ್ನ ಬೌಂಡರಿ ಸಿಡಿಸಿದ ಶಿವಂ ದುಬೆ ಚೆನ್ನೈ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. ಸತತ 5 ಸೋಲುಗಳಿಂದ ಕಂಗೆಟ್ಟಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​ 5 ವಿಕೆಟ್​ಗಳ ಗೆಲುವು ಸಾಧಿಸಿತು. ಹ್ಯಾಟ್ರಿಕ್​ ಗೆಲುವಿನ ನಿರೀಕ್ಷೆಯಲ್ಲಿದ್ದ ಲಕ್ನೋ ನಿರಾಸೆ ಅನುಭವಿಸಿತು.

ಇದನ್ನೂ ಓದಿ: 11 ಬಾಲ್​​ನಲ್ಲಿ 26 ರನ್​ ಚಚ್ಚಿದ ಧೋನಿ, ಕೊನೆಗೂ ಗೆದ್ದು ಬೀಗಿದ ಚೆನ್ನೈ ಸೂಪರ್ ಕಿಂಗ್ಸ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್